Mayịka 4:1 - BAYỊBURU Izii

¹ Sụ-a; o -rwua teke ikpazụ bẹ ee-me g'eli úbvú ono, a kpụru eze-ụlo Chileke ono ngụru angụru; mee ya l'ọ bụru iya a-kachaa shii l'iphe, bụkpoo úbvú ọzo nọgbaa nụ. Mbụ l'ee-me iya g'ọ kakọta úbvú ọzo l'eli. Noo teke ndiphe a-nọdu awụ awụ-pfu iya.

Mayịka 4:1 ပူးပေါင်းရင်းမြစ်များ

Mbụlembu 49:1

Noo ya; Jiékọpu bya ekua ụnwu iya; sụ phẹ: “Unu dzukọbe gẹ mu kọoru unu iphe, a-nwụru unu l'atatiphu!

Mbụlembu 49:10

Jiuda ta abụ-buhuduru eze abụ-buhu; ọphu mgbọro-eze ono abyadụ alụfu iya alụfu lẹ mgbaka ọkpa; gbiriri jasụ teke onye ọ kụru ishi l'ẹka a-bya. Ọ -byaẹpho bẹ ọha l'ophu a-ngabẹru iya nchị.

Ebvu-ọma 110:3

Ndu ojọgu ngu bẹ ọo-nọdu ehe ihee eje ọgu l'eswe ọgu. Ọo g'iji nchi-abọhu anọduje akwa-a bụ g'ụnwokorobya ngu a-wụ-pfuta ngu l'úbvú, dụ nsọ ono.

Ebvu-ọma 22:27

Ụnwu-eliphe l'ophu e-mechaa nyata iphe, nwụru nụ. Ẹphe adakọbe lwapfuta Chipfu. Mbụ-a; iphe, bụkota ipfu, nọkota l'ọhamoha bẹ e-mechaa bya abakọtaru iya ẹja.

Ebvu-ọma 48:1

Chipfu parụ ẹka. G'a jakwaa ya phọ ajaja, rwuberu iya nụ lẹ mkpụkpu kẹ Chileke anyi; mbụ l'úbvú ono, dụ nsọ ono.

Ebvu-ọma 86:9

Ọhamoha ono, i gude ẹka ngu mee ono l'e-mechaa byakọta bya abaarụ gụbe Nnajịuphu ẹja; bya etua ngu ẹpha.

Azáya 27:13

Mbọku ono bẹ ee-gbu eze opu. Ndu ono, nọ l'alị ndu Asiriya ala l'iswi ono; mẹ ndu ọphu a kpụru lẹ ndzụ laa alị ndu Ijiputu; a-tụko lwakọbe bya abaaharụ Chipfu ẹja l'úbvú, dụ nsọ ono, nọ lẹ Jierúsalẹmu onoya.

Azáya 43:6

Mu abya asụ isheli: “Pakwarụ phẹ haa!” Bya asụ ndọhali: “Be sedeẹkwa phẹ!” Sụ phẹ: Unu shikwa l'ẹka dụ ẹnya chịtaru mu ụnwu mu kẹ nwoke! Unu eshi l'ẹka igwe beru alị beru chịlataru mu ụnwada mu!

Azáya 49:6

Ọo ya bụ; ọ sụ: “Ọ tọ bụlekwaa g'ị bụru onye ejeru mu ozi duphutaru mu ipfu ipfu ụnwu Jiékọpu azụ; wafụa g'i dulatakwaru mu phọ ndu kẹ Ízurẹlu, bụ nwa ndu ọphu mu doberu bẹ ị nọ-doru. Mu e-mekwa ngu phọ g'ị bụru ìphóró, dụru ndu abụdu ndu Jiuda; k'ọphu ii-me gẹ ndzọta mu rwua ẹka igwe beru alị beru.”

Azáya 54:2

Phọribekwaru ụlo-ẹkwa, i bu ebubu g'ọ ka ọsa! Mee g'ẹkwa, e gude mee ụlo ngu ọbu ha phalaphala; ba lọ-phukwa iya azụ! Mekwaa g'eri iya kabaa ogologo! Mekwaa g'abara iya kabaa angụru angụru!

Azáya 56:7

“Ọo ndu ono bẹ mu e-gude je l'eli úbvú mu ono, dụ nsọ ono. Mu emee g'ẹhu tsọo phẹ ụtso l'ụlo, eepfuje anụ mu. Ngwẹja-akpọ-ọku phẹ; yẹle ngwẹja ọzo, ẹphe gude abyapfuta mu bẹ aa-natachaa l'ọru-ngwẹja mu. Noo kẹle iphe, ee-ku ụlo mu bụ ụlo, ọhamoha a-nọduje epfu anụ mu.”

