Matiyu 7:7 - BAYỊBURU Izii

⁷ “Unu pfua g'a nụ unu iphe; aa-nụ iya unu! Unu chọo iphe; unu a-chọta iya! Unu kụa ẹka l'ụzo; aa-gụharu iya unu.

Matiyu 7:7 ပူးပေါင်းရင်းမြစ်များ

Mbụlembu 26:32

Ọ bụru mbọku ono bẹ ndu-ozi Áyizaku byaru bya epfuaru iya kẹ wẹlu phọ, ẹphe tụru phọ sụ iya l'ẹphe hụmakwaru mini.

1 Ndu eze 3:5

O -rwua l'ẹnyashi; Chipfu byapfuta Sólomọnu lẹ nrwọ lẹ Gibiyọnu l'ẹka ono bya asụ iya: “Pfua iphe, bụkpoo iphe, ọ dụ ngu gẹ mu nụ ngu.”

Ebvu-ọma 10:17

Gụbe Chipfu; iphe, ndu dụ àgù rwọru ngu bẹ ị nụmawaru. Ọo gụbedua emeje g'obu nmapfuru phẹ; tẹme ị nọdu anụmajẹ olu phẹ.

Ebvu-ọma 10:4

Ndu ẹjo-iphe egudeje eku onwophẹ jịka achọ Chileke; ọphu ẹphe arivujedu Chileke ililekpọo.

Ebvu-ọma 119:12

G'ajaja bụru nkengu gụbe Chipfu. Jiko zinaa mu gẹ mu e-me tsoje iphe, ị tọru ọkpa iya sụ g'e tsoje.

Ebvu-ọma 27:8

Iphe, obu mu pfuru mu bụ gẹ mu chọo iphu ngu. Ọ bụru iphu gụbe Chipfu ono bẹ mu achọ-a.

Ebvu-ọma 34:4

Mu rakuru Chipfu; ọ za mu ẹnu; bya emee; ndzụ gụ-buhu mu.

Ebvu-ọma 37:4

Nọdukwa Chipfu l'ẹka tee ẹswa; g'ọo-nụkwanu ngu iphe, bụ iphe, agụ ngu nụ.

Ebvu-ọma 50:15

Unu -kua mu oku mẹ iphe-ẹhuka byaru unu; mu adzọta unu; ọo ya bụ g'unu akwabẹje mu ùbvù.”

Ebvu-ọma 69:32

Ndu wozeru onwophẹ alị hụmae ya phọ; ẹhu atsọo phẹ ụtso. G'obu unubẹ ndu achọ Chileke nọdukwa ndzụ!

Ebvu-ọma 70:4

G'iphe, bụkpoo ndu achọ ngu nụ bụru ndu ẹhu a-tsọ. Ẹphe anọdu ngu l'ẹka tee ẹswa. Gẹ ndu ọ dụ g'a sụ l'ị dzọtaru phẹ bụru iphe, ẹphe akpụru l'ọnu epfu bụ: “Unu tụa ọnu Chileke l'ọ parụ ẹka!”

Ebvu-ọma 86:5

Gụbe Nnajịuphu bụ onye ọma; bya abụru onye agụjeru nemadzụ nvụ. Iphe, bụkpoo ndu arakuje ngu nụ bẹ iiyeje obu yegharụ iya ẹka.

Ẹkwo Ẹtu 8:17

Ndu yeru mu obu bẹ mu yekwarụ obu; tẹme ndu achọ mu nụ achọshi mu ike je l'achọta mu.

Ebvu Sólomọnu 3:2

Mu sụ: “Nta bẹ mu a-gbẹshi tsoru ọma mkpụkpu; mbụ tụko ọma gbororo; mẹ edupfu jekọta; achọ onye ono, mu yeru obu ono.” Ọ bụru nno bụ gẹ mu lekọtaru ẹnya iya; ọphu mu ahụmaduru iya.

Azáya 30:19

Sụ-a; unubẹ ndu Zayọnu; mbụ unubẹ ndu bu lẹ Jierúsalẹmu; unu a-kwata ẹkwa gberuma. Oo-mekwarụ unu eze-iphe-ọma; mẹ unu raa ẹkwa raku iya! Ọo ẹpho anụma, ọonuma iya; l'ọ za unu ẹnu.

Jieremaya 33:3

Kua mu oku; hụma lẹ mu a-za ngu ẹnu; bya akarụ ngu iphe, parụ ẹka bya adụ omilomi, bụ iphe, ị mahakpọada;

Émọsu 5:4

Wakwa iphe, Chipfu epfu anụ ọnu-ụlo Ízurẹlu: “Unu chọo mu; dzụru ndzụ.

Matiyu 18:19

“Ọzo, mu e-pfufuaru unu bụ lẹ-a; iphe, bụkpoo iphe, unu dụ ẹbo nọdu lẹ mgboko-a; gude obu lanụ kweta bya epfuru iya nụ Chileke; iphe ono bẹ Nna mu ono, bu l'imigwe ono e-mekwarụ unu.

Matiyu 21:22

Ọo ya bụ l'iphe, bụkpoo iphe, unu gude jepfu Chileke je epfuru nụ iya sụ iya g'ọ nụ unu; unu kwetawaa l'ọo-nụ iya unu; iphe ono bẹ ọo-nụ unu.”

Matiyu 6:33

Ọo ya bụ; unu vuru ụzo chọadaa g'unu e-me gẹ Chileke bụru eze lẹ ndzụ unu; yẹle apfụbekoto iya; ọo ya bụ; iphe ono g'ọ ha abụru iphe, Chileke e-yekwarụ unu eyekwa.

Matiyu 7:11

Eshinu unubẹ ndu bụ ndu ẹjo-iphe amajẹru nụ ụnwu unu iphe, dụ ree; ?bụchia Nna unu ọphu bu l'imigwe taa madụru anụ unu ọkpobe iphe; mbụ unubẹ ndu sụru g'ọ nụ iya unu?

Matiyu 7:8

Kẹle onyemonye, sụru g'a nụ iya iphe bẹ aanụje iphe; onye chọru nụ l'achọtaje; onye kụru ẹka l'ụzo bẹ aagụhajeru iya.

Maku 11:24

Noo g'o gude mu sụ unu l'iphemiphe, unu sụru gẹ Chileke nụ unu mẹ unu -nọdu epfu anụ iya; unu -kwetawaa l'ọ nụwaru iya unu; iphe ono bẹ ọo-nụ unu.

Luku 13:25

A -nọnyawaa onye nwe ụlo gbẹshi woru ụzo guchia; unu apfụru l'etezi akụ ẹka l'ụzo sụ: ‘Nnajịuphu; gụhaaru anyi ụzo!’ L'ọo sụ unu lẹ ya ta amakwa ẹka unu shi-o!

Luku 18:1

Jizọsu bya anmaaru phẹ ẹtu, o gude goshi phẹ sụ g'ẹphe pfuje nụ Chileke; g'ẹphe ta asụ l'ike epfupfu bvụwaru phẹ.

Jiọnu 15:16

Ọ tọ bụkwa unubẹdua họtaru mu; ọ chikwa mbẹdua họtaru unu dobe iche; k'ọphu unu a-mị mebyi; mbụ mebyi, a-dụwaro kwasẹru. Ọo ya bụ; iphe, bụkpoo iphe, unu gude ẹpha mu sụ gẹ Nna nụ unu bẹ ọo-nụ unu.

Jiọnu 15:7

Ọ -bụru lẹ mu l'unu tụgbaru bụru nanụ; opfu mu buru unu eburu l'ime bẹ ọ tọ dụkwa iphe, bụ iphe, dụ unu ree, unu sụru g'e meeru unu, e tee medụru unu.

Jiọnu 4:10

Jizọsu sụ nwanyị ono: “Ha! Ọ -bụ l'ị maru iphe-ọma, Chileke emejeru nemadzụ; mbụ-a; ọ -bụ l'ị makpọoru onye sụru g'i kee ya mini-a amama ophu mẹ ọ gbẹ bụru gụbedua gege arwọ iya mẹ ọ nụ ngu mini, l'anụje ndzụ g'ị ngụa.”

Romu 2:7

Ndu tarụ nshi nọdu eme iphe, dụ ree; kukebe ẹhu achọ gẹ Chileke jaa phẹ ajaja; kwabẹ phẹ ùbvù; bẹ oo-me g'ẹphe nọdu ndzụ ojejoje; ẹphe taa nwụhubaedu anwụhu.

Romu 3:11

Ọphu ọ dụdu mẹ onye lanụ, nweru egomunggo; ọphu ọ dụkwapho onye eseje gẹ ya maru Chileke.

Hiburu 11:6

Unu maanarụ-a l'ọ tọ dụdu onye a-dụ ike eme iphe, jiru Chileke ẹpho; gbahaa l'onye ọbu kwetaadaru kẹ Chileke. Kẹle onye akpịritaru Chileke ntse vufutajẹ ụzo kweta lẹ Chileke dụ; kwetakwaphọ l'oo-buje ndu achọ iya nụ nggo.

Jiemusu 5:15

Opfu, e pfuru nụ Chileke bya ekweta l'oo-mee bẹ a-dzọta onye iphe eme; Nnajịuphu abya emee; l'o wekọrohu. Teke ọ bụ l'ọo iphe-ẹji bẹ o meru; a gụaru iya ya nvụ.

1 Jiọnu 3:22

Anyi anatajẹ l'ẹka iya iphe, bụkpoo iphe, anyi sụru g'ọ nụ anyi; kẹle anyi emeje ekemu, ọ tụru; tẹme anyi nọdu eme iphe, dụ iya ree.