Mayịka 1:8 - BAYỊBURU Izii

⁸ Ọo iphe ono meru g'o gude mu je ara ẹkwa chia mkpu. Mu a-gbaru ọkpa ọto; gbaru ẹhu ọto. Mu a-kwa phuuphuu gẹ nkụta-ọswa. Mu arakwaphọ aphụ-aphụ gẹ mgbashị-ujiku;

Mayịka 1:8 ပူးပေါင်းရင်းမြစ်များ

Azáya 22:4

Noo g'o gude mu sụ: Unu wofu mu rọ ẹnya. Mbụ-a; unu haa mu gẹ mu kwaa ẹkwa kwaghee ya akwaghe. G'e b'ejekwa mu egbogbo l'ẹka ọ bụ ndibe mu bẹ eeme omeliwe ono.

Jieremaya 9:19

Aanụkwa àkàkà-ẹkwa, aaka lẹ Zayọnu ẹka ẹphe ara sụ: “Waa g'e mebyishiru anyi! Waa g'iphere anyi habe shii! Anyi hafụtajekwa alị anyi-a kẹle ụlo anyi bẹ e mebyishichawaru.”

Jieremaya 9:10

“Mu a-kwashị ẹnya-mini; kpọo mkpu-ẹkwa l'opfu-ẹhu úbvú úbvú. Mu abya agụa aphụ irwu ẹswa, dụ l'echiẹgu; kẹle ọ kpọshihuwaru nkụ; ọphu ọ dụdu ndu eshiswetajẹkwadu iya nụ; ọphu ọ dụedu onye anụmaje ọ́rà eswi l'ẹka ono. Ụnwenu, ephe l'eli phekashịhuwaru; ụnwanu gbakashịhu.”

Jieremaya 9:1

Ọ dụ g'a sụ l'ishi mu bụ nggele, mini shi asọshihu. Ẹnya mu bụru ẹka ẹnya-mini futaru! Mu gege anọduepho ara ẹkwa eswe l'ẹnyashi k'egbushi, eegbushi ndibe anyi.

Jieremaya 4:19

Ẹpho mu-o! Ẹpho mu-o! Ọolokwa mu ẹka lẹ meji. Meji edekwa mu kukuku l'ime mu. Mu ta adụkwa ike edobe ọnu doo; kẹle mu nụmawaru opu-ọgu. Mu nụmawaru mkpu, eechi l'iphu ọgu.

Azáya 21:3

Noo g'o gude ogwẹhu mu l'ophu nọdu emekọta mu ẹhuka; ẹhu nọdu aphụkota mu ụphu. Mu dụepho gẹ nwanyị, ime eme. Anụma, mu nụmaru iya mee mu; mu kpọhu kulakula. Ahụma, mu hụmaru iya nmakọta mu ẹhu jiijiijii.

Azáya 16:9

Noo ya; mbẹdua nọdu arakwaphọ ẹkwa ẹgube ono, ndu Jiaza ara ono. Mu arakwaphọ ẹkwa vayịnu ndu Sibuma. Unubẹ ndu Hẹshibonu; unubẹ ndu Eleyale; mu gudeakwa ẹnya-mini awụ unu ẹhu; kẹle okwe, e shi erwujeru ekpu iphe, unu meberu l'alị mẹ ọ -chashịahaa; yẹe okwe, e shi erwuje mẹ a -kpataahaa ya akpata; bẹ bụkotawa sụtukumu.

Azáya 13:21

Iphe, a-dọru iya nụ a-bụru anụ, ebu l'echiẹgu. Ọ bụru nkụta-ọswa bụ iphe, akụjeru l'ụlo, wụshiru iya nụ. Mgbashị-ujiku akụkwaru iya phọ. Eghu-ọswa apfụ-phe karagidingu karagidingu l'ime iya.

Ebvu-ọma 102:6

Mu dụ gẹ mgbashị-ujiku, kwarụ l'echiẹgu; gẹ mgbashị-ujiku, beru l'ẹka e meru umerekete.

Jiobu 30:29

Mu bya bya abụru nwune nkụta-ọswa. Ọ bụru mu lẹ mgbashị-ujiku aswị ọswi.

1 Sámẹlu 19:24

Ọ lafụchaa uwe iya gbarụ ọto pfuchiaharu Chileke l'iphu Sámẹlu. Ọ gbaru ọto dabyiru l'ẹka ono eswe mẹ l'ẹnyashi ono l'ophu. Ọo ya meru iphe, ndiphe asụje: “Sọlu ?ọ yịfua lẹ ndu mpfuchiru Chileke tọo?”

Azáya 13:22

Achị-anmabu a-nọduje l'ụlo phẹ, a kpụshiru ike ara ntụmatu. Nkụta-ọswa akụru l'ụlo phẹ ndu ọphu shi bụru ẹguru ụlo. Ọzo bụ lẹ teke ee-me iya iphe ono dụwaa ntse; mbụ l'ọ tọo nọedu ọdu l'ọ nwụa.”

Azáya 32:11

G'ẹhu nmakwaa unu anmanma; unubẹ ụnwanyi, nọ tụsaru ẹhu! G'ẹhu tekwaa unu kparịkpari; unubẹ ụnwada ono, arị l'ọ tọ dụdu iphe, abya unu ememe ono! Unu tọfukwa ẹkwa unu; chịta uwe-aphụ gbaphua onwunu l'upfu!

Ezekẹlu 32:18

“Nwa ndiphe; raa ẹkwa ikpoto ọha Ijiputu; mee phẹ g'ẹphe l'ọhamoha, a maru amaru tụko wụda l'ime alị; mbụ g'ẹphe tụko wụlahu l'azụ iya ọphuu g'ẹphe lapfu ndu ọphu kpodawarụ l'ilu.

Mayịka 2:4

Lẹ mbọku ono bẹ ndiphe a-nọdu eme unu iphe-ọchi. Ẹphe emee unu kwaphukwaphu agụru unu ebvu-aphụ-a: “E mebyishikọtaakwaru anyi rengurengu. Okiphe ndibe mu bẹ e woru kee. Chipfu natarụ mu iya l'ẹka! O woru alị anyi nụchaa ndu amadụ iya nụ.”

2 Ndu eze 18:13

Tọbudu iya bụ; o rwua l'apha, kwe eze, bụ Hezekáya apha iri l'ẹno, ọ watarụ abụru eze; Senakeribu, bụ eze ndu Asiriya bya ọgu l'alị ndu Jiuda; bya atụko mkpụkpu phẹ g'ọ ha, bụ mkpụkpu, a kpụshiru ike lwụa lwụta.

Ẹsuta 4:1

Tọbudu iya bụ Mọdekayi maẹrupho iphe, anwụ nụ; o ye ẹka l'uwe iya zijaha ẹbo; bya achịta uwe-aphụ ye; kpushi onwiya ntụ; gbafụ ọma mkpụkpu ara ẹkwa arashị iya ike.