Mayịka 2:4 - BAYỊBURU Izii

⁴ Lẹ mbọku ono bẹ ndiphe a-nọdu eme unu iphe-ọchi. Ẹphe emee unu kwaphukwaphu agụru unu ebvu-aphụ-a: “E mebyishikọtaakwaru anyi rengurengu. Okiphe ndibe mu bẹ e woru kee. Chipfu natarụ mu iya l'ẹka! O woru alị anyi nụchaa ndu amadụ iya nụ.”

Mayịka 2:4 ပူးပေါင်းရင်းမြစ်များ

2 Sámẹlu 1:17

Tọbudu iya bụ; Dévidi bya agụa ebvu-aphụ ẹhu Sọlu yẹe nwa iya, bụ Jionatanu;

2 Iphe, ndu eze meru 35:25

Jieremaya gụa ebvu-aphụ ẹhu Jiosáya. Unwoke; mẹ ụnwanyi, agụ ebvu nọdu agụje ebvu ẹhu Jiosáya m'ẹphe -nọdu erwu erwubvu. Ọ bụru g'ọ dụ bụ ono byasụ ntanụ-a. Ẹphe mee ya; ọ bụru omelalị, dụ l'alị Ízurẹlu; tẹme e dee ya edede l'ẹkwo ebvu-aphụ.

Jiobu 27:1

Jiobu nọdu epfukwarọ iphe, oopfu eje. Ọ sụ:

Azáya 14:4

Noo teke unu a-wata atụru eze ndu Bábilọnu phukuku sụ: Onye-a, bụ nwa-mmekpa-ẹhu-a gbẹ meẹkwadupho bugengu! Ẹhu gbẹ ghubuhuwa iya nụ eghu!

Azáya 24:3

Eliphe l'ophu bẹ ee-me g'ọ dabyikọtakporu iphoro; mbụ mebyishikọtakpoo ya g'ọ ha. Ọ kwa Chipfu pfuru opfu-a l'onwiya.

Azáya 6:11

Mu bya ajịa sụ: “Jiko Chipfu; ?bụ teke ole bẹ ọo-duberu nno?” Ọ sụ: “Ọo-dụ nno jasụ mkpụkpu ono adabyiru bụru ochobu. Ọ tọ dụedu onye e-buru iya nụ; jasụ ụlo atụko bụru okorobo ụlo, adụdu onye bu iya nụ. Alị emebyishihu bụru mkpọkoro alị.

Jieremaya 14:18

Teke mu bamiru l'ime ọha ono; mu ahụma odzu ndu e gude ogu-echi gbua. Teke mu bahụru lẹ mkpụkpu phẹ; mu ahụma iphe, ọkpa-nri mebyishiru. Ndu uke mẹ ndu mpfuchiru Chileke tụkoakwaru lashịa alị ẹka ẹphe amadụ.”

Jieremaya 4:13

Lenu! Ọhogu ọbu l'asọkwa pulapula g'urwukpu abya. Ụgbo-ịnya phẹ nọdu ezi phaaphaaphaa g'oke-phẹrephere abya. Ịnya phẹ kakwa ugo eme ẹgwa. Nshịo anyi! Anyi laakwaru l'iswi!

Jieremaya 6:12

Ụlo phẹ ụlo phẹ bẹ ee-wocharu nụ ndu ọzo; mẹkpoo alị phẹ; mẹ unyomu phẹ; mẹ mu -machịepho ẹka byia ndu bu l'alị ono. Nokwa iphe, Chipfu eepfu.

Jieremaya 8:10

Ọo ya bụ lẹ mu e-duru unyomu phẹ nụ unwoke ọzo. Mu eworu alị phẹ nụ ndu ọphu l'e-nweru iya nụ. L'e shikpọo l'onye kachaa nwanshịi jasụ l'onye ọphu kachaa shii; g'ẹphe ha emekọtaepho ụghoro enweru iphe. Ndu mpfuchiru mẹ ndu-uke Chileke tụkoerupho bụru iphe lanụ. G'ẹphe ha agbakọtaepho ẹregede.

Jieremaya 9:10

“Mu a-kwashị ẹnya-mini; kpọo mkpu-ẹkwa l'opfu-ẹhu úbvú úbvú. Mu abya agụa aphụ irwu ẹswa, dụ l'echiẹgu; kẹle ọ kpọshihuwaru nkụ; ọphu ọ dụdu ndu eshiswetajẹkwadu iya nụ; ọphu ọ dụedu onye anụmaje ọ́rà eswi l'ẹka ono. Ụnwenu, ephe l'eli phekashịhuwaru; ụnwanu gbakashịhu.”

Jieremaya 9:16

Mu a-chịkashi phẹ g'ẹphe dzuru ọhamoha, bụ ẹka ẹphe ta majẹduru; ọphu ndiche phẹ amajẹduru iya. Ọzo bụ l'ọo ogu-echi bẹ mu e-gude chịa phẹ jasụ mu emebyishibẹbe phẹ.”

