Mayịka 5:1 - BAYỊBURU Izii

¹ “Sụ-a; unu chịkobe onwunu nọo l'ophere l'ophere; unubẹ mkpụkpu ono, ikpoto nemadzụ nọ ono; kẹle ndu ọhogu unu nọ-pheakwaru unu anọ-phe. Onye-ishi Ízurẹlu bẹ ẹphe e-chikwa mgbọro l'asha kẹ kpoo.

Mayịka 5:1 ပူးပေါင်းရင်းမြစ်များ

Ebvu Aphụ 3:30

G'o dobe upfuru-nchị iya g'onye echi iya ẹka chita ike iya; Ọ haa g'e gude iphe-iphere nụ-jia ya ẹpho.

Jiobu 16:10

Ndiphe anọduje ebvu mu ọnu l'ẹhu. Tẹme ẹphe nọdu anọduje echi mu ẹka lẹ nchị gude eme mu iphe-iphere; mbụ tụgba nanụ g'ẹphe kpọnyia mu ẹnya.

2 Kọrentu 11:20

Unu atajẹelaa nshi nọ-kirishia; a -nọnyaa onye lanụ abya eworu unu mee nwohu iya; ọzoo bya anọdu tụko iphe unu riẹbe; ọzoo bya anọdu emephe unu l'ụji; ọzoo bya awata unu anma phulaphula; ọzoo bya eworu ẹka waa unu lẹ nchị kẹ gbaa.

Ndu-ishi-ozi 23:2

Noo ya; Ananayasu, bụ onye-ishi ndu-ishi uke Chileke gbalihuẹpho sụ gẹ ndu pfụ-kube Pọlu chia ya ẹka l'ọnu.

Jiọnu 19:3

Ẹphe byapfuta iya bya asụje iya: “Ndzụ dụ ngu; eze ndu Jiu.” Ẹphe awaa iya ẹka l'atatiphu kẹ gbaa.

Jiọnu 18:22

Jizọsu pfuẹpho nno; onye lanụ lẹ ndu nche ono, pfụ-kube Jizọsu ono gbakpọepho ẹka waa ya lẹ nchị kẹ daa sụ iya: “?Ị maru-a l'ọo onye-ishi ndu-ishi uke Chileke bẹ ịiwo opfu nno?”

Matiyu 26:67

Noo teke ẹphe watarụ iya avụ ọnu-mini l'iphu; chiahaa ya iphe; ndu echi iya ẹka lẹ nchị sụ iya:

Azáya 33:22

Noo kẹle ọo Chipfu bụ onye-ikpe k'anyi. Mbụ l'ọo Chipfu l'atụru anyi iphe, anyi a-nọdu eme. Tẹme ọ bụru Chipfu bụ onye eze k'anyi. Ọo ya bụ onye a-dzọta anyi.

Ditoronomi 28:49

Chipfu e-duta ọha, shi ụzenya; mbụ l'ẹka igwe beru alị beru; g'ẹphe zia phaa g'ugo bya ezikọta unu. Ọha ono a-bụru ndu unu ta anụdu olu phẹ.

Matiyu 27:30

Ẹphe avụa ya ọnu-mini; bya eworu mgbọro ono emoje iya l'ishi.

Matiyu 5:39

Obenu lẹ mu epfuru unu sụ: onye meru ngu ẹjo-iphe; te ejekwa iya emelata. Onye chiru ngu ẹka l'agbagba-nchị ẹkutara; ghafụaru iya nchị ẹkicha.

Habakuku 3:16

Teke mu nụmaru iya bẹ meji tsukahụru mu; mbụ ụgbu-ọnu phụkota mu aphụphu l'ẹka mu nụmaru igiji iya. Ọkpu reshihuchaa mu ereshihu; ọkpa phụkota mu kpaakpaakpaa. Mu a-takpọepho nshi kwabẹru mbọku, ẹphe eje oke iphe-ẹhuka; mbụ ndu ono, gude ojọgu phẹ asọpyabe anyi ono.

Habakuku 1:6

Kẹle-a; lenu-a ẹnya lẹ mu edozi ndu Bábilọnu; mbụ ọha ono, ata aphụjedu obu-imemini; bya abụru ndu eme barabara ono. Ndu ono bụ ndu agbajẹ mgboko ophorokpo; ndu egudeje ọkpehu nata alị, abụdu nkephẹ buru.

Émọsu 2:3

Mu e-gbu onye eze phẹ; bya atụko ndu-ishi l'ime iya gbukọbe ẹphe l'iya.” Nokwa iphe, Chipfu eepfu bụ ono.

Jiowẹlu 3:9

Unu woru iphe-a pfuaru ọhamoha: Unu kwakọbekwa k'ọgu! Unu mekwaa gẹ ndu ike ọgu dụ tsulihu! G'iphe, bụkpoo ndu alwụje ọgu kpịritakwaru ntse bya awata alwụ ọgu!

Ezekẹlu 24:2

“Nwa ndiphe; dee iphe ntanụ-a bụ l'ẹkwo; mbụ ntanụ-a gẹdegede; kẹle ọo ntanụ-a gẹdegede bẹ eze ndu Bábilọnu kephetaru Jierúsalẹmu k'ọgu.

