Mayịka 4:3 - BAYỊBURU Izii

³ Ọo ya e-doshi opfu, dụgbaaru ikpoto nemadzụ. L'ọ bya edoshiaru ọha, ike dụgbaa, bugbaa ụzenya ụzenya opfu, dụru phẹ nụ. Ẹphe e-woru ogu-echi phẹ kpụkwaa l'ọ bụru ọgu; woru arwa phẹ kpụa l'ọ bụru mma nshịi, e gude akọcha iphe. Ọ tọ dụedu ọha, a-patakwadu ogu-echi ejepfu ọhozo ọgu; ọphu ẹphe anwụedu alwụ ọgu ọzobaa.

Mayịka 4:3 ပူးပေါင်းရင်းမြစ်များ

Ebvu-ọma 46:10

Ọ sụru: “Unu nọdu doo; g'unu amaru l'ọo yẹbedua bụ Chileke. Ndu ọhozo a-tụ ọnu lẹ yẹbe Chileke parụ ẹka; mbụ l'aa-tụ ọnu iya l'eliphe mgburugburu lẹ ya parụ ẹka.”

Ebvu-ọma 46:9

Oogboje ọgu l'eliphe l'ophu. Ọogba-jishije apfụ bya emebyishia arwa; bya eworu ụgbo-ịnya ọgu kpọkota ọku.

Ebvu-ọma 72:3

Iphe, e-shigba l'oke úbvú abyaru ụnwu-eliphe a-bụru ẹhu-guu. Ọ bụkwarupho ẹhu-guu ono e-shigba l'ụnwu úbvú. Ọ bụru iphe, a-kpa iya nụ bụ apfụbekoto onoya.

Ebvu-ọma 72:7

Teke ọo-bụru eze ono bẹ ndu pfụberekoto a-jà àjàjà. Ẹhu-guu a-tụko ẹkameka sweta; mbụ nọo gbiriri jasụ teke ọnwa a-fubuhu l'eliphe.

Ebvu-ọma 82:8

Gbalihunụ gụbe Chileke; kpee ndiphe ikpe! Kẹle ọhamoha bụkota iphe, i nwe enwenwe.

Ebvu-ọma 96:13

Ẹphe a-nọdu l'iphu Chipfu gụa ebvu kẹle ọobyawaa ekpe ụnwu-eliphe ikpe. Oo-gude apfụbekoto iya kpee mgboko l'ophu ikpe; bya egude ire-lanụ kpee ndiphe ikpe.

Ebvu-ọma 98:9

G'ẹphe tụko nọdu l'iphu Chipfu gụa ebvu; kẹle ọobyawaa ekpe ụnwu-eliphe ikpe. Ndu mgboko l'ophu bẹ oo-kpe ikpe, pfụru ọto; tẹme l'ọ hakwarụpho ndiphe l'ophu enge, pfụru nhamụnha.

Azáya 2:4

Ọo ya e-doshi opfu, dụgbaaru ọha yẹe ọha ibe iya. L'ọ bya edoshiaru ikpoto nemadzụ opfu, dụru phẹ nụ. Ẹphe e-woru ogu-echi phẹ kpụkwaa l'ọ bụru ọgu; woru arwa phẹ kpụa l'ọ bụru nwa mma, e gude akọcha iphe. Ọ tọ dụedu ọha, a-patakwadu ogu-echi ejepfu ọhozo ọgu; ọphu ẹphe anwụedu alwụ ọgu ọzobaa.

Azáya 25:3

Noo g'o gude ọha ike dụ je a-nọdu akwabẹ ngu ùbvù. Ndu mkpụkpu ono, ndu bu iya nụ bụ ndu ewebushi akụrepho ono a-tụko wata ngu eyeru nsọ.

Azáya 51:5

Mu a-nafụta unu ẹgwegwa. Mbụ lẹ mu abyaakwaa unu adzọta. Ọ bụru ẹka mu bẹ mu e-gude kpee ọhamoha ikpe. Ndu bukube eze-ẹnyimu bụ mu bẹ ẹphe a-nọdu ele ẹnya l'ẹka. Tẹme ẹphe anọdu kwabẹ; ele ẹnya g'ẹphe maru iphe, mu e-me l'ẹka.

Azáya 60:12

kẹle iphe, bụ ọha; ọzoo alị-eze, a-jịka l'ẹphe te ejeduru ngu ozi a-bụru mkpurupyata; ndu ono bẹ ee-mebyishikọta l'ophu.

Azáya 65:25

Ẹjo-nkụta-ọswa ẹphe l'ụnwu atụru a-tụkoje akpa nri l'ẹka lanụ. Tẹme oduma awata ata ẹswa g'eswi. Ọ bụru iphe, agwọ e-rije bụ urwuku. Iphe ono ta adụedu ọphu emeka iphe; ọzoo gbua iphe egbugbu l'eli úbvú mu ono, dụ nsọ ono l'ophu.” Nokwa iphe, Chipfu eepfu.

