Mayịka 4:4 - BAYỊBURU Izii

⁴ Onyemonye a-nọduje lẹ mkpula vayịnu nkiya; mẹkwapho lẹ mkpula oshi figu nkiya; ọphu ọ dụdu onye byaru eye phẹ ebvu; kẹle ọ kwa Chipfu, bụ Ọkalibe-Kakọta-Ike eepfu iya.

Mayịka 4:4 ပူးပေါင်းရင်းမြစ်များ

1 Ndu eze 4:25

Teke Sólomọnu nọ ndzụ bẹ ndu Jiuda mẹ ndu Ízurẹlu tụkoru buru lẹ ntụsarehu; e -shi lẹ Danu je akpaa lẹ Biye-Sheba. Onyenọnu nwegbaarụ opfu-vayịnu; mẹ oshi figu nkiya.

1 Ndu eze 5:5

Ọo ya bụ; mu nọdu arị k'akpụru Chipfu, bụ Chileke mu ụlo; ẹgube ono o pfuru iya nna mu, bụ Dévidi sụ: ‘Ọo nwa ono, mu e-dobe g'ọ nọchia ẹnya ngu l'aba-eze ngu bẹ a-kpụru mu ụlo.’

Jiobu 11:19

L'ị zẹe azẹe; ọ tọ dụdu onye byaru eye ngu ebvu. L'a dụ igwerigwe byaahaa g'i yeru phẹ ẹka.

Ebvu-ọma 72:3

Iphe, e-shigba l'oke úbvú abyaru ụnwu-eliphe a-bụru ẹhu-guu. Ọ bụkwarupho ẹhu-guu ono e-shigba l'ụnwu úbvú. Ọ bụru iphe, a-kpa iya nụ bụ apfụbekoto onoya.

Ẹkwo Ẹtu 3:25

Ẹjo iphe-ẹhuka -tụ ngu l'ụpfu; b'atsụkwa ebvu! Ọphu ị tsụkwa iphe, emeje gẹ ndu ẹjo-iphe bụru mkpurupyata ebvu mẹ ọ dapfu ngu!

Azáya 1:20

Obenu teke unu jịkaru bya ekwefu ike bụkwa ogu-echi bẹ a-sụjashi unu. Nokwa iphe, shi Chipfu l'ọnu bụ ono.”

Azáya 17:2

Mkpụkpu lẹ mkpụkpu ono, azagba Arowa e-mechaa bụkotaru ẹka e budu ebubu. Ee-mechaa pakọtaru iya haarụ atụru; waa eghu g'ọ bụru ẹka ẹphe a-dọjeru; ọ tọ dụdu onye eye phẹ ebvu.

Azáya 22:25

Chipfu, bụ Ọkalibe-Kakọta-Ike sụru-a: “Lẹ mbọku ono bẹ nggu ono, e shi kpọbe kpọ-mia akpọ-mi ono a-kpọfu daa. Ngwa-ụlo ono, e shi kobegbaa ya ono abụru gwoo l'alị. Nokwa olu Chipfu.”

Azáya 26:16

Mbụ-a Chipfu; ọ kwa ngu bẹ ẹphe gbapfutaru teke iphe atsụ phẹ l'ẹhu. Teke ịihù phẹ ahụ̀hù bẹ ẹphe tụkoru wata ngu araku.

Azáya 32:17

Mebyi, apfụbekoto a-mị bụ lẹ nchị a-dụ doo. Iphe, e-goshi l'a pfụberekoto abụru l'ẹkameka a-da nyọnyoronyo; meji anmapfuru onyemonye jasụ l'ojejoje.

Azáya 36:16

Unu ta angakwaru Hezekáya nchị; kẹle eze ndu Asiriya sụkwaru-a g'unu wụfuta wụ-pfuta iya gẹ yẹle unu doshia. Ọo ya bụ g'onyemonye lẹ g'unu ha eria iphe, shi lẹ vayịnu iya; ria akpụru, shi l'oshi figu iya; bya angụa mini, dụ lẹ wẹlu iya;

Azáya 40:5

k'ọphu ee-kpuha ọdu-biribiri kẹ Chipfu g'a hụma. Iphe, bụkota nemadzụ l'ophu ahụmakota iya; kẹle Chipfu gudewaa ọnu pfua ya.”

Azáya 54:14

Ee-me g'ị ngụru angụru l'ụzo, pfụru ọto. Ọ tọ dụdu onye byaru eme ngu mmegbu; ọphu ọ dụdu iphe, byaru eme ngu g'ị tsụa ebvu. Ndzụ-agụgu bẹ ee-wofu l'ẹka ị nọ je edobe ụzenya; ọphu ọobyadu ngu ntse ililekpọo.

