Mayịka 1:3 - BAYỊBURU Izii

³ Sụ-a; lekwa! Chipfu shikwa l'ẹka o bu ebubu abya. Oo-bya bya azọo garamu garamu l'eli-úbvú l'eli-úbvú, nọgbaa l'eliphe.

Mayịka 1:3 ပူးပေါင်းရင်းမြစ်များ

Jiobu 40:12

mbụ lee ẹnya hụma iphe, bụkpoo ndu eku onwophẹ mee phẹ g'ẹphe darwua alị! Tụkonu iphe, bụkpoo ndu ẹjo-iphe mebyishikọta l'ẹka ẹphe pfụru!

Ebvu-ọma 115:3

Chileke anyi nọnu l'imigwe. Ọ bụru iphe, dụ iya ree bẹ oomeje.

Azáya 25:10

Kẹle ẹka Chipfu a-dụkwa l'eli úbvú-a. Mbụ lẹ ndu Mówabu bẹ aa-zọ tọlitoli l'ibe phẹ ẹgube ono, aazọje ẹswa ekperema pyakapyaka l'ikpọzu ono.

Azáya 26:21

kẹle-a; unu lenu! Chipfu shiakwa ẹka o bu eje afụta; g'ọ bya ahụ̀a ndiphe ahụ̀hù k'iphe-ẹji, ẹphe meru. Mgboko l'ophu e-kpofutakọta ndu e gburu l'ime iya; ọphu oodomiẹdu ndu a nọ iya l'ime phụshia.

Ezekẹlu 3:12

Tọbudu iya bụ; Unme Chileke bya apalia mu imeli; mu nụma igiji, aphụ-ji aphụ-ji, asụje: “G'a nọdukwa l'ẹka Chipfu bu jaa ọdu-biribiri iya ajaja!”

Émọsu 4:13

Ọ kwa onye ono, bụ iya meru úbvú; bya edobe phẹrephere; mbụ onye ewojeru iphe, ọori kpuhaa goshi nemadzụ; onye ono, emeje g'ụtsu gbahụ ọchii; tẹme ọ nọdu azọ garamu garamu l'eli úbvú, nọgbaa lẹ mgboko. Ẹpha iya bụkwa Chipfu; bya abụru Chileke, bụ Ọkalibe-Kakọta-Ike.

Émọsu 9:5

Ọ kwa Nnajịuphu, bụ Chipfu; bya abụru Ọkalibe-Kakọta-Ike; onye abụjeru; o -denyi eliphe l'ophu ẹka; l'ọ dazeshihu; iphemiphe, bu iya nụ agụahaa aphụ; alị-a l'ophu abyaa utso g'ẹnyimu Nayịlu; e -mechaa l'ọ daa rịgbidii gẹ nggele alị Ijiputu.

Habakuku 3:19

Ọ kwa Chipfu, bụ Chileke mu bụ ike mu. Ọ bụru iya eme ọkpa mu g'o shihu ike gẹ kẹ mgbada. Mbụ l'oo-me gẹ mu gude ọkpa zọo garamugaramu l'eli ẹka dụ úbvú úbvú. Ọ kwa onye-ishi ebvu bẹ ọ dụru; ọ bụru une bẹ ee-gude gụa ya.

Zekaraya 14:4

O -rwua mbọku ono bẹ oo-gude ọkpa iya pfụru l'eli úbvú olivu, dụ l'ụzo ẹnyanwu-awawa kẹ Jierúsalẹmu. Úbvú olivu ono abya ebukahụ ẹbo; e -shi l'ụzo ẹnyanwu-awawa jasụ l'ụzo ẹnyanwu-arịba. Echi iya abụru nsụda, a-ha ntụmatu; kẹle úbvú ono ẹka lanụ e-shi ụzo isheli; ẹka lanụ eshia ndọhali.

Ditoronomi 32:13

O doberu phẹ l'ẹka ha l'eli lẹ mgboko; g'ẹphe bụru ishi. Ọ bụru akpụru-iphe, mịru l'ẹgu bẹ ẹphe riru. O mekwaaphọ; ẹphe ria manụ-ẹnwu, shi lẹ mkpuma; yẹe manụ, shi l'alị, dụ epfu epfu.

Ditoronomi 33:29

Ẹhutso bẹ a gọru nụ unubẹ ndu Ízurẹlu. ?Bụ onye dụ g'unu; unubẹ ndu Chipfu dzọtaru? Ọo yẹbedua bụ onye egbobutaje unu; bya abụru onye eyejeru unu ẹka. Ọ bụkwarupho yẹbedua bụ ogu-echi, unu gude eku onwunu. Ndu ọhogu unu e-gude ndzụ-agụgu byapfuta unu; unu azọpyashia ẹka ẹphe agwajẹ iphe azọpyashi.”