Ezekẹlu 16:44

“ ‘Iphe, bụkpoo onye abya anma ẹtu; bẹ a-nmaje ngu l'ẹtu sụ: “Ọo gẹ ne dụ; bụ gẹ nwa iya nwanyị adụje.”

Ezekẹlu 2:10

Ọ bya aphụshia ẹkwo ono l'iphu mu. Iphe, e dekọtaerupho l'ẹkwo ono ibekẹboebo bụ ẹkwa-aphụ; waa nggụmaphu; mẹ nshịo mu nshịo.

Jiowẹlu 1:13

Unu yekwaa uwe-aphụ wata agụ aphụ; unubẹ ndu bụ uke! Unu watakwa echi mkpu; unubẹ ndu ono, anọduje eje ozi l'ọru-ngwẹja ono! Unubẹ ndu ono, nọ l'iphu Chileke mu eje ozi ono; unu byakwa eyee uwe-aphụ nọkota ẹnyashi l'ophu; kẹle ngwẹja-nri yẹe ngwẹja-mẹe bẹ e buchiwaru l'ụlo Chileke unu.

Jiowẹlu 1:8

Unu gụa aphụ gẹ nwamgbọko, yẹe nwoke teke akwaswee, yeru uwe-aphụ, agụ aphụ kẹ ọnwu gburu nwoke eje iya alụlu.

Émọsu 5:1

Unu nụmakwa opfu-a; unubẹ ọnu-ụlo Ízurẹlu; mbụ erwubvu ẹhu unu-a, mu erwu-a:

Émọsu 5:17

Ụzu-ẹkwa a-nọdu atụ l'ẹkameka, a kọru opfu-vayịnu; kẹle ẹka unu dọru bẹ mu a-bya eshijaa ẹbo ghata.” Nokwa iphe, Chipfu eepfu bụ ono.

Mayịka 1:15

Mu a-chịta ndu a-bya emekpee unubẹ ndu bu lẹ mkpụkpu Maresha. Ndu Ízurẹlu ndu ọphu aakwabẹje ùbvù a-gbaru laa l'ọgba Adulamu je ewohaa onwophẹ.

Mayịka 1:8

Ọo iphe ono meru g'o gude mu je ara ẹkwa chia mkpu. Mu a-gbaru ọkpa ọto; gbaru ẹhu ọto. Mu a-kwa phuuphuu gẹ nkụta-ọswa. Mu arakwaphọ aphụ-aphụ gẹ mgbashị-ujiku;

Mayịka 2:10

Unu gbalihu tụgbua lụfu; kẹle ẹka-a ta abụdu ọkpoku unu; kẹle e merwuwaru iya emerwụ. E mebyishiwaru iya; k'ọphu e tee mekwatabaẹdu iya.

Habakuku 2:6

?Tọbudu ndu ono g'ẹphe ha e-mechaa gbaaharu iya mgbọnu sụ iya: “Aphụ a-tsọkwaru onye achịko iphe, e zitaru ezita akụberu onwiya; bya abụru ana nfụ bẹ o gude baa eze. ?Unu e-mebekpọru iya jasụ teke ole?”

Zefanaya 1:2

Wakwa iphe, Chipfu epfu baa: “Mu a-tụko iphemiphe zaa azaza zafụ g'ọ tọ dụhe ọphu a-dụ l'eliphe.

Ọ́gú 23:18

Belamu pfushiahaa sụ: “Gụbe Belaku; gbalihu agbalihu ngabẹ nchị! Nụma iphe, mu epfu; gụbe nwa Zipo.

Ọ́gú 23:7

Belamu pfuahaa sụ: “Belaku bẹ byaru eduta mu l'alị Arámu. Eze ndu Mówabu bya eduta mu l'úbvú úbvú ụzo ẹnyanwu-awawa. Ọ sụru gẹ mu bya atụaru iya ụnwu Jiékọpu ọnu; gẹ mu bya epfubyia ụnwu Ízurẹlu.

Ọ́gú 24:15

Ọo ya bụ; Belamu pfuahaa sụ: “Waa iphe, Belamu nwa Beyọ epfu. Ọ kwa opfu, onye ono, e meru; ẹnya sahụ ono epfu.

Ọ́gú 24:3

o pfushiahaa sụ: “Waa iphe, Belamu nwa Beyọ epfu. Ọ kwa opfu, onye ono, e meru; ẹnya sahụ ono epfu.

Maku 12:12

“Ẹphe meahaa g'ẹphe gude iya; kẹle ẹphe maru l'ọo phẹ bẹ ọ nmadoru ẹtu ono. Obenu l'ẹphe atsụ mkpụkpu ebvu. Ẹphe haa ya gbakashịhu.

Ditoronomi 28:29

Echilabọ eswe bẹ unu a-wata ebyiphe ẹka ebyiphe g'ẹka onye atsụ ishi ebyiphe ẹka l'ọchii. Ọphu ọ dụkpodaa iphe, unu byiberu ẹka k'ememe, byaru ekeru ekeru. Aa-nọduepho akpa unu ẹhu; ana unu nfụ mbọkumboku; ọphu unu abyadụ enweru onye a-gbaru unu mkpu.