Mayịka 4:9 - BAYỊBURU Izii

⁹ ?Bụ gụnu kparụ iphe, ịira ẹkwa? ?Ti nwehẹdu onye eze tọo? Onye akpọ-ziru ngu ụzo; ?ọ lawarụ l'iswi tọo? mbụkwanu meru g'o gude iphe-ẹhuka gudeshia ngu gẹ nwanyị, ime eme.

Mayịka 4:9 ပူးပေါင်းရင်းမြစ်များ

Azáya 13:8

Ẹphe atsụhu ebvu; ẹhu aphụhu phẹ ụphu; l'ọoburu iphe-ẹhuka byaru phẹ gẹ nwanyị, ime eme. Onyemonye adụ nwibe iya akpabiri. Ẹphe agbanwụbe iphu ẹhuka ẹhuka.

Azáya 21:3

Noo g'o gude ogwẹhu mu l'ophu nọdu emekọta mu ẹhuka; ẹhu nọdu aphụkota mu ụphu. Mu dụepho gẹ nwanyị, ime eme. Anụma, mu nụmaru iya mee mu; mu kpọhu kulakula. Ahụma, mu hụmaru iya nmakọta mu ẹhu jiijiijii.

Azáya 26:17

Ọo gẹ nwanyị, dụ ime; ime nọdu emewaa iya; anọduje aswịkposhi onwiya; echi mkpu l'oome iya ẹhuka-a; noo g'anyi shi dụ nọdu ngu l'iphu; gụbe Chipfu.

Jieremaya 22:23

Unubẹ ndu bu l'úbvú úbvú Lébanọnu; mbụ ndu kparụ ẹpfune l'ụlo, a kụru l'oshi-sida; ẹgube ude, unu e-mechakwanaa tsụa teke iphe-ẹhuka azụ unu gburumu pfụurii; mbụ meahaa unu ẹhuka gẹ nwanyị, ime eme!”

Jieremaya 30:10

“Gẹ ndzụ ba agụkwa ngu; gụbe Jiékọpu, bụ onye-ozi mu! Nokwa iphe, Chipfu eepfu. G'e be yekwa ngu ebvu; gụbe Ízurẹlu; kẹle-a; lekwa lẹ-a; mu e-shikwa l'ẹka dụ ẹnya dzọta ngu. Mu adzọta ụnwu ngu l'alị ẹka a kpụru phẹ lẹ ndzụ laa. Noo teke Jiékọpu a-lwa azụ bya anọdu l'ẹhu-guu. Tẹme ọ tọ dụedu iphe, byaru emebaa ya nụ; ọphu ọ dụdu onye byaru emebaa ya g'ọ bụru onye ndzụ agụ.

Jieremaya 4:21

?Bụ jasụ teke ole bẹ mu a-nọdu ele ọgu ẹnya l'oophukọ; mu anụkwapho ẹka eegbu opu-ọgu?

Jieremaya 4:31

Mu nụmakwaru olu-ẹkwa onye dụ gẹ nwanyị, ime eme; mbụ l'ude, ọotsu dụ gẹ k'onye ime-ọduu l'eme. Olu ono bụkwa kẹ Nwada Zayọnu, l'eme g'oome tụa unme; machịru ẹka iya epfu sụ: “Oowaa! Ike abvụakwaa mu. Ndzụ mu bẹ e woakwaru nụ ndu mgbugbụmadzu.”

Jieremaya 48:41

Mkpụkpu, nọgbaa ya nụ bẹ aa-lwụtachaa. L'a natachaa phẹ ụlo, ẹphe edomije onwophẹ. Lẹ mbọku ono bẹ obu ndu Ojọgu ndu Mówabu a-dụepho g'obu nwanyị, ime eme.

Jieremaya 50:43

Eze ndu Bábilọnu nụmawaru akọ phẹ; ẹka kụda iya. Ndzụ-agụgu gude iya; iphe meahaa ya ẹhuka gẹ nwanyị, ime eme.

Jieremaya 8:19

Ngabẹkpodapho nchị nụma mkpu, ndibe mu echi; mkpu, ẹphe gbẹ l'alị, dụ ẹnya ẹnya echi sụ: “?Ọ dụ gẹ Chipfu ta anọedu lẹ Zayọnu tọo? ?Onye Eze phẹ ono ta anọedu iya tọo?” “?Bụ gụnu meru g'o gude ẹphe gude ntẹkpe phẹ kpatsu mu iwe; mbụ nshi ono, ẹphe gwọtaru l'ọhozo ono, adụdu iphe, ọ bụ ono?”

Ebvu Aphụ 4:20

Onye ono, Chipfu wụru manụ l'ishi; mbụ onye ono, bụ iya bụ unme, anyi atụ ono bẹ nwulahụru lẹ nsụ, ẹphe tụru; mbụ onye ono, anyi rịru sụ l'anyi a-nọdu lẹ mkpula iya dzụru ndzụ l'echilabọ ọhamoha ono.

Hosiya 10:3

“Noo teke ẹphe a-wata epfu sụ: ‘Anyi te enwekwa onye eze. Iphe, kparụ iya nụ bụru l'anyi ta atsụdu Chipfu ebvu. Ọle ọ bụ; ọme anyi nweru onye eze; ?bụ gụnu bẹ ọ gege adụ ike meeru anyi?’

Hosiya 13:13

Iphe-ẹhuka, ooje dụe ya phọ g'ọoduje nwanyị, ime eme. Obenu l'ọ bụ nwata, amadụ iphe, abụjeru; o -rwua l'ezeda iya; ọ tọo madụru eye ishi l'ẹnu ẹhu ne iya.

Hosiya 3:4

Noo kẹle ndu Ízurẹlu a-nọ ujiku olemole; ẹphe tee nweduru onye a-bụru eze phẹ; ọphu ẹphe enweduru ndu a-bụru ndu-ishi phẹ. Ẹphe taa gwaẹdu iphe; ọphu ẹphe enweẹduru mkpuma, dụ nsọ. Ẹphe tee nweduru uwe-ukuvu; ọphu ẹphe agwọedu ọbvu.

Mayịka 5:3

“Ọo ya bụ lẹ ndu Ízurẹlu bẹ aa-gwọbe gbiriri jasụ teke nwanyị ono, ime eme ono l'ezeda; tẹme ụnwunna iya ndu ọphuu alwapfutafụa ndu Ízurẹlu.

Jiọnu 16:21

Ọobujeru upfu watawaa eme nwanyị, dụ ime ẹhuka; ẹhu arwụhue ya phọ arwụhu; kẹle ọ mawaru l'o rwuwaru teke ya e-je iphe, a-tsụ iya l'ẹhu. O -zedachaẹpho; l'ọ zọhaa iphe-ẹhuka ono. Ẹhu awata iya atsọ ụtso; kẹle ọ nwụtaru nwa, l'a-nọdu lẹ mgboko.

Ọphulenya 12:2

Nwanyị ono bẹ ẹpho bewaru l'ezeda. Ime nọdu eme iya emeshi iya ike k'anwụ nwa ono. O metabe iya k'ọphu ọ rashịaru ẹkwa.