Mayịka 3:8 - BAYỊBURU Izii

⁸ Obenu lẹ mbẹdua bẹ ike jikpọru mu ẹhu pyịmu pyịmu. Unme kẹ Chipfu jiru mu ẹhu; yẹe ekpe ikpe, pfụru ọto; yẹe ike-ọkpu, mu e-gude karụ oshilọkpa Jiékọpu emeswe, o mesweru; mbụ karụ oshilọkpa Ízurẹlu iphe-ẹji phẹ.

Mayịka 3:8 ပူးပေါင်းရင်းမြစ်များ

Jiobu 32:18

Noo kẹle opfu jiru mu ọnu ebushihu ebushihu; tẹme ọphu obu mu ekwedu gẹ mu dobe ọnu doo.

Azáya 58:1

“Chia ya lẹ mkpu g'a nụma! B'eselakwa olu azụ! Wolia olu chia mkpu, a-da g'ẹka eegbu opu! Karụ ndibe mu l'ẹphe kwefuru mu ike; l'ị karụ ọnu-ụlo Jiékọpu iphe-ẹji phẹ.

Azáya 61:1

Unme Nnajịuphu, bụ Chipfu dụ mu l'ẹhu; kẹle ọ họtaru mu gẹ mu je ezia ndu wozeru onwophẹ alị ozi-ọma. Ndu meji tọfuru bẹ o ziru mu gẹ mu je emee gẹ meji nmapfuru phẹ; gẹ mu je ezia ndu a kpụtaru lẹ ndzụ l'ẹphe e-nweru onwophẹ. Mu epfukwarụpho ndu nọ l'ọka-mkpọro l'aa-ha phẹ.

Azáya 61:2

Tẹme gẹ mu bya arakaa l'apha, Chipfu e-meru ndu nkiya eze-iphe-ọma rwuwaru; yẹle eswe mbọku, Chileke anyi a-gbaru ndibe iya ọdzori. Mu adụa ndu agụ aphụ obu g'ẹphe ha.

Jieremaya 1:18

Ntanụ-a bẹ mu mewaru ngu; ị bụru mkpụkpu, a kpụshiru ike; bya abụru itso, a wụru l'ígwè; bya abụru igbulọ, a kpụru l'onyirubvu. Mu mewaru ngu g'ị pfụru pfụshia ike l'iphu ndu alị-a l'ophu; mbụ l'iphu ndu eze ndu Jiuda l'ophu; mẹ ndu-ishi phẹ; mẹ ndu-uke phẹ; mẹ ndu alị-a l'ophu.

Jieremaya 20:9

Teke mu sụkwanuru lẹ mu tee kubaẹdu iya ẹpha; ọphu mu egudebaẹdu ẹpha iya epfu opfu; opfu iya ọbu anọdu mu l'ọkpoma enwu mu phuruphuru g'ọku; rakụru arakụru l'ime ọkpu mu. Mbụ l'ike esede iya bvụwaru mu. Mbụ lẹ-a; mu taa dụkwa ike esede iya.

Jieremaya 6:11

Obenu lẹ mbẹdua bẹ oke-ẹhu eghu, Chipfu eme g'ọ tụkoshi phẹ jiru mu obu; k'ọphu bụ lẹ mu taa dụdu ike atagbu iya lẹ nshi. “Woru iya kpua ụnwegirima, nọ l'ọma gbororo! Kpukwaa ya phọ ụnwokorobya, kụru l'ẹka lanụ. Nwoke yẹe nyee ya bẹ ọo-tụkocha nmata; mbụ ẹphenebo; mẹchakpoo ndu bụ ọgerenya; mbụ ndu akahụ tutsuwaru.

Ebvu Aphụ 2:14

Ọphulenya, ndu mpfuchiru ngu phụru ngu bẹ bụ ụka bẹ ẹphe dzụru ngu bya abụkotaru iphe éswè. Ẹphe te kpuhaduru ẹjo-iphe, i meshiru goshi ngu; k'ọphu e gege aha ngu akpụ lẹ ndzụ. Iphe, ẹphe phụru ngu l'ọphulenya bẹ bụ ụka; Tẹme ọ bụru iphe, dusweru ngu ụzo.

Ezekẹlu 16:2

“Nwa ndiphe; mee gẹ Jierúsalẹmu makpọdarupho akpamara, ẹphe eme;

Ezekẹlu 20:4

“Nwa ndiphe; woru gẹ kẹ nkephẹ dụ tụa jala; wota g'ẹphe eme tụa phẹ jala l'atatiphu. Mee g'ẹphe maru ẹbyi, nna phẹ shi emegbabẹ.

Ezekẹlu 22:2

“Nwa ndiphe; ?ii-kpe iya ikpe tọo? Mbụ; ?ii-kpe-a mkpụkpu-a, bụ mkpụkpu mgbugbụmadzu-a ikpe tọo? Ọo ya bụ; je atụaru iya ẹbyi, oomekọta jalaa.

Ezekẹlu 23:36

Tọbudu iya bụ; Chipfu sụ mu: “Nwa ndiphe; ?ii-kpe Ohola yẹe Oholiba ikpe tọo? Ngwanụ; karụ phẹ ẹbyi, ẹphe emegbabẹ;

Ezekẹlu 3:14

No iya; Unme Chileke ono bya apalia mu imeli; parụ mu tụgbua; ẹhu-eghu ji mu obu gẹ mu atụgbu ono; mbụ ẹhu kwatakpọo gbangahụ mu ọkpobe agbangahụ gẹ mu atụgbu ono. Teke ono bẹ ike Chileke kparwutaru mu l'ẹhu k'eze iya.

Ezekẹlu 43:10

“Nwa ndiphe; tụaru ndu Ízurẹlu ọnu g'eze-ụlo Chileke ono dụ. G'ẹphe rịa ọriri l'ụgbugba ụlo ono; k'ọphu iphere iphe-ẹji, ẹphe meshiru a-dụ phẹ.

Matiyu 7:29

Kẹle oozi iphe g'onye ike dụ l'ẹka. O too zidu gẹ ndu ezije phẹ ekemu.

Maku 3:17

Jiemusu nwa Zebedi yẹle nwune iya Jiọnu. Ẹphenebo bẹ ọ gụru Egbigwe;

1 Kọrentu 2:4

Ọphu iphe, mu pfuru epfupfu mẹ ozi, mu ziru ezizi, abụdu iphe, mu gude ire mecha mecha k'ọphu manụkarunu pfua g'eeshi g'ee-kweta iya. Ọ chia iphe, meru nụ bụ lẹ mu goshiru unu l'ọo Unme Chileke yẹe ike kẹ Chileke ere ire l'opfu ono;