Matiyu 5:8 - BAYỊBURU Izii

⁸ Ẹhu-ụtso bẹ a gọru nụ ndu obu gụru ìphóró; kẹle ẹphe e-mechaa hụma Chileke!

Matiyu 5:8 ပူးပေါင်းရင်းမြစ်များ

Mbụlembu 32:30

Ọo ya bụ; Jiékọpu gụa ẹka ono Peniyẹlu sụ: “Noo lẹ mu hụmaru Chileke iphu l'iphu; bya anọdukwadu ndzụ.”

2 Sámẹlu 22:27

Ndu obu phẹ gụru ìphóró bẹ iidobejeru obu ìphóró. Ị nọdu emejeru ndu doberu ụzo phẹ nggọdogo nggọdogo g'umere phẹ gbaru.

Ebvu-ọma 15:2

Ọo onye enwedu ẹka ụta dụ iya l'ẹhu; bya abụerupho iphe, pfụru ọto bẹ ọonoduje eme; mbụ onye epfuje ire-lanụ, shi iya l'obu;

Ebvu-ọma 18:26

Ndu obu phẹ gụru ìphóró bẹ iidobejeru obu ìphóró. Ị nọdu emejeru ndu doberu ụzo phẹ nggọdogo nggọdogo g'umere phẹ gbaru.

Ebvu-ọma 24:4

Ọo onye ọbochi-ẹka iya labọ adụdu iphe-ẹji, dụ iya nụ; tẹme obu iya gụa ìphóró; onye te ewoduru obu iya ziberu iphe, bụ ụgho; tẹme ọphu ọokpapyabejedu iphe, o meru gụa ẹnwa.

Ebvu-ọma 51:10

Jiko Chileke; menaa g'obu mu gụa mu ìphóró; l'ị nụ mu unme ọphuu, a-nọdu anụru ngu opfu.

Ebvu-ọma 51:6

Iphe, iile ẹnya iya lẹ ndzụ amadụ bụ ire-lanụ. Zinaa mu mmamiphe nkengu.

Ebvu-ọma 73:1

Gẹ mu gbua ya tororo; Chileke dụkwaru ndu Ízurẹlu ree; mbụ ndu ono, obu phẹ gụru ìphóró.

Ẹkwo Ẹtu 22:11

Onye yeru ọkpoma charachara obu; tẹme opfu iya nọdu adụje bẹlebele bẹ e-shita onye eze ọ̀nyà.

Ndu-ishi-ozi 15:9

Ọo iphe anyi bụ bẹ ẹphe bụ l'iphu Chileke; kẹle ọ sashịwaru phẹ iphe-ẹji, ẹphe meru. Iphe, meru g'o gude ọ sashịa phẹ iphe-ẹji ono bụru l'ẹphe kwetarụ.

1 Kọrentu 13:12

Lẹ nta-a bẹ anyi gudekwa onyo aphụ iphemiphe ono inyoki inyoki. O -rwua teke ono bẹ anyi lẹ Kéreshi a-hụmagbabe onwanyi l'iphu l'iphu. Nta-a bẹ mu maru iphemiphe ẹka lanụ ẹka lanụ; o -rwua teke ono bẹ mu a-makọtaru iphemiphe ọkpobe amaru; gẹ Chileke makọtaru mbẹdua nta-a.

2 Kọrentu 7:1

Sụ-a; ndu mu; eshinu Chileke kweru anyi ukwe-iphe dụ ẹgube-a; g'anyi safụkotanu onwanyi iphe, bụkpoo iphe, emerwụ ogwẹhu bya emerwụ obu nemadzụ. G'anyi tsụje Chileke ebvu; g'anyi kukebeje ẹhu bụru ndu dobekọtaru onwanyi iche k'ọphu anyi a-bụkotaru kẹ Chileke ọkpobe abụru; meje iphe, ọ sụru g'anyi meje.

Tayitọsu 1:15

Ndu obu gụru ìphóró bẹ iphemiphe gụru ìphóró. Obenu lẹ ndu merwushiru onwophẹ emerwụshi; mbụ ndu te ekwedu kẹ Kéreshi; ta adụdu iphe, 'abụdu phẹ nsọ nsọ. Ọriri phẹ rwụhuru arwụhu; ọphu ẹjo-iphe awajẹhedu phẹ obu mini.

Hiburu 10:22

bụnu iya bụ g'anyi gude obu anyi g'ọ ha; mbụ obu, kwetashikpọoru ike lẹ Chileke a-nata anyi gude kpịritaru iya ntse. Lẹ Jizọsu gudeakwa mee ya phedzuru obu anyi; k'ọphu bụ l'ọ tọ dụedu g'ọ ka mma l'ọo nwantekuru iphe-ẹji, anmakwadu anyi ikpe l'obu. Anyi dụakwapho gẹ ndu e gudewaa mini, doru edodo saa.

Hiburu 12:14

Unu kukebeje ẹhu meje g'unu l'onyemonye nọdu lẹ nchị odo; unu abụru ndu dụ nsọ; kẹle onye adụdu nsọ ta ayịkwa hụma Nnajịuphu.

Hiburu 9:14

Eshinu ọ dụ nno eviya bẹ mee kẹ Kéreshi l'a-kabakwanụ ere ire. Kéreshi ono shi l'ẹka Unme Chileke, anọ je-adụwaruro ya woru onwiya gweeru Chileke ngwẹja, adụdu ẹka ntụji dụ iya. Mee nkiya ono a-kabakwaanụ asafụ obu anyi g'ọ dụ ree l'iphu Chileke; k'ọphu anyi a-hakwanụ eme iphe, Chileke a-nma anyi ikpe ọnwu; letachia ẹnya l'ozi Chileke, bụ Chileke dzụ ndzụ.

Jiemusu 3:17

Obenu lẹ mmamiphe ọphu shi l'igwe dụebe ree; bya abụru nchi-adụ-doo; bya eme gelee; bya eme ọnu-ụtso; bya aphụ obu-imemini; bya amị ọkpobe mebyi; ọphu ọokpochadu mkpọcha; ọphu ọ bụdu tụko l'ẹhu-atụko-l'obu.

Jiemusu 4:8

Unu kpịritaru Chileke ntse; hụma l'ọo-kpịritakwarupho unu ntse. Unu kwọo onwunu ẹka unubẹ ndu eme iphe-ẹji. Unu sachaa obu unu ree unubẹ ndu abọ obu ẹbo.

1 Pyịta 1:22

Sụ-a; unu anọduje eme iphe, ọkpobe-opfu ono pfuru. Unu shi ẹgube ono safụkota iphe, dụ ẹji lẹ ndzụ unu; k'ọphu bụ l'unu byaru bya eyewa ụnwunna unu obu; ọphu obu ọbu, unu yeru ụnwunna unu ọbu abụkwa tụko-l'ẹhu-atụko-l'obu. Ọo ya bụ; unu ta ahakwa eye nwibe unu obu. Unu kukebejekwa ẹhu gude ọkpoma unu l'ophu yee nwibe unu obu.

Ọphulenya 22:4

Ndu ono, ejeru iya ozi ono a-hụmaje iya l'iphu l'iphu. Ẹpha iya bẹ ee-dechaa phẹ l'egedegee ọnu-iphu.