Mayịka 4:8 - BAYỊBURU Izii

⁸ “A -bya lẹ gụbe nwada Zayọnu, bụ ẹka a nọ eche ndu Ízurẹlu g'onye eche atụru-a; bya abụru ẹka ndu Ízurẹlu agbabajẹ je ezeeru ndzụ; ii-mechaa bụru ishi g'i shi bụru teke ndiche; mbụ l'abụru eze e-mechaa rwubebaa gụbe nwada Jierúsalẹmu ọzobaa.

Mayịka 4:8 ပူးပေါင်းရင်းမြစ်များ

Mbụlembu 35:21

Ízurẹlu tụgbukwa ọzo; bya eje akpọbe ụlo-ẹkwa iya l'azụ ụlo-ephekerephe, bụ Eda.

2 Sámẹlu 5:7

Ọle Dévidi mechalẹru-a lwụta ẹka a kpụshiru ike, nọ l'eli úbvú Zayọnu, mecharu bụru mkpụkpu Dévidi.

Nehemaya 3:25

Palalu nwa Uzayi bẹ kpụkwaru ẹka dụ l'iphu nkuku igbulọ ono; yẹle ụlo-ephekerephe ono, sefutaru ishi l'ibe eze l'ẹka iya ọphu dụ l'ụzo imeli mkpụkpu ono lẹ mgboru ọma ẹka ndu nche anọje. Onye kpụkwaru tsota iya nụ bụ Pedaya nwa Paroshi.

Ebvu-ọma 24:7

Unu gụhashia ọnu-abata ono g'o gheru ọnu! Unu gụhashia mgbo ndiche ono; k'ọphu eze akpabiri a-bata.

Ebvu-ọma 48:3

Chileke nọakwa l'ụlo ndu mkpụkpu ono anọduje ezeru ndzụ. O mewaru g'a maru l'ọo yẹbedua bụ a -gbabe-ezeeru-ndzụ.

Ebvu-ọma 61:3

Kẹle ọo ngu bẹ mu gbabarụ l'ime ngu je edomia onwomu; bya abụkwaru ngu phọ bụ ụlo-mgbobuta, mu bahụru shi nno nahụ ndu ọhogu mu.

Ebvu Sólomọnu 4:4

Olu ngu mịtaru ogologo g'ụlo-eli, Dévidi kpụru, bụ ẹka eedobeje ngwọgu. Ọo l'igbulọ iya bẹ e kokaaru iphe, eegudeje ezeru ndzụ l'ọgu, dụ ụnu labọ l'ụkporo iri. Ndu ojọgu egudeje iya ezeru ndzụ l'ọgu.

Azáya 1:26

Mu e-dophuchaa ndu-ikpe unu azụ g'ẹphe dụ g'ẹphe shi dụ teke ndiche. Mu emee ndu akpọ-zijeru unu ụzo g'ẹphe dụ g'ẹphe shi dụ lẹ mbụ. E -mechaa l'aawata unu eku mkpụkpu, pfụberekoto; mkpụkpu, e gude ẹka.”

Azáya 10:32

Ọ bụru mbọku ono bẹ ẹphe e-jeta je agbụru lẹ mkpụkpu Nobu. Ẹphe egbu ẹka swịkiswiki l'iphu úbvú Zayọnu ono; mbụ l'eli úbvú Jierúsalẹmu.

Azáya 5:2

Ọ hazeru iya ahaze bya atụtushichaa ya mkpuma bya ahọta akpụru vayịnu, kachaa ree kụa ya. Ọ bya akpụa ụlo-nche dobe iya; bya emetakwa iya phọ ẹka aakụje mẹe. Ọ nọdu ele iya ẹnya amịta akpụru vayịnu, dụ ree. Obenu l'ọ gbẹ bụru ẹjo akpụru bẹ ọ mịtaru.

Danẹlu 2:44

“Ọ bụru teke ndu ono, a-bụru eze ono bẹ Chileke k'imigwe e-gude ẹka iya meta alị-eze ọphu a ta abyadụ e-mebyishi. Ọphu ọ dụdu onye byaru a-nochibaa ọkwa eze k'ono. Ọo-kụpyashikota alị-eze ono g'ọ ha gwee phẹ arakabya mee ẹphe taa dụbaedu; yẹbedua anọdu jasụ lẹ tuutuutuu lẹ mịimiimii.

Danẹlu 7:18

Obenu lẹ kẹ Ọkalibe-kangokọtaru-nụ l'e-mechaa natachaa alị-eze ono nwowarụro jasụ l'ojejoje; mbụ l'ọo-nọduwa iya rọ l'ẹka jasụ lẹ tuutuutuu lẹ mịimiimii.’

