Mayịka 2:7 - BAYỊBURU Izii

⁷ Sụ-a; gụbe ọnu-ụlo Jiékọpu; ?l'aa-sụ lẹ Unme Chipfu bẹ ẹhu eghu eghu tọo? ?Oomeje ẹgube iphe ono tọo? Opfu mu ?too mejeduru onye ụzo iya pfụru nhamụnha iphe, dụ ree tọo?

Mayịka 2:7 ပူးပေါင်းရင်းမြစ်များ

Ebvu-ọma 119:65

Jiko Chipfu; menaarụ mụbe onye-ozi ngu iphe-ọma; eshinu ọ bụ iphe, i kweru ukwe iya.

Ebvu-ọma 119:68

Ị bụ onye ọma; tẹme ị nọdu emejekwaphọ iphe, dụ ree. Zinaa mu etso iphe, ị tọru ọkpa iya sụ g'e tsoje.

Ebvu-ọma 15:2

Ọo onye enwedu ẹka ụta dụ iya l'ẹhu; bya abụerupho iphe, pfụru ọto bẹ ọonoduje eme; mbụ onye epfuje ire-lanụ, shi iya l'obu;

Ebvu-ọma 18:26

Ndu obu phẹ gụru ìphóró bẹ iidobejeru obu ìphóró. Ị nọdu emejeru ndu doberu ụzo phẹ nggọdogo nggọdogo g'umere phẹ gbaru.

Ebvu-ọma 84:11

Kẹle Chipfu, bụ Chileke dụ g'ẹnyanwu; bya abụru onye egbobutaje anyi. Chipfu emejeru ndiphe eze-iphe-ọma; bya emeje g'a kwabẹ nemadzụ ùbvù. Ọ tọ dụdu iphe, dụ ree, o kejeru ẹka mbvu l'ọ tọo nụdu iya ndu ụta adụdu lẹ ndzụ phẹ.

Ẹkwo Ẹtu 10:29

Eshi ụzo Chipfu bụ iphe, edomije ndu pfụberekoto bya abụkwanuru iphe, etsupyashịje ndu emeje iphe, adụdu ree.

Ẹkwo Ẹtu 10:9

Onye ụta adụdu lẹ ndzụ iya bẹ obu shihuru ike. Obenu l'onye eshi ụzo, dụ nggọdogo nggọdogo bẹ ee-mechanụ-a hụma.

Ẹkwo Ẹtu 14:2

Onye iphe, oome pfụru nhamụnha l'anọduje atsụ Chipfu ebvu. Obenu l'onye ụzo iya dụ nggọdogo nggọdogo ta adụdu iphe, ọ gụberu Chileke.

Ẹkwo Ẹtu 2:7

Ọkpobe mmamiphe bẹ ọ kwachiru akwachi doberu ndu obu phẹ gụru ìphóró. Ndu ụta ta adụdu l'iphe, ẹphe eme bụru iya bẹ ẹphe egudeje gbobuta onwophẹ.

Ẹkwo Ẹtu 28:18

Onye ụta adụdu lẹ ndzụ iya bẹ ta adụkwa iphe, byaru eme iya nụ. Obenu l'onye ụzo iya gberu nggọ akpọ-kwofuje akpọ-kwofu daa.

Azáya 50:2

Teke mu byaru; ?bụ gụnu meru g'o gude ọphu ọ dụdu onye nọ l'ẹka ono? Teke mu shi eku oku; ?bụ gụnu meru g'o gude ọphu ọ dụdu onye zarụ ẹnu? ?Bụ ẹka parụ mu mkpụrukpu kẹ gẹ mu ta agbata unu tọo? ?Bụ ike anafụta unu ta adụdu mu tọo? Ọ kwa mba mmanụ bẹ mu abajẹ; mini atahụ l'eze-ẹnyimu. Mu eworu ọma nggele mee; l'ọ bụru echiẹgu. Ẹma, shi dụ iya nụ ereshihu kẹle mini ta adụedu iya. Ẹgu mini eworu phẹ gụ-gbushia.

