Matiyu 7:11 - BAYỊBURU Izii

¹¹ Eshinu unubẹ ndu bụ ndu ẹjo-iphe amajẹru nụ ụnwu unu iphe, dụ ree; ?bụchia Nna unu ọphu bu l'imigwe taa madụru anụ unu ọkpobe iphe; mbụ unubẹ ndu sụru g'ọ nụ iya unu?

Matiyu 7:11 ပူးပေါင်းရင်းမြစ်များ

Mbụlembu 6:5

Chipfu bya elee ẹnya hụma g'ẹjo-ememe nemadzụ habewa shi lẹ mgboko; l'iphe, obu phẹ anọdujeepho arị bụ g'ẹphe e-shi mee ẹjo-iphe tekenteke.

Mbụlembu 8:21

Chipfu nụmaepho ishishi iya, atsọ ntụmatu; o pfua l'ime obu iya sụ: “Mu ta abyaẹdu egude opfu ẹhu nemadzụ tụbaa alị ọnu; kẹle iphe, nemadzụ anọdujekpoepho arị l'obu iya e -shi lẹ nwata bụepho ẹjo-iphe. Ọphu mu abyaẹdu emebyishibaa iphemiphe, mu meru ememe, dzụ ndzụ; ẹgube-a, mu meru-a.

2 Sámẹlu 7:19

Ọphu ono atsụdu iya gụbe Nnajịuphu, bụ Chipfu l'ẹnya; ị bya atụfua ọnu g'ọnulo onye-ozi ngu a-dụ l'iphu yekọbefua ya. ?Bụ ẹgube ono bụ g'iigudeje ehe nemadzụ; gụbe Nnajịuphu, bụ Chipfu?

Jiobu 15:16

?tọ kadụnu ta agụbe nemadzụ iphe; mbụ nemadzụ ono, adụdu iphe, ọ bụ; tẹme ụrwuali ji iya ẹhu; tẹme ọ nọdu angụ ẹjo-iphe g'onye angụ mini?

Ebvu-ọma 84:11

Kẹle Chipfu, bụ Chileke dụ g'ẹnyanwu; bya abụru onye egbobutaje anyi. Chipfu emejeru ndiphe eze-iphe-ọma; bya emeje g'a kwabẹ nemadzụ ùbvù. Ọ tọ dụdu iphe, dụ ree, o kejeru ẹka mbvu l'ọ tọo nụdu iya ndu ụta adụdu lẹ ndzụ phẹ.

Ebvu-ọma 85:12

Chipfu a-bụru iphe, dụ ree bẹ ọo-nụkota; bya emee g'iphe, anyi meberu l'alị anyi mehu emehu.

Ebvu-ọma 86:15

Obenu lẹ gụbe Nnajịuphu bụ Chileke, aphụje obu-imemini; bya abụru onye emeje eze-iphe-ọma. Ẹhu te eghujedu ngu eghu ẹgwegwa; tẹme ị nọdu eyeje obu yegharụ iya ẹka; bya abụru onye apfụshije ike l'iphe, i pfuru.

Ebvu-ọma 86:5

Gụbe Nnajịuphu bụ onye ọma; bya abụru onye agụjeru nemadzụ nvụ. Iphe, bụkpoo ndu arakuje ngu nụ bẹ iiyeje obu yegharụ iya ẹka.

Azáya 49:15

Ne; ?ọozohaje nwa, angụ iya ẹra l'obu; mbụ kẹ g'ọ tọ phụru nwa, bụ iya nwụru iya obu-imemini? O -jekpọonu azọha bẹ ọo-zọhakwaa; obenu lẹ mbẹdua ta azọhadu ngu!

Azáya 63:7

Mu e-pfu k'obu, Chipfu eyeje ndibe iya. Mbụ iphe, Chipfu meshiru anyi, kparụ iphe, ọ gbaru g'a jaa ya ajaja; mbụ ikpoto iphe, dụ ree, o meru ọnu-ụlo Ízurẹlu; kẹle ọophushi obu-imemini ike; tẹme ọ nọdu eyeje obu yegharụ iya ẹka.

Jieremaya 17:9

“Obu nemadzụ ta adụdu iphe, ọ kadụ ẹregede. Tẹme ẹjo-iphe paa ya ẹka. ?Bụ onye sụru iya amaru?

Jieremaya 33:14

Wakwa iphe, Chipfu epfu baa: “Mbọku abyakwa teke mu e-meru ndu ọnu-ụlo Ízurẹlu yẹe ọnu-ụlo Jiuda iphe, dụ ree, mu kweru ukwe lẹ mu e-meru phẹ.

Hosiya 14:2

Unu kpụru opfu l'ọnu gude lwapfuta Chipfu. Unu bya bya asụ iya: ‘Gụaru anyi nvụ l'iphe-ẹji, anyi emekọta ngu g'ọ ha! Gudenụ eme odoo nata anyi; g'anyi egudekwanụ akpụru-iphe, shi anyi l'ọnu gude gwaa ngu!

Mayịka 7:18

?Bụ onye dụbaa gẹ gụbe Chileke, bụ onye agụje nvụ l'iphe-ẹji; tẹme ị nọdu eleghatajẹ emeswe, nwa ndu ono, phọduru nụ ono, mesweru ngu; mbụ ndu ono bụhukwapho okiphe ngu ono? Ẹhu te eghujedu ngu eghu jasụ l'ojejoje. Obenu l'iphe, adụje ngu ree bụ g'ị phụa obu-imemini.

Malakayi 1:6

“Sụ-a; nwa akwabẹjekwa nna iya ùbvù; nwozi nọdu akwabẹje nnajịuphu iya ùbvù. Ọ -bụru lẹ mu bụ nna unu; ?unu akwabẹje mu-a ùbvù, rwuberu mu nụ? Teke mu bụ nnajịuphu unu; ?unu atsụ mu-a ebvu, rwuberu mu nụ?” Noo iphe, Chipfu, bụ Ọkalibe-Kakọta-Ike eepfu. Ọ sụkwapho-a: “Ọ kwa unubẹ ndu bụ uke akpọ mụbe Chipfu ẹbo l'afụ. “Obenu l'unu a-jịkwaro sụ: ‘?Dẹnu g'anyi gude akpọ ngu ẹbo l'afụ?’

Matiyu 23:9

Ọphu ọ dụkwa onye unu e-kuje Nna lẹ mgboko-a; l'ọ kwa Nna lanụ bẹ unu nweru, bụ iya bụ Nna ọphu bu l'imigwe.

Matiyu 7:10

Ọzoo l'ọ sụru g'a nụ iya ẹma; l'ọ gbẹ chịru agwọ nụ iya.

Jiọnu 3:16

Lẹ Chileke yekwarụ ndiphe obu; yetabe iya k'ọphu ọ nụru Nwa lanụ, o nweru kpoloko: g'ọoburu onye kwetarụ nkiya; onye ono taa ladụ l'iswi; o nwechiaru ndzụ ojejoje.

Romu 3:19

Ọphu anyi makahakpọoru bụ l'iphemiphe, e deru l'ẹkwo ekemu Chileke bụ ndu a tụ-doru ekemu ọbu bẹ e dedoru iya. Ọo ya bụ g'ọ tọ dụ onye a-gọfu nụ. Ọnu abụru onyemonye kpụrukudukuu; wafụa g'onyemonye e-shi ẹgube ono bụru onye-ikpe nmarụ l'iphu Chileke.

Romu 3:9

?Nta-a-ee? Ọnodu anyịbe ndu Jiu ?ọ ka kẹ ndu abụdu ndu Jiu mma tọ? Tụswekwa! Anyi ta akakpọdaa phẹ mma ililekpọo. Iphe, anyi goshiru bụ l'anyịbe ndu Jiu; mẹ ndu abụdu ndu Jiu tụkoru bụru ndu iphe-ẹji pyịtaru l'ẹkpiri.

Romu 8:32

Mbụ onye ono te sephuduru Nwa iya azụ; obenu l'ọ gbẹchia duru iya ye g'ọ bya anwụhu-chiru anyi g'anyi ha. ?Bụ ẹgube iphe gụnu bẹ ọ tọo gbẹdu Nwa iya ono l'ẹka nụ anyi kẹ mmanụ?

Galeshiya 3:22

Obenu l'ẹkwo-opfu Chileke egoshi lẹ ndiphe mgburugburu bẹ iphe-ẹji pyịtaru l'ẹkpiri. Iphe, o gude egoshi iya ono bụ g'iphe ono, Chileke kwetarụ lẹ ya e-meru onye woru onwiya ye Kéreshi ono l'ẹka abụerupho ndu woru onwophẹ ye Kéreshi l'ẹka bẹ oo-meru iya kpoloko.

Jiemusu 1:17

Iphe, aanụ anụnu, dụ ree waa iphe-ọma, adụdu ẹka ntụcha dụ iya shikọta l'imigwe. O shi l'ẹka Nna kẹ ìphóró imigwe, bụ iya bụ Nna ọphu te echibuhujedu g'ẹnyanwu abụjeru o -chibuhu; ọchi agbaahaa-a.

1 Jiọnu 3:1

Unu hụmaru ẹgube gẹ Chileke, bụ Nna yebewaru anyi obu kẹ g'ọ kua anyi ụnwu iya; tẹme ọ bụru iphe, anyi bụ bụ ono. Iphe, meru iphe, ndiphe amadụ anyi bụ l'ẹphe ta amadụ iya.

1 Jiọnu 4:10

Ẹka n-yemobu ọwa-a gude shia iche bụ lẹ-a; ọ tọ bụdu l'ọo anyịbedua yeru Chileke obu; ọ bụ-chia Chileke bẹ goshiru l'ọo yẹbedua yeru anyi obu. G'o gude goshi iya bụ l'o woru Nwa iya ye g'ọ bya eworu onwiya gwee ẹja ọha; gude gwefu iphe-ẹji, anyi meru.