Matiyu 6:13 - BAYỊBURU Izii

¹³ Te ekwekwa g'anyi nmalahụ l'ọhutama. Nafụtachikwaa anyi g'anyi ta aba l'ẹka onye ẹjo-iphe.’ Kẹle ọo ngu bụ eze iphemiphe; bya abụru ngu nwe ike; nweru akpabiri jasụ lẹ tuutuutuu lẹ mịimiimii. Nokwa g'ọ dụ.

Matiyu 6:13 ပူးပေါင်းရင်းမြစ်များ

Mbụlembu 22:1

E mechaa Chileke bya ahụa Ébirihamu ama. O kua ya sụ: “Ébirihamu!” Ọ za iya ẹnu.

1 Ndu eze 1:36

Benaya nwa Jiehoyada zụa mgbede sụ: “Nokwa g'ọ dụ! Gẹ Chipfu, bụ Chileke kẹ gụbe nnajịuphu mu, bụ eze pfufukwaa g'i pfuru ono.

1 Iphe, ndu eze meru 16:36

G'ajaja bụru kẹ Chipfu, bụ Chileke kẹ Ízurẹlu; e -shi lẹ gbururu jeye lẹ gbururu.” Noo ya; ndu Ízurẹlu l'ophu tụko zụkota mgbede sụ: “Nokwa g'ọ dụ. G'ajaja bụru kẹ Chipfu.”

1 Iphe, ndu eze meru 29:11

Gụbe Chipfu bẹ parụ ẹka apaa; tẹme ike; mẹ ùbvù; mẹ ọdu-biribiri bụkotaru nkengu. Iphemiphe, nọ l'igwe; mẹ ọphu nọ l'eliphe bẹ bụkota nkengu. Ọo ngu bụ eze; gụbe Chipfu; ọ bụru ngu bụ ishi iphemiphe.

1 Iphe, ndu eze meru 4:10

Jiabẹzu raku Chileke kẹ Ízurẹlu sụ iya: “Jiko kebenu mu l'ọma. Menaa g'oke alị mu ka ọsa. Gudenụ ẹka ngu heru mu jiko Chileke. Wofujenuru mu ẹjo-iphe; g'o to mekajẹ mu iphe!” Ọo ya bụ; Chileke meeru iya iphe, ọ sụru g'o meeru iya.

Ebvu-ọma 10:16

Ọo Chipfu bụ Eze jasụ lẹ tuutuutuu lẹ mịimiimii. Ndu ọhozo a-chịhu l'alị kẹ Chipfu.

Ebvu-ọma 106:48

G'ajaja bụru kẹ Chipfu, bụ Chileke kẹ ndu Ízurẹlu gbururu jeye lẹ gbururu. G'onyemonye sụkwa: “Nokwa g'ọ dụ!” G'ajaja bụru kẹ Chipfu!

Ebvu-ọma 22:28

Kẹle iphe, bụkotakpoo alị-eze ndiphe l'ophu bụkota kẹ Chipfu; tẹme ọ bụru iya achịkota ọhamoha.

Ebvu-ọma 41:13

G'e tua Chipfu ẹpha; mbụ Chileke kẹ ndu Ízurẹlu; e -shi lẹ gbururu jeye lẹ gbururu. Nokwa g'ọ dụ; bya abụru g'ọ dụ.

Ebvu-ọma 47:2

Noo kẹle Chipfu, bụ Ọkalibe-kakọta-shii gbaru g'a tsụje iya ebvu. Kẹle ọo yẹbedua bụ Ọkalibe eze, achịkota ndiphe l'ophu.

Ebvu-ọma 47:7

Kẹle ọo Chileke bụ eze ndu mgboko mgburugburu. Unu kwaa ẹvù gude jaa ya ajaja!

Ebvu-ọma 72:19

G'ajaja bụkwarupho k'ẹpha iya ono, dụ biribiri ono jasụ lẹ tuutuutuu lẹ mịimiimii! G'ogbunwịinwii ya tụkokwa mgboko l'ophu sweta! Nokwa g'ọ dụ; bya abụru g'ọ dụ!

Ebvu-ọma 89:52

G'ajaja bụru kẹ Chipfu jasụ l'ojejoje! Nokwa g'ọ dụ; bya abụru g'ọ dụ.