Jieremaya 25:9

bẹ mu a-chịkobe ndu isheli l'ipfu l'ipfu; yẹe onye-ozi mu, bụ Nebukadineza, bụ eze ndu Bábilọnu. Ọ kwa Chipfu epfu iya. Mu a-chịru phẹ bya g'ẹphe bụru ndu alị-a ọhogu; yẹe iphe, bụ ndu bu iya nụ; mẹ iphe, bụkpoo ọha, bupheru phẹ mgburugburu. Mu e-mebyishibẹbe phẹ rengurengu kpọ; mee phẹ; ẹphe abụru iphe, anyị ishi ẹdzu; bya abụru iphe e gude eme iphe ọchi; yẹle iphe, e gude ephu l'iphu; tẹme l'ọ bụru ochobu jasụ l'ojejoje.

Jieremaya 4:7

Oduma shiakwa l'ẹpfukala iya wafụta. Ọla-iphe-l'iswi k'ọha l'ophu bẹ gbalihuakwaru nụ. O shiakwa l'ẹka ọ nọ tụgbua eje g'o mee alị unu ono g'ọ bụru ochobu. Mkpụkpu unu a-tụko bụchaaru ikpọzu; ọphu ọ dụdu onye bya l'ebubaru l'ime iya.

Azáya 10:6

Mu a-chịru Asiriya yeru ọha, amadụ mụbe Chileke. Mbụ lẹ mu e-woru iya nwuaru ọha, akpatsuje mu ẹhu-eghu; g'ẹphe kwaa ya ọkwata kee iphe phẹ l'ọha. Ẹphe azọo phẹ tọlitoli g'onye azọka ẹpuchi lẹ gbororo.”

Azáya 8:9

Unu chia mkpu ọgu; unubẹ ọhamoha! G'a chịkashikwaa unu achịkashi! Unu ngabẹkwa nchị; unubẹ ndu bu l'ẹka dụ ẹnya! Unu dzukọbekwa k'ọgu; ọle aa-chịkashikwanu unu achịkashi. Sụ-a; unu dzukọbe k'ọgu; ọle aa-chịkashikwanu unu achịkashi.

2 Ndu eze 24:2

Chipfu bya zia ndu ojọgu ọ-lwụa-ọla, shi alị Bábilọnu; mẹ kẹ ndu Arámu; mẹ kẹ ndu Mówabu; mẹ kẹ ndu Amọnu; ẹphe byapfutashịa Jiehoyakimu ọgu; mbụ g'ẹphe bya emebyishia Jiuda ẹgube ono, Chipfu shi l'ọnu ndu-ozi iya, bụ ndu mpfuchiru iya pfua l'ọo-dụ ono.

1 Ndu eze 22:24

Tọbudu iya bụ; Zedekaya nwa Kenana je erepyaa Mayịkaya ẹka l'upfuru nchị; sụ: “?Dẹnu gẹ Unme Chipfu shi lụfu mu l'ẹhu; bya epfuru yeru ngu?”

Mbụlembu 35:19

Noo ya; Rechiẹlu nwụhu; e lia ya l'ụzo Ifurata, bụ iya bụ Bẹtulehemu.

Mbụlembu 49:10

Jiuda ta abụ-buhuduru eze abụ-buhu; ọphu mgbọro-eze ono abyadụ alụfu iya alụfu lẹ mgbaka ọkpa; gbiriri jasụ teke onye ọ kụru ishi l'ẹka a-bya. Ọ -byaẹpho bẹ ọha l'ophu a-ngabẹru iya nchị.

Ditoronomi 33:27

Ọ kwa Chiojejoje bụ onye ịi-nọduje l'ime iya eze ndzụ. Ọ bụru oshi-ẹka ojejoje iya ono bẹ ọodeje ngu lẹ mkpula; kuta; heru eheru. Ọ nọdu achịfuje ndu ọhogu ngu l'atatiphu ngu; sụ ngu: ‘Ngwa; tụko phẹ gbushia!’

Ikpe 17:7

Tọbudu iya bụ; o dụru nwokorọbya lanụ, bụ onye Lívayi, shi lẹ mkpụkpu Bẹtulehemu, nọ l'alị Jiuda. O shi buru l'echilabọ ndu ipfu Jiuda.

Ẹkwo Ẹtu 8:23

A họtahawaru mu rọ teke aama; mbụ lẹ mbụlembukpoo; tẹme e meje mgboko.

Azáya 9:5

Akpọkpa ndu ojọgu g'ọ ha, e gude lwụa ọgu; mẹkpoo iphe, bụ uwe, a rwaphuru lẹ mee bẹ bụ iphe, e doberu k'akpọ ọku; mbụ l'ọo-dụ gẹ nkụ, e gude aphụ-nwu ọku;

Ezekẹlu 21:32

Unu a-bụru nkụ, eeye l'ọku. Ẹka aa-phụshi mee unu wụshi bụ l'echilabọ alị unu. A ta abyadụ anyatabaa unu ọzo; noo kẹle ọo mụbe Chipfu bẹ pfuru iya nụ.”

Danẹlu 9:25

“Ọwa-a bụ iphe, ịi-maru; yẹe iphe, e-do ngu ẹnya: E -shi teke ono, a tọru ọkpa sụ g'e mee Jierúsalẹmu g'ọ dụ g'o shi dụ; g'a kpụ-phu iya azụ; gbiriri jasụ teke k'onye ono, a wụru manụ l'ishi ono; mbụ onye ono, bụ onye-ishi ono, a-byanụ ono; bẹ a-bụru ugbo ẹsaa ẹsaa ugbo ẹsaa; yẹe ẹsaa ẹsaa ugbo ụkporo ẹto l'ẹbo. Teke ono bẹ aa-kpụ-phu iya azụ; tọo ya oji; tụa ya owere; ọle ọo-bụru teke aa-nọdu eje iphe-ẹhuka.