Azáya 58:1

“Chia ya lẹ mkpu g'a nụma! B'eselakwa olu azụ! Wolia olu chia mkpu, a-da g'ẹka eegbu opu! Karụ ndibe mu l'ẹphe kwefuru mu ike; l'ị karụ ọnu-ụlo Jiékọpu iphe-ẹji phẹ.

Jieremaya 15:16

Mu nụmaru opfu ngu; mu nata iya ria gẹ nri eriri. O mee mu; ẹhu nọdu atsọ mu ụtso. Tẹme ọ dụkwa mu phọ ree l'ọkpoma. Ọ bụru kẹle eeku mu ala l'ẹpha ngu; gụbe Chipfu, bụ Chileke; bya abụru Ọkalibe-Kakọta-Ike.

Jieremaya 2:4

Unu nụmakwa opfu Chipfu; unubẹ ọnu-ụlo Jiékọpu; unubẹ ipfu l'ipfu ọnu-ụlo Ízurẹlu!

Hosiya 14:9

“?Bụ onye bụ onye maru iphe? G'ọ nwụtakwa iphe l'iphe-a! ?Bụ onye bụ onye iphe, edoje ẹnya ree? G'ọ tụkokwa doo ya ẹnya! L'ụzo kẹ Chipfu dụkotakwa nhamụnha. Ọ bụru ndu pfụberekoto eshi iya. Obenu lẹ ndu eme ẹjo-ememe bẹ ụpfu adụje m'ẹphe -je iya eshishi.”

Mayịka 3:9

Unu nụmakwa iphe-a; unubẹ ndu-ishi ọnu-ụlo Jiékọpu; mbụ unubẹ ndu bụ ọnyibe l'ọnu-ụlo Ízurẹlu; ndu-ikpe, pfụru ọto dụ ashị; tẹme ẹphe nọdu emeje iphe, pfụru ọto l'o gbee nggọ;

Zekaraya 4:6

Ọ bụru iya bụ l'ọ sụ mu: “Wakwa opfu, Chipfu epfu anụ Zerúbabelu: E tee mekwa iya l'ike; ọphu eemekwa iya l'ọkarieka; ọ kwa onye e gude eme iya bụ Unme mu; nokwa iphe, Chipfu, bụ Ọkalibe-Kakọta-Ike eepfu.

Ọ́gú 11:23

Chipfu sụ Mósisu: “?Bụ l'ẹka mu ta asụdu iya ememe tọo? Nta-a bẹ ịi-hụma; iphe, mu sụru l'oo-meru ngu; ?oo-me tọo too medu?”

Matiyu 3:8

Unu mịa amịmi g'oshi-ọmi. Mebyi, unu aa-mị bụ eme umere, goshiru l'izimanụ iphe-ẹji unu lwawaru unu azụ; unu lwapfutawaa Chileke.

Jiọnu 8:39

Ẹphe sụ iya: “Ọ kwa Ébirihamu bụ Nna anyi.” Jizọsu sụ phẹ: “Ọ -bụ l'unu bụ ụnwu Ébirihamu mẹ unu emenaa iphe, Ébirihamu meru.

Romu 7:13

?Ọ pfụru l'ọo iphe ono, dụ ree ono gbẹ kpatarụ mu anwụhu tọ? Tụswekwa! Ọ kwa iphe-ẹji gude iphe ono, dụ ree ono kpatarụ mu anwụhu g'ee-shi g'iphe-ẹji abụru iphe, aa-hụma l'ọ bụ iphe-ẹji. Ọo ya bụ lẹ Chileke shi l'iphe, e deru l'ekemu eme g'iphe-ẹji goshigbua gẹ yẹbe iphe-ẹji dụ-be ideyideyi.

2 Kọrentu 6:12

Anyi te ewofukwaru unu obu; ọ chikwa unubẹdua wofuru anyi obu.

2 Timoti 3:5

ndu anọduje eme g'ẹphe kweru kẹ Chileke l'ẹbe ẹphe ekweta lẹ Chileke ere ire. Jiko pakwarụ ẹgube ndu ono haa.