Azáya 58:14

noo teke unu a-nọdu Chipfu l'ẹhu wata ete ẹswa. Tẹme ọ bụru l'ẹka kachaa ephekerephe l'eliphe bẹ mu e-me g'unu ngakojeru tụa okoo. Unu eketa okiphe, shi lẹ nna unu ono, bụ iphe Jiékọpu; ọ bụru iya bẹ mu e-gude azụ unu.” Nokwa ọnu, Chipfu yeru.

Jieremaya 23:4

Mu e-ye ndu nche atụru, a-nọdu eleta phẹ ẹnya. Teke ono bẹ ndzụ taa gụedu phẹ; ọphu ọ dụedu iphe, eyekwadu phẹ ebvu; ọphu ọ dụedu ọphu aachọkwadu achọcho.” Nokwa iphe, Chipfu eepfu.

Jieremaya 30:10

“Gẹ ndzụ ba agụkwa ngu; gụbe Jiékọpu, bụ onye-ozi mu! Nokwa iphe, Chipfu eepfu. G'e be yekwa ngu ebvu; gụbe Ízurẹlu; kẹle-a; lekwa lẹ-a; mu e-shikwa l'ẹka dụ ẹnya dzọta ngu. Mu adzọta ụnwu ngu l'alị ẹka a kpụru phẹ lẹ ndzụ laa. Noo teke Jiékọpu a-lwa azụ bya anọdu l'ẹhu-guu. Tẹme ọ tọ dụedu iphe, byaru emebaa ya nụ; ọphu ọ dụdu onye byaru emebaa ya g'ọ bụru onye ndzụ agụ.

Ezekẹlu 34:25

Mu l'ẹphe a-gba ndzụ ẹhu-guu; mu a-chịfukota ẹjo anụ-ẹgbudu l'alị ono; k'ọphu ẹphe e-buru l'echiẹgu; kuje mgbẹnya l'ime ọswa; o too nweduru iphe, e-me phẹ nụ.

Ezekẹlu 34:28

Iphe, bụ ọhamoha ta abyadụ alwụba phẹ alwụlwu ọzobaa; ọphu anụ-ẹgbudu ta abyadụ egbushibaa phẹ ọzobaa. Ẹphe e-buru tụsaru ẹhu; ọphu ọ tọ dụdu onye e-yebaaru phẹ ebvu.

Ezekẹlu 38:11

Ịi-sụ: Mu e-je alwụa alị, e te gudedu igbulọ kpụ-buta mkpụkpu, nọ iya nụ ono. Mu e-tso ndu ono, nọ l'ẹhu-guu ono ọgu; mbụ ndu ono, bu tụsaru ẹhu ono. Ẹphe bukọta lẹ mkpụkpu, e te gudedu igbulọ kpụ-buta; ọphu ọ tọ dụdu ọguzo, e gude agụ-chi iya agụ-chi; tẹme ọphu o nwedu mgbọrígwè, e gude agbachi iya.

Ezekẹlu 39:26

Ẹphe a-zọhakota iphe-iphere ono, e meru phẹ ono; mẹ ghẹlegheleghele ono, ẹphe dụ teke ono ẹphe bu tụsaru ẹhu l'alị phẹ ono; ọphu ọ dụdu onye byaru eyee phẹ ebvu ono.

Ndu Uke 26:6

“Mu e-me g'unu buru l'ẹhu-guu l'alị ono; k'ọphu bụ l'unu a-zẹ pyakọo; ọ tọ dụdu onye eye unu ebvu. Mu emee g'ẹjo anụ-ẹgbudu chịhu l'alị ono; ọphu a byadu alwụ ọgu l'alị unu ono.

Mayịka 5:3

“Ọo ya bụ lẹ ndu Ízurẹlu bẹ aa-gwọbe gbiriri jasụ teke nwanyị ono, ime eme ono l'ezeda; tẹme ụnwunna iya ndu ọphuu alwapfutafụa ndu Ízurẹlu.

Zefanaya 3:13

Nwa ndu ono, phọduru lẹ Ízurẹlu ono tee mebaẹkwa iphe, apfụduru-ọto; ọphu ẹphe abyadụ adzụ ụka; ọphu ọ dụdu onye anụma phẹ opfu ẹregede l'ọnu. Mbụ l'ẹphe e-rije nri zẹe pyakọo; ọphu ọ dụdu onye byaru eye phẹ ebvu.”

Zekaraya 3:10

O -rwua mbọku ono bẹ g'unu ha l'onye l'onye a-nọdu ezi nwibe iya g'ọ bya g'unu nọkobe lẹ mkpula vayịnu unu yẹle mkpula oshi figu unu.” Nokwa iphe, Chipfu, bụ Ọkalibe-Kakọta-Ike eepfu bụ ono.