Jieremaya 16:19

Gụbe Chipfu, bụ ike mu; bya abụru onye mu gude ngụru angụru; bya abụru onye mu agbabajẹ l'ime je anọdu eze ndzụ mẹ mu -nọdu eje iphe-ẹhuka. Ndu abụdu ndu Jiuda l'a-byapfuta ngu; shikpọro l'ẹka igwe beru alị beru bya byasụ: “Tororo opfu bụ lẹ nna anyi phẹ bụ iphe, ẹphe shi kwẹe ẹka bụ iphe, abụdu iphe; mbụ iphe, bụ iphe-mmanụ; bya abụru iphe, urwu adụdu.

Jieremaya 26:18

“Mayịka, bụ onye Morẹshetu bẹ ziru ndu Jiuda ozi Chipfu ziru lẹ teke Hezekáya, bụ eze ndu Jiuda. O pfuru ndu Jiuda sụ phẹ: Wakwa iphe, Chipfu, bụ Ọkalibe-Kakọta-Ike eepfu: “Ee-mechaa kọo ọkoro l'úbvú Zayọnu kọfu g'onye akọ opfu. Mbụ lẹ mkpụkpu Jierúsalẹmu bẹ e-mechaa bụru ikpọzu. Eli úbvú ono, bụ ẹka eze-ụlo Chileke nọ ono e-mechaa bụru ẹka ẹgbudu zechiru.

Jieremaya 3:17

Teke ono bẹ ee-ku Jierúsalẹmu “aba-eze Chipfu.” Ọ bụru lẹ Jierúsalẹmu bẹ ọhamoha e-dzukọje bya akwabẹ ẹpha Chipfu ùbvù. Ẹphe tee mebaẹdu iphe, shi phẹ l'ẹjo ọkpoma mgbashị phẹ ono.

Jieremaya 31:12

Ẹphe a-bya bya atụa ụzu ẹhu-ụtso l'úbvú Zayọnu. Ẹphe eteru ẹswa kpua iphe, dụ ree, Chipfu doberu; mbụ ereshi-o; mẹ mẹe-o; mẹkpoo manụ; mẹ ụnwu atụru mẹ eghu; mẹkpoo ikpoto eswi. Ẹphe a-dụ g'opfu, a kọru agba iya mini ree; ọphu ẹphe a-nọdubaedu aphụ-aphụ.

Jieremaya 48:47

Ọle mu e-mechakwaa dophu ndu Mówabu azụ l'ọnodu phẹ lẹ mbọku, dụ l'iphu.” Nokwa iphe, Chipfu eepfu bụ ono. Nokwa g'ikpe, e kperu ndu Mówabu jeberu bụ onoya.

Ezekẹlu 38:16

Unu a-bya eji alị ono; sọ-kpute ndibe mu, bụ Ízurẹlu g'onye urwukpu sọpyaberu. L'atatiphu bẹ mu e-duta gụbe Gogu; l'ị bya etso ndu alị mu ọgu. Ọo ya bụ g'ọhamoha amaru mu; teke ono mu e-shi l'ẹhu ngu goshi phẹ lẹ mu dụ nsọ ono.

Ezekẹlu 40:2

Ọ bụru gẹ mu aphụ ọphulenya, Chileke meru; gẹ mu wata aphụphu ono; bẹ o dutaru mu jeshia l'alị Ízurẹlu; je edobe mu l'eli úbvú, ha l'eli shii. Úbvú ono bẹ ụlo nọkota l'ụzo ndọhali iya; ọ dụepho gẹ mkpụkpu.

Ezekẹlu 43:12

Waa ekemu, dụ lẹ k'eze-ụlo Chileke ono baa: Iphe, bụ mkpakpọnu úbvú ono gbaa mgburugburu bẹ a-bụru ẹka kakọta adụ nsọ. Ọo ya bụ ekemu eze ụlo Chileke ono.

Danẹlu 10:14

Nta-a bẹ mu byaru gẹ mu pfuaru ngu iphe, e-me ndu nkengu l'ụzo iphu; kẹle ọphulenya ono bụ iphe, e-mechaa mee l'ụzo iphu.”

Danẹlu 2:28

Obenu l'o nweru Chileke, bu l'igwe; onye egoshije nemadzụ iphe, e domiru edomi. Ọo onye ono wotaru iphe, e-mechaa mee nụ l'iphu woru kpuhaa goshi gụbe eze, bụ Nebukadineza. Nrwọ, ị rwọru; yẹe ọphulenya, ị phụru l'egomunggo teke ono, ị zẹ l'iphe-azẹe ngu ono baa:

Danẹlu 2:35

No iya; ígwè ono; yẹe ụrwa ono; waa onyirubvu ono; mẹ mkpọla-ọchaa ono; mẹ mkpọla-ododo ono tụkoepho g'ọ hakọta tụkaa nanụnanu; dụepho g'udzu ẹswa balị, aaphụshi l'ụguru l'ẹka eetsuje balị. Phẹrephere zikashịa ya rengurengu k'ọphu bụ l'o to nwedu onye hụmabaaru udo mee ya. Mkpuma ono, tupyashịru iya nụ ono bya abụerupho oke úbvú, tụkoerupho mgboko l'ọphu sweta.