Awụfu 15:18

Ọo gụbe Chipfu a-bụru eze jasụ lẹ tuutuutuu lẹ mịimiimii.

Ẹkwo Ẹtu 30:8

Menaa gẹ atụkporoko yẹe adzụ ụka nọdu mu ẹnya. B'emekwa gẹ mu kpaa nri; ọphu i mekwa gẹ mu nweru iphe. Iphe, ịi-nụje mu phọ bụ nri, asụje mu eriri mbọku-mbọku.

Jieremaya 15:21

Mu a-dzọ ngu l'ẹka ndu ẹjo-iphe; bya agbafụta ngu l'ẹka ndu njọ ono, tụru ngu swịswia ono.

Jieremaya 28:6

sụ iya: “G'ọ dụkwa nno! Gẹ Chipfu mekwaa ya nno! Gẹ Chipfu mekwaa iphe ono, i pfuru lẹ mpfuchiru ono; g'ọ chị-phutakwa ngwa ụlo Chipfu azụ; yẹe ndu a kpụru lẹ ndzụ; g'o shikwa l'alị ndu Bábilọnu tụko phẹ chị-phuta azụ l'ẹka-a!

Danẹlu 4:25

Aa-chịfu ngu l'ẹka nemadzụ anọduje. L'i je gụ l'anụ-ẹgbudu eburu. L'e mee ngu l'ị taahaa ẹswa g'eswi. Noo ẹka ịi-nọdu; iji, shi l'igwe akwaa kpua ngu. L'ị nọo ya ẹgube ono apha ẹsaa; jasụnupho teke ịi-maru lẹ Ọkalibe-kangokọtaru-nụ bụ onye ndu eze ndiphe mgburugburu nọ l'ẹka; ọ bụru onye Chileke tụru obu iya onyo k'anụnu iya bẹ ọo nụje iya.

Danẹlu 7:18

Obenu lẹ kẹ Ọkalibe-kangokọtaru-nụ l'e-mechaa natachaa alị-eze ono nwowarụro jasụ l'ojejoje; mbụ l'ọo-nọduwa iya rọ l'ẹka jasụ lẹ tuutuutuu lẹ mịimiimii.’

Ọ́gú 5:22

‘Mbụ; gẹ mini, atsọ ilu-a, emeje gẹ nemadzụ bụru onye a tụru ọnu-a kpobakwa ngu l'ẹpho; k'ọphu ẹkpa-nwa e-chihu ngu; g'ị tị tụ nwa l'ụtapfu.’ “Ọo ya bụ; nwanyị ono asụ: ‘G'ọ dụ nụ g'i pfuru. G'ọ dụ nụ g'i pfuru.’

Matiyu 26:41

Unu nwụru ẹnya; pfuru nụ Chileke g'o to kwe g'unu nmalahụ l'ọhutama. Maa nemadzụ bẹ ọ nọdujekpokwa evushi evuvu ike; obenu lẹ nemadzụ l'onwiya bẹ ike adụdu.”

Matiyu 28:20

Unu zije phẹ g'ẹphe meje iphemiphe, bụ iphe, mu kakọtaru unu g'unu meje. Unu hụma ahụma lẹ mu nọkwa swiru unu mbọku-mbọku jeye teke mgboko a-bvụ.”

Matiyu 5:37

Iphe, unu e-pfuje kpoloko bụepho ‘ee’; ọzoo ‘waawaa’. O -nweru iphe ọzo, i pfuru, 'abụdu opfu labọ ono bụakwaa Obutuswe bẹ o shi l'ẹka.”

Matiyu 6:10

Goshinu l'oo gụbedua bụ eze. G'e meje iphe, dụ ngu l'uche l'eliphe g'eemeje iya l'imigwe.

Jiọnu 17:15

Mu te epfukwaru ngu g'i wofu phẹ lẹ mgboko. Ọ kwa g'i gbobutajẹ phẹ g'ọ tọ dụ iphe, Onye-njọ ono, bụ Obutuswe l'e-me phẹ.

1 Kọrentu 10:13

L'ọ tọ dụkwa ọhutama, byapfutajewaru unu, 'abụdu ẹgube ọhutama, abyapfutajẹkwapho ndu ọzo. Obenu lẹ Chileke bụ onye emeje iphe, ọ sụru l'oo-me. O to kwedu g'a hụa unu ama hụghata iya g'ike unu ha; ọ chia lẹ teke aahụ unu ama ono bẹ oo-goshikwaphọ unu ụzo, unu e-shi nahụ ọhutama ono. Ọo ya bụ g'unu adụ ike tagbua ya lẹ nshi.

