Mayịka 1:4 - BAYỊBURU Izii

⁴ Úbvú úbvú ono a-zashịhu lẹ mkpula ọkpa iya; nsụda nsụda agbawashịhuchaa agbawashịhu g'ụ̀nwù, e doberu lẹ mgboru ọku; gẹ mini, shi lẹ mgbaze asọshihu.

Mayịka 1:4 ပူးပေါင်းရင်းမြစ်များ

Ebvu-ọma 46:6

Ndu ọhozo gude ẹhu-eghu aba hanyịhanyi. O mee; alị-eze phẹ nọdu angakọta anganga; ọle Chileke woliẹrupho olu gbọoru phẹ ụja; Eliphe l'ophu rwushihu.

Ebvu-ọma 68:2

Zikashịnaa phẹ nanụ nanụ; gẹ phẹrephere ezikashịje ẹnwuru-ọku-a. Ọo g'ụ̀nwù adazehuje lẹ mgboru ọku-a bụ gẹ ndu ẹjo-iphe a-la l'iyi l'iphu Chileke.

Ebvu-ọma 97:5

Úbvú l'ophu azashịhuje g'ụ̀nwù m'ẹphe nọdu l'iphu Chipfu; mbụ m'ẹphe nọdu l'iphu Nnajịuphu ọphu nwe mgboko l'ophu.

Émọsu 9:5

Ọ kwa Nnajịuphu, bụ Chipfu; bya abụru Ọkalibe-Kakọta-Ike; onye abụjeru; o -denyi eliphe l'ophu ẹka; l'ọ dazeshihu; iphemiphe, bu iya nụ agụahaa aphụ; alị-a l'ophu abyaa utso g'ẹnyimu Nayịlu; e -mechaa l'ọ daa rịgbidii gẹ nggele alị Ijiputu.

Nahumu 1:5

L'iphu iya bẹ úbvú úbvú anọduje anma jiijiijii; tẹme obvu obvu nọdu adazehujechaa. Mgboko l'ophu anọduje anma pyaapyaapyaa l'iphu iya; mbụ eliphe l'ophu; mẹkpoo iphemiphe, bu iya nụ.

Habakuku 3:10

Oke-úbvú hụmaru ngu nmahụ jiijiijii. Ọchioku mini gbaru gborogboro bya agbaghaa. Ogbu-mini swokperehu. Akparamini iya nọdu avọ-lihuje ephekerephe ephekerephe.

Habakuku 3:6

Ọ bya apfụru bya anmaa mgboko yigayiga. Ọ bya elee ẹnya elele; ọhamoha nmahụ pyaapyaapyaa. Oke úbvú ndiche ono gbawashịhuchaa agbawashịhu. Eli obvu ndiche ono dakpọshihu; ụzo iya bụru ojejoje.

Zekaraya 14:4

O -rwua mbọku ono bẹ oo-gude ọkpa iya pfụru l'eli úbvú olivu, dụ l'ụzo ẹnyanwu-awawa kẹ Jierúsalẹmu. Úbvú olivu ono abya ebukahụ ẹbo; e -shi l'ụzo ẹnyanwu-awawa jasụ l'ụzo ẹnyanwu-arịba. Echi iya abụru nsụda, a-ha ntụmatu; kẹle úbvú ono ẹka lanụ e-shi ụzo isheli; ẹka lanụ eshia ndọhali.

Ọphulenya 20:11

Mu bya ahụma oke aba-eze acha ụcha; bya ahụmakwapho onye nọ iya nụ. Igwe mẹ alị phọta ọso; shi iya l'iphu gbafụ. Ọphu ọ dụedu ẹka ẹphe a-nọdu.

Ikpe 5:4

Gụbe Chipfu; teke ị lụfuru l'alị Siye; mbụ teke ị zọru garamugaramu lụfu l'alị ndu Edọmu bẹ mgboko nmahụru jiijiijii; igwe rwua erwurwu; wa mini.