Mayịka 4:5 - BAYỊBURU Izii

⁵ Ọhamoha ọzo g'ẹphe ha a-nọdukwaro ejegbaa l'ọbvu; agwa nshi phẹ; obenu l'anyịbedua bụ onye anyi e-gude ẹpha iya eje bụ Chipfu, bụ Chileke anyi jasụ l'ojejoje.

Mayịka 4:5 ပူးပေါင်းရင်းမြစ်များ

Mbụlembu 17:1

Ebiramu nọepho ụkporo apha ẹno l'apha iri lẹ tete; Chipfu byapfuta iya bya asụ: “Ọ kwa mbẹdua bụ Chileke, bụ Ọkwoolemkpa. Nọdunu mu ntse g'ụta ta adụ lẹ ndzụ ngu.

2 Ndu eze 17:29

Ọle ọha, nọnu bẹ metacharu agwa alị phẹ swibe onwophẹ lẹ mkpụkpu, ẹphe bugbaa; woru iya dobechaa lẹ nwụlo-agwa, ndu Samériya kpụshiru l'ẹka ẹphe agwajẹ iphe.

2 Ndu eze 17:34

Ẹphe emeẹpho g'ẹphe shi emejehawaa ono byasụ ntanụ-a. Ẹphe ta abadụru Chipfu ẹja; ọphu ẹphe emedu iphe, ọ tọru ọkpa iya; mẹ omelalị iya; ọphu ẹphe emedu ekemu iya; waa ekemu ono, ọ tụru nụ oshilọkpa Jiékọpu, bụ onye ono, ọ gụberu Ízurẹlu.

Ebvu-ọma 20:6

Nta-a bẹ mu mawaru lẹ Chipfu dzọtawaru onye nkiya, a wụru manụ l'ishi. Ọogbeje l'imigwe, dụ nsọ ono za iya ẹnu. Ọ nọdu egudeje ọkpehu iya mee g'ẹka onye eze kangoo.

Ebvu-ọma 48:14

Noo kẹle Chileke-a a-bụru Chileke anyi jasụ lẹ tuutuutuu lẹ mịimiimii. Ọ bụru iya a-nọdu edu anyi jasụ g'anyi a-nọ-beru.

Ebvu-ọma 71:16

Mu e-gude ike gụbe Nnajịuphu, bụ Chileke je epfua l'ọo ngu kpoloko bụ onye pfụberekoto.

Azáya 2:5

Unubẹ ọnu-ụlo Jiékọpu; unu byanụ g'anyi tsoru ìphóró ọphu Chipfu nwụberu anyi.

Azáya 26:13

Gụbe Chipfu, bụ Chileke anyi; ndu bụ nnajịuphu ọzo, abụdu gụbedua shiakwa bụru nnajịuphu anyi. Obenu l'ọo gụbedua kpoloko bẹ anyi akwabẹ ùbvù.

Azáya 26:8

Gụbe Chipfu; anyi nọkpoepho eme iphe, ekemu ngu pfuru; gude nno daa gbẹe ngabẹru ngu. Ẹpha ngu; yẹe ẹngiringa ngu bụ iphe, adụje anyi ree l'obu.

Jieremaya 32:40

Mu l'ẹphe a-gba ọgbandzu ojejoje; ọphu mu abyadụ ahaba emeru phẹ iphe, dụ ree; mu akpalia phẹ g'ẹphe tsụje mu ebvu k'ọphu ẹphe ta abyadụ ahabaa mu ahaha.

Zekaraya 10:12

Mu e-me; ike adụ ndu Jiuda; tẹme ọ bụru ẹpha mu bẹ ẹphe e-gude buru.” Nokwa iphe, Chipfu eepfu.

Ndu-ishi-ozi 14:16

Lẹ mbụ bẹ ọ harụ ndiphe ẹphe nọdu eshi ụzo, dụ phẹ ree.

Ditoronomi 27:10

Ọo ya bụ lẹ-a; unu mejekwa olu Chipfu, bụ Chileke unu. Unu dobekwa ekemu iya; meje iphe, ọ tọru ọkpa iya sụ g'e tsoje, bụ iphe, mu atụru unu ekemu iya ntanụ-a.”

Kọlosi 2:6

Ọo ya bụ; eshinu unu gbobewaru ẹka labọ nata Kéreshi Jizọsu ọ bụru Nnajịuphu unu; unu l'iya tụgbaekwapho bụru nanụ kwasẹru.

Kọlosi 3:17

Iphe, bụkpoo iphe, unu epfu epfupfu mẹ iphe, unu eme ememe; unu gudeje ẹpha Nnajịuphu, bụ Jizọsu Kéreshi mekọtaje iphe ọbu. Mbụ-a; unu shije Kéreshi l'ẹka kelejekpọepho Chileke, bụ Nna ekele.

Jioshuwa 24:15

Obenu ọ -bụru l'ejeru Chipfu ozi dụ unu ẹji; ọo ya bụ; unu ahatawarọ onye ọphu unu a-nọdu ejeru ozi ntanụ-a: l'agwa ọphu nna unu oche phẹ shi abarụ ẹja l'azụ ẹnyimu; l'agwa kẹ ndu Amọru, bụ ndu ọphu shi buru l'ẹka unu bu-a. Obenu lẹ mbẹdua; waa ndibe mu l'ophu; bụkwa Chipfu bẹ anyi a-nọdu ejeru ozi!”