Azáya 9:7

Abụbu, ọo-bụru onye-ishi; yẹe nchị-odoo, e-shi iya l'ẹka a-nọdu aka shii eje ala l'iphu; tẹme ọphu ọ byadu abvụ abvụbvu. Ọo-nọdu l'aba-eze ochochoroche iya, bụ Dévidi bụru eze. Oo-gude ekpe ikpe, pfụru ọto; waa apfụbekoto mee ya g'o keru jịngujingu; mbụ mee ya g'ọ ngụru angụru e -shi lẹ teke ono jasụ l'ojejoje. Ọ bụru g'ọ phụ-tabe Chipfu, bụ Ọkalibe-Kakọta-Ike l'ẹhu l'e-me g'o mee ya.

Danẹlu 2:44

“Ọ bụru teke ndu ono, a-bụru eze ono bẹ Chileke k'imigwe e-gude ẹka iya meta alị-eze ọphu a ta abyadụ e-mebyishi. Ọphu ọ dụdu onye byaru a-nochibaa ọkwa eze k'ono. Ọo-kụpyashikota alị-eze ono g'ọ ha gwee phẹ arakabya mee ẹphe taa dụbaedu; yẹbedua anọdu jasụ lẹ tuutuutuu lẹ mịimiimii.

Hosiya 2:18

“O -rwua mbọku ono bẹ mu a-gbaru phẹ ndzụ; ẹphe l'anụ-ẹgbudu; yẹle ẹnu, ephe l'eli; yẹe anụ, akpụ ẹpho l'alị. Apfụ; yẹe ogu-echi; yẹe alwụ ọgu bẹ mu e-me g'ọ tọ dụhe l'alị ono adụdu ophu; k'ọphu ẹphe azẹje pyakọo; ẹhu adụ phẹ guu.

Hosiya 2:20

Mu a-lụru ngu emeru ngu ire-lanụ. L'ị makwanụru mụbe Chipfu rengurengu.

Jiowẹlu 3:2

bẹ mu a-chịkobe ọhamoha tụko g'ẹphe ha chịta jeshia lẹ nsụda Jiehoshafatu. Noo ẹka mu a-nọdu kpee phẹ ikpe; ikpe ẹhu ndu ono, bụ okiphe mu ono; mbụ ndibe mu, bụ ndu Ízurẹlu; kẹle ẹphe chịkaru ndibe mu; ẹphe dzuru ọhamoha; bya eworu alị mu kekashịa.

Mayịka 5:15

Mu egude oke ẹhu-eghu mu melata ọhamoha ono, jịkaru l'ẹphe tee medu iphe, mu sụru g'ẹphe meje ono.”

Zekaraya 14:3

E -mechaa; Chipfu abya alụfu je etsoo ọhamoha ono ọgu; ẹgube ono, ọolwuje mẹ ọgu nọdu ada ono.

Zekaraya 8:20

Wakwa iphe, Chipfu, bụ Ọkalibe-Kakọta-Ike eepfu: “Ndu dụ igwerigwe a-bya; mbụ ndu shigbaa lẹ mkpụkpu, dụ igwerigwe;

Zekaraya 9:10

Ndu Ifuremu bẹ mu a-nafụ ụgbo-ịnya-ọgu phẹ; mu anafụkwapho ndu Jierúsalẹmu ịnya, aagbajẹ alwụ ọgu. L'a gbajia ụta, e gude eje ọgu. L'ọ raa ya arara sụ g'ẹhu dụkwa ọhamoha guu. Abụ eze nkiya e -shi l'eze-ẹnyimu ọwa dasweru eze-ẹnyimu ọzo. L'o shikwaphọ l'ẹnyimu Yufurétisu nọo jasụ l'ẹka igwe beru alị beru.

Ndu-ishi-ozi 17:31

Kẹle o dobeakwaru mbọku, oo-kpe ndiphe mgburugburu ikpe pfụru-ọto. Onye oo-gude kpee ikpe ono bụ nwoke ọbu, ọ họtaru l'onwiya. Iphe, o gude mee g'onyemonye maru l'iphe ono e-mekọta gẹ ya tụberu bụ l'o meru g'onye ono shi l'ọnwu teta dzụru ndzụ.

Ọphulenya 19:11

“Mu bya ahụma g'imigwe gheru ọnu. Mu hụma ịnya ọchaa, nọ iya nụ. Ọ dụru onye nọ l'eli ịnya ono. Ẹpha onye ono bụru: Ọ pfụshiru ike l'iphe, o pfuru”; bya abụru “Ọkpobe-Opfu ono.” Ọ nọdu ekpeje ikpe, pfụru ọto bya alwụ ọgu l'ụzo, pfụru ọto.

1 Sámẹlu 2:10

ndu achọ Chipfu opfu bẹ aa-nyakwoshi yẹgiriyegiri. Oo-shi l'imigwe gude egbigwe bapfuta phẹ; ọo Chipfu e-kpe mgboko l'ophu ikpe jasụ l'ẹka o jeberu. Ọo-nụ Onye eze iya ike; mbụ woru mpu onye nkiya, a wụru manụ l'ishi palia eli.”