Mayịka 4:6 - BAYỊBURU Izii

⁶ Wakwa iphe, Chipfu epfu baa: “O -rwua mbọku ono bẹ mu a-chịkobe ndu ẹniyeni; mu achịkobe ndu a chịfuru l'alị phẹ; yẹe ndu mu meru; ẹphe je iphe-ẹhuka.

Mayịka 4:6 ပူးပေါင်းရင်းမြစ်များ

Zefanaya 3:19

Lekwa; iphe, bụkpoo ndu eme unu ewere bẹ o -rwua teke ono bẹ mu e-mekwa phẹ iphe. Ndu ẹniyeni bẹ mu a-dzọta; mu abya achịkobe iphe, bụkpoo ndu e shi chịkaa nanụnanu. Mu e-me g'a jaa phẹ ajaja kwabẹ phẹ ùbvù l'iphe, bụkpoo alị ono, bụ ẹka e shi mee phẹ iphe-iphere ono.

Jiọnu 10:16

Mu nwekwarụpho ikpoto atụru ọzo, ayịdu lẹ ndu ọwa-a. Mu jefụtajekwa je achịtafua phẹ dobe; ẹphe atụko anụ olu mu. Ọo ya bụ; ẹphe atụko nmagba bụru igwe atụru lanụ; nweru onye lanụ, eche phẹ nụ.

Azáya 56:8

Nnajịuphu, bụ Chipfu epfukwa sụ-a; mbụ onye ono, aachịlata ndu Ízurẹlu ono, a kpụru lẹ ndzụ ono: “Mu a-chịlatabakwa ndu ọzo bya eyeru phẹ; a -gụfukwaro ndu ọphu mu chịlatawaru.”

Ebvu-ọma 147:2

Ọo Chipfu gude ẹka iya akpụ Jierúsalẹmu. Nta-a bẹ o rwutawaru ndu Ízurẹlu, a kpụru lẹ ndzụ gude alwaphuta azụ.

Luku 19:10

Abụbu-Ndiphe byakwaru achọ ndu tuphahụru etuphahụ g'ọo-dzọo phẹ.”

Mayịka 2:12

“Ọ tọ dụkwa iphe, e-me gẹ mu ta atụko g'unu ha chịkobe; unubẹ oshilọkpa Jiékọpu! Ọ tọ dụkwa iphe, e-me gẹ mu ta achịkobe unubẹ nwandu wafụru nụ l'ọnu-ụlo Ízurẹlu l'ẹka lanụ! Mu a-chịkota phẹ g'ẹphe nọkobe l'ẹka lanụ g'onye chịru atụru ye l'ụlo atụru; g'onye doberu eghu yẹe atụru l'ẹka ọ nọ ata nri. Ẹphe e-ji ẹka ono pyịmu pyịmu atụ wọowoowoo kẹle ẹphe a-pa igwerigwe.

Ezekẹlu 36:24

Noo kẹle mu a-nafụta unu l'ẹka ọhamoha ono. Mu e-rwukọbekota unu e shi l'alị, nọnu; dulata unu l'alị nkunu gẹdegede.

Jieremaya 31:8

Lekwa; mu e-shi l'alị ndu isheli chị-phuta phẹ azụ. Mu e-jerwuchaa ẹka igwe beru alị beru je erwukọo phẹ. Mu a-chịtachaa mẹ ndu atsụ ishi; mẹ ndu ẹniyeni; mẹ ndu dụ ime; mẹ ndu ọphu ime emewaa ememe. Ọ bụepho l'ikpoto ndu a-lwa nụ a-pa ẹka.

Jieremaya 3:18

O -rwua mbọku ono bẹ ndu ọnu-ụlo Jiuda a-tụgbabe l'ọnu-ụlo Ízurẹlu; ẹphe eshi l'alị, dụ l'ụzo isheli tụko bya bya eburu l'alị ono, mu nụru ndiche unu phẹ g'ọ bụru okiphe phẹ ono.’ ”

Ebvu-ọma 38:17

Kẹle mu anga anganga; tẹme aphụ nọdu ejijeẹ mu phọ obu tekenteke.