Danẹlu 2:44

“Ọ bụru teke ndu ono, a-bụru eze ono bẹ Chileke k'imigwe e-gude ẹka iya meta alị-eze ọphu a ta abyadụ e-mebyishi. Ọphu ọ dụdu onye byaru a-nochibaa ọkwa eze k'ono. Ọo-kụpyashikota alị-eze ono g'ọ ha gwee phẹ arakabya mee ẹphe taa dụbaedu; yẹbedua anọdu jasụ lẹ tuutuutuu lẹ mịimiimii.

Danẹlu 7:14

E mee g'o nweru alị-eze; bya adụ biribiri l'ẹnya; tẹme emee ya ọ bụru eze. Ọha l'ophu; mẹ ndu alị, nọnu; mẹ onyemonye, shi l'ọhamoha, opfu-alị phẹ dụgbaa iche iche nọdu abarụ iya ẹja. Alị-eze iya dụepho jasụ l'ojejoje; ọphu ọ byadu l'abvụ abvụbvu ophu; ọphu uswe-ẹka ọ bụ eze abụdu ẹgube iya ọphu ee-mebyi emebyi.”

Danẹlu 7:18

Obenu lẹ kẹ Ọkalibe-kangokọtaru-nụ l'e-mechaa natachaa alị-eze ono nwowarụro jasụ l'ojejoje; mbụ l'ọo-nọduwa iya rọ l'ẹka jasụ lẹ tuutuutuu lẹ mịimiimii.’

Danẹlu 7:22

jasụ O-shi-l'ichee rwua bya eworu ikpe bua; haarụ ndu-nsọ kẹ Ọkalibe-kangokọtaru-nụ enge. Ọ bụru teke ono bẹ ndu-nsọ byaru bya atụko alị-eze l'ophu nwokọtaru.

Danẹlu 7:27

Tọbudu iya bụ l'a bya eworu alị-eze ono; mẹ ọkwa-eze; yẹe akpabiri alị-eze, nọkota l'eliphe l'ophu woru ye ndu-nsọ l'ẹka; mbụ ndu ono, bụ phẹ bụ ndibe onye ono bụ Ọkalibe-kangokọtaru-nụ ono. Onye ono bẹ abụbu, ọ bụ eze l'a-nọ ojejoje; tẹme iphe, bụkpoo ndu bụkota ishi a-nọdu abarụ iya ẹja emekwaphọ iphe, o pfuru.’

Hosiya 3:5

E -mechaa ndu Ízurẹlu alwaphuta azụ wata achọ Chipfu, bụ Chileke phẹ; wata achọ onye eze phẹ ono, bụ Dévidi. Ẹphe anmarụ pyaapyaapyaa lwapfutashia Chipfu yẹe iphe, dụ ree, shi iya l'ẹka lẹ teke ikpazụ ono.

Mayịka 3:12

Ọo ya bụ l'ọo unu kparụ iphe, ee-mechaa kọo úbvú Zayọnu kọfu g'aakọje opfu-a. Mkpụkpu Jierúsalẹmu e-mechaa bụru ikpọzu. Eli úbvú ono, bụ ẹka eze-ụlo Chileke dụ ono; e-mechaa bụru ẹka ẹgbudu zechiru.

Zekaraya 14:10

Alị-a l'ophu; e -shikpọ lẹ Geba jasụ lẹ Rịmonu, bụ ndọhali Jierúsalẹmu; a-dụkota gẹ nsụda Araba. Obenu lẹ Jierúsalẹmu a-nọduepho ephekerephe l'ẹka ọ nọ; e -shikpọ l'ọguzo Benjiaminu; je akpaa l'ẹka ọguzo mbụ dụ; jasụ l'ọguzo mgburẹku. L'ọ bya eshi lẹ Ụlo-ephekerephe Hananẹlu nọo jasụ l'ẹka aapyịshijeru onye eze akpụru vayịnu.

Zekaraya 2:11

Ọha, dụ igwerigwe bẹ a-tụgbabekwa onwophẹ ẹphe lẹ Chipfu mẹ o -rwua mbọku ono; ẹphe abụru ndibe mu. Mu e-buru l'echilabọ unu; k'ọphu unu a-maru l'ọo Chipfu, bụ Ọkalibe-Kakọta-Ike bẹ ziru mu gẹ mu bya.