Obedaya 1:21

Ndu adzọje ndzụ e-nyihu úbvú Zayọnu je anọdu kpee ndu bugbaa l'alị úbvú úbvú oshilọkpa Ịso ikpe. Noo ya bụ; alị-eze ọbu l'ophu abụkotaru kẹ Chipfu.”

Mayịka 2:12

“Ọ tọ dụkwa iphe, e-me gẹ mu ta atụko g'unu ha chịkobe; unubẹ oshilọkpa Jiékọpu! Ọ tọ dụkwa iphe, e-me gẹ mu ta achịkobe unubẹ nwandu wafụru nụ l'ọnu-ụlo Ízurẹlu l'ẹka lanụ! Mu a-chịkota phẹ g'ẹphe nọkobe l'ẹka lanụ g'onye chịru atụru ye l'ụlo atụru; g'onye doberu eghu yẹe atụru l'ẹka ọ nọ ata nri. Ẹphe e-ji ẹka ono pyịmu pyịmu atụ wọowoowoo kẹle ẹphe a-pa igwerigwe.

Zekaraya 9:10

Ndu Ifuremu bẹ mu a-nafụ ụgbo-ịnya-ọgu phẹ; mu anafụkwapho ndu Jierúsalẹmu ịnya, aagbajẹ alwụ ọgu. L'a gbajia ụta, e gude eje ọgu. L'ọ raa ya arara sụ g'ẹhu dụkwa ọhamoha guu. Abụ eze nkiya e -shi l'eze-ẹnyimu ọwa dasweru eze-ẹnyimu ọzo. L'o shikwaphọ l'ẹnyimu Yufurétisu nọo jasụ l'ẹka igwe beru alị beru.

Zekaraya 9:12

Unu laphu azụ l'ẹka ono, unu kpụshiru ike ono; unubẹ ndu mkpọro ono, ẹnya dụ l'ụzo ono! Mbụ lẹ nta-a bẹ mu arakwa iya arara lẹ mu a-nụ unu iphe, ha g'iphe, unu shi nwehawarụ ugbo ẹbo;

Zekaraya 9:9

Gụbe nwada Zayọnu; tekwaa ẹswa teshia ya ike! Gụa ebvu ẹhu-ụtso; gụbe nwada Jierúsalẹmu! Lekwa; onye bụru ngu eze abyapfutaakwa ngu. Ọ bụ onye pfụberekoto; tẹme ọ nọdu adzọje nemadzụ. O wozetaru onwiya alị; nọdu l'eli nkapfụ-ịgara agba abya; mbụ l'eli nwa nkapfụ-ịgara ọbu.

Ọ́gú 24:19

Onye-ishi bẹ e-shi l'ọnulo Jiékọpu fụta; bya emebyishia ndu ọphu phọduru nụ lẹ mkpụkpu ono.”

Matiyu 21:33

“Sụ-a; unu ngabẹkwa nchị nụma ẹtu ọzo. Ọ dụru nwoke lanụ, bụ nnajịuphu, larụ ẹgu vayịnu. Ọ bya agbaa ya mgbabu; bya ebua ya nsụ ẹka aanọduje azọshi mẹe l'akpụru vayịnu ono. Ọ bya akpụkwaapho nwụlo eli ephekerephe ẹka ee-nyihuje eche mgbabu ono nche. Ọ bya ebuta ndu-ozi-ẹgu woru iya ye phẹ l'ẹka bya ejeshia iphe-ọzo.

Maku 12:1

Jizọsu gude ẹtu ziahaa phẹ iphe sụ phẹ: “Nwoke lanụ larụ ẹgu vayịnu. Ọ bya agbaa ya mgbabu bya ebua ya nsụ ẹka aa-nọduje azọshi mẹe l'akpụru vayịnu ono. Ọ bya akpụkwaapho nwụlo eli ephekerephe ẹka ee-nyihuje eche mgbabu ono nche. Ọ bya eworu iya ye l'ẹka ndu o butaru g'ẹphe letajẹru iya ya ẹnya bya ejeshia-iphe ọzo.

Efesọsu 1:21

Kéreshi ono nọ-ngokọtaru iphe, bụkotakpoo ọchi-ọha imigwe; mẹkpoo ọ-nọ-l'oke-ọkwa imigwe g'ẹphe ha; mẹkpoo o-gude-ike imigwe g'ẹphe ha; mẹkwapho nnajịoha imigwe l'ophu; mẹkpoo iphe, bụkpoo iphe, e kuru ẹpha l'eliphe-a; mẹkpoo l'eliphe ọphu abya nụ.

Ọphulenya 22:5

Ẹnyashi ta adụhedu. Mkpa ìphóró orọku; ọzoo k'ẹnyanwu ta adụeduru phẹ ọzo; kẹle Nnajịuphu, bụ Chileke l'a-bụru ìphóró phẹ. Ẹphe abụru eze jasụ lẹ tuutuutuu lẹ mịimiimii.