Matiyu 5:7 - BAYỊBURU Izii

⁷ Ẹhu-ụtso bẹ a gọru nụ ndu nweru obu-imemini; kẹle Chileke a-phụkwaru phẹ phọ obu-imemini!

Matiyu 5:7 ပူးပေါင်းရင်းမြစ်များ

2 Sámẹlu 17:28

vukọo iphe vutaru Dévidi yẹe ndu yẹe ya swị g'ẹphe rije. Iphe, ọ bụ bụru iphe-azẹe; mẹ eze gbamụgbamu; mẹ iphe, a kpụshiru l'ẹja; mẹ witi; mẹ balị; mẹ ereshi, e gwerụ egwegwe; mẹ ọphu a hụru ahụhu; mẹ azamụ; mẹ ọkpa;

2 Sámẹlu 22:26

Ndu yeru ngu obu bẹ iigoshije l'i yeru obu. Ndu dụebe ree bẹ ịiduebejeru ree.

Ebvu-ọma 112:4

Mbụkponu l'ẹka agba ọchii bẹ ìphóró awajẹ g'ẹnyanwu l'ẹhu onye obu iya gụru ìphóró; mbụ onye emeje eze-iphe-ọma; bya abụru onye obu-imemini; bya abụkwarupho onye pfụberekoto l'iphu Chileke.

Ebvu-ọma 112:9

Ọosaje obu iya asasa nụ ndu adụdu g'ọ dụ phẹ iphe. Apfụbekoto nkiya a-nọ jasụ l'ojejoje. Aa-tuli iya ẹka eli gude kwabẹ iya ùbvù.

Ebvu-ọma 18:25

Ndu yeru ngu obu bẹ iigoshije l'i yeru phẹ obu. Ndu dụebe ree bẹ ịiduebejeru ree.

Ebvu-ọma 37:26

Onye pfụberekoto anọduje eme iphe-ọma tekenteke; ọ nọdu ejieje nemadzụ ụgwo. Ee-shi l'ẹhu ụnwu iya kebe ndu ọzo l'ọma.

Ẹkwo Ẹtu 11:17

Onye iphe-ọma bụ onwiya bẹ oome iya edoberu. Onye dụ ẹhuka bụkwanuru iphe-ẹhuka bẹ oometaru onwiya.

Ẹkwo Ẹtu 11:25

Onye eme iphe-ọma bẹ ẹka a-nọdu agba ụpete. Mbụ l'onye agbajẹ nwibe iya mini l'obu bẹ aa-gbakwaphọ mini l'obu.

Ẹkwo Ẹtu 14:21

Onye agụbeduru obutobu iya iphe emekwa iphe-ẹji. Obenu l'a gọru ẹhu-ụtso nụ onye