Zekaraya 8:3

Wakwa iphe, Chipfu epfu baa: “Mu a-lwaphutakwa azụ lẹ Zayọnu je eburu eburu lẹ Jierúsalẹmu. Noo teke aa-wata eku Jierúsalẹmu ‘mkpụkpu ire-lanụ’; l'awata eku úbvú kẹ Chipfu, ‘úbvú, dụ nsọ’ mbụ úbvú kẹ Chipfu ono, bụ Ọkalibe-Kakọta-Ike ono.”

Malakayi 1:11

Sụ-a; ọhamoha l'ophu; e -shikpọo l'ẹka ẹnyanwu awatajẹ jasụ l'ẹka ọoribaje; bẹ a-makọtakwaru l'ẹpha mu parụ ẹka; mbụ l'iphe, bụkpoo ẹkameka bẹ ee-mechakwaa kpọo ụ̀nwù-isẹnsu ọku nụ mu l'ụzo, dụ mu ree; tẹme ẹphe egudekwaphọ iphe, dụebe mu ree gude gweeru mu ngwẹja.” Noo iphe, Chipfu, bụ Ọkalibe-Kakọta-Ike eepfu.

Ndu-ishi-ozi 2:17

“Ọwaa bụ iphe, Chileke epfu! L'ikpazụ bẹ mu a-wụ nemadzụ mgburugburu Unme mu. Ọo ya bụ; ụnwu unu unwoke mẹ ụnwanyi epfuchiaharu mu. Tẹme ụnwokorobya unu aphụa ọphulenya. Ndu bụ ọgerenya unu a-rwọ nrwọ.

Hiburu 1:2

O be lẹ nta, bụwaa ikpazụ-a; ọ bụru onye bụ Nwa iya bẹ o gude pfuru nụ anyi. Ọ bụru l'ẹka Nwa iya ono bẹ ọ gbẹ mee mgboko mgburugburu; tẹme ọ họtakwa iya phọ sụ l'ọo ya bẹ iphemiphe kụru ishi l'ẹka.

2 Pyịta 3:3

Iphe, e-vukpọadaru ụzo doo unu ẹnya bụ ọwa kpọada; mgboko-a bya l'abvụ bẹ o nwekwarụ ndu e-mechaa bụru ndu taa dụjedu ike sede onwophẹ l'ẹgu ẹjo-iphe, enwu phẹ phuruphuru l'ẹhu; bụkwarupho ndu a-nọduje aja unu ewenu.

Ọphulenya 11:15

Tọbudu iya bụ; ojozi-imigwe k'ẹsaa bya egbua opu-ọgu nkiya. Ikeropfu swọshihu l'imigwe asụje: “Nta bẹ ike k'alị-eze ụnwu eliphe l'ophu bụakwa kẹ Chileke anyi yẹe kẹ Kéreshi iya ono, bụ eze, o woru mgboko ye l'ẹka ono. O je l'abụru eze jasụ lẹ tuutuutuu lẹ mịimiimii.”

Ọphulenya 15:4

Nnajịuphu; ?bụkpoo onye bụ onye a-sụ lẹ ya taa tsụdu ngu ebvu; ọphu ya taa akwabẹdu ẹpha ngu ùbvù? Ọ kwa ngu kpụrumu bụ onye dụ nsọ. Ọhamoha a-bya abaarụ ngu ẹja. Noo kẹle onyemonye hụma-dzuwaru iphemiphe, iime, pfụru ọto.”

Ọphulenya 20:4

Noo ya; mu bya ahụma aba-eze aba-eze mẹ ndu nọgbaa ya nụ. Ndu ono bẹ bụ ndu a họtaru dobe g'ẹphe kpeje ikpe. Mu hụmakwapho maa ndu a pfụ-gburu apfụ-gbu; opfu l'ọo l'ẹphe pfụru l'edzudzu-ọha pfua l'ọo Jizọsu bụ Nnajịuphu; ndu shi asajẹ opfu Chileke asasa. Ọo ẹphe bụ ndu te ekwedu baarụ ẹjo anụ-ẹgbudu ono yẹe ntẹkpe, a kpụru ọ dụ g'ọ dụ phọ ẹja; ọphu ẹphe ekwedu g'a gbaa phẹ ngga ọhubama k'ẹjo anụ-ẹgbudu ono l'egedegee ọnu-iphu ọzoo l'ẹka. Ẹphe tetachawaru nọdu ndzụ; ẹphe lẹ Kéreshi bụwaru eze ụnu apha labọ l'apha ụkporo iri.