1 Kọrentu 14:16

L'ọ -bụru l'ịija Chileke ajaja l'olu Unme-dụ-Nsọ; ?dẹnu g'onye ọzo, nọ l'ẹka ono iphe, iipfu edoduru ẹnya e-me sụ: “Nokwa g'ọ dụ” l'ajaja ịija; eshinu ọ madụ iphe iipfu?

2 Kọrentu 1:20

Ọo ya bụ lẹ Chileke shi l'ẹhu Kéreshi ono emeẹbekota iphemiphe, yẹbe Chileke kweru ukwe iya. Noo g'o gude anyi nọdu eshije iya l'ẹka sụ “Amẹnu”; g'ee-shi nno kwabẹ Chileke ùbvù.

Galeshiya 1:4

bụ onye ono woru onwiya nụ g'e gbua g'ọ bụru ngwẹja, e gude gwefu iphe-ẹji anyi; k'ọphu ọodzota anyi l'ẹka mgboko-a, iphe-ẹji jiru ejiji-a. Iphe ono bụru uche Nna anyi, bụ Chileke bẹ o meru ono.

Ditoronomi 8:16

Mbụ onye bụ iya nụru unu mana l'echiẹgu, bụ nri, nna unu oche phẹ amadụ. Ọ bụru iphe, kparụ iya nụ bụ l'oome g'ọ gọ-zeta unu; hụa unu ama; meeru unu ree l'ikpazụ iya.

Ditoronomi 8:2

Unu nyatakwa gẹ Chipfu, bụ Chileke unu gude dua unu ụkporo apha labọ l'echiẹgu; gude nno gọ-zeta unu; hụkwaapho unu ama; gẹ ya maru iphe, dụ unu l'obu; mbụ gẹ ya maru; ?mẹ unu e-meje-a ekemu iya; tọo unu te emedu?

1 Tesalonayika 1:10

bya awatakwaphọ ele ẹnya Nwa iya ono, e-shi l'imigwe bya ono; mbụ Nwa iya ono bụ Jizọsu, o meru o shi l'ọnwu teta nọdu ndzụ ono. Ọo ya bụ onye l'a-dzọ anyi l'oke-ẹhu-eghu kẹ Chileke, ọ-tukoshi ndu eme iphe-ẹji.

2 Tesalonayika 3:3

Obenu lẹ Nnajịuphu bụ onye apfụshije ike l'iphe, o pfuru. Ọo ya bụ onye e-me g'unu shihu ike; tẹme l'o chekwaphọ unu g'ẹka Onye-Njọ ono te erwu unu l'ẹhu.

1 Timoti 1:17

Sụ-a; gụbe Chileke ono, bụ eze ojejoje; bya abụru onye ta anwụhujedu anwụhu; bya abụru onye ata hụmajedu l'ẹnya; bya abụru ngu bụ Chileke, maru iphe kpoloko; g'a kwabẹ ngu ùbvù; jaa ngu ajaja; jasụ lẹ tuutuutuu lẹ mịimiimii. Nokwa g'ọ dụ bụ ono-o.

Hiburu 11:36

Ọ dụru ndu a harụ chịa ọchi; chia phẹ iphe; tụa phẹ mkpọro; nwuru phẹ ye l'ọka mkpọro.

1 Pyịta 5:8

G'ẹnya doo unu rịsaa g'unu nọdu che nche l'onye ọhogu unu, bụ Nsetanu tsoakwarụ ejephe g'oduma, tsoru aba hanyịhanyi achọ onye ọo-dzụ-gbu lajashịa taa.

2 Pyịta 2:9

Ọniya bụ l'ọ -bụru l'o noo g'ọ dụ bụ ono; ọo ya bụ lẹ Nnajịuphu maru-a g'oo-me dzọo ndu kweru nkiya; maru g'oo-me yeru phẹ ẹka g'ẹphe nahụ iphe-ẹhuka, byapfutaru phẹ nụ; bya amakwarụpho g'oo-shi tuchia ndu iphe-ẹji l'ẹka ẹphe a-nọdu; l'ọ nụa phẹ aphụ k'iphe-ẹji, ẹphe meru; ọ bụru ẹka ono bẹ ẹphe a-nọdu jeye mbọku ikpe.

1 Jiọnu 3:8

Onye eme iphe-ẹji bụ kẹ Obutuswe; kẹle Obutuswe anọduje emeswe Chileke e -shikpọo lẹ mbụ. Iphe, Nwa Chileke byadoru bụkwa g'o mebyia iphe Obutuswe eme emebyi.

Ọphulenya 1:18

Ọo mbẹdua bụ onye ono, shi nwụhu anwụhu; ọle mu nọwaa ndzụ ojejoje nta-a. Nokwa g'ọ dụ. Ọ kwa mu gude ire-igodo ọku-alị-maa mẹ k'anwụhu.

Ọphulenya 19:1

Ono mechaẹpho; mu nụma olu-opfu ndu dụ igwerigwe epfu l'imigwe sụ: “Aliloya! Gẹ ndzọta; mẹ ogbu-nwịinwii; mẹ ọkwabe ùbvù; mẹ ike; bụkwaru kẹ Nnajịuphu anyi, bụ Chileke anyi!

Ọphulenya 19:4

Ụkporo ndu bụ ọgerenya lẹ ndu bụ ọgerenya ẹno phọ; waa iphe ono, nọgbaa ndzụ ono ẹphen'ẹno tụko daa kpurumu baarụ Chileke ẹja; mbụ Chileke ono, nọ l'aba-eze ono. Ẹphe sụ: “Nokwa g'ọ dụ-o. Aliloya!”

Ọphulenya 2:10

Ii byakwa eje iphe-ẹhuka nta-a; ọle ọo gẹ ndzụ ba agụkwa ngu. Unu lekwa; Obutuswe a-hakwaru unu chịta je atụshia mkpọro; g'e shi ẹka ono hụa unu ama. Mbụ l'unu e-je iphe-ẹhuka ujiku iri mkpurophu. Ọle; nọduekwa mu phọ l'ẹka g'ị nọ iya jasụ l'egbua ngu egbugbu; e-mechaa mu ekpube ngu okpu-eze ono, bụ ndzụ.

Ọphulenya 21:4

Oo-hushichaa phẹ ẹnya-mini ẹkwa phẹ. Anwụhu ta adụbaedu; ọphu atsụ aphụ a-dụhedu; ọphu aarahẹdu ẹkwa; ọphu ọ dụedu iphe emebaa nemadzụ ẹhuka; kẹle iphe ono, shi dụkota nụ ono bvụwaru.”

Ọphulenya 3:10

Eshinu unu tarụ nshi ono, bụ iya bụ iphe, mu karụ unu g'unu meje ono; bẹ mbẹdua e-gudeshikwaphọ unu mẹ ọhutama -byaẹpho; mbụ ọhutama ono l'abya l'eliphe l'ophu; g'ọ hụa iphe, bụ ndiphe l'ophu ama ono.

Ọphulenya 3:14

“Waa iphe, ii-de nụ ojozi-imigwe kẹ Chịochi Layodeshiya baa: “Ọwa-a bụ ozi, oozi; mbụ onye ono, ẹpha iya bụ: Nokwa g'ọ dụ”; mbụ onye ono, ọ gbaru kẹ g'e gude ire iya ẹka l'iphemiphe, oopfu ono; bya abụru iya bụ onye pfuru anyi ọkpobe-opfu Chileke; bya abụkwaru iya phọ bụ onye iphemiphe, Chileke meru dobe lẹ mgboko shi l'ẹka.

Ọphulenya 5:13

Mu nụma g'iphe, bụkpoo iphe, Chileke meru dobe l'imigwe; mẹ ọphu, o meru dobe l'eliphe; mẹ ọphu o meru dobe l'ime-alị; mẹkpoo iphe, o meru dobe l'eze-ẹnyimu; tụkoru agụ ebvu asụje: “G'iphe, bụkpoo ọnu-ọma, aagọ agọgo; mẹ ùbvù g'ùbvù ha; mẹ ajaja; mẹ abụ ishi k'iphemiphe tụko bụru kẹ gụbe onye ono, nọ l'aba-eze ono waa gụbe Nwatụru ono jasụ lẹ tuutuutuu lẹ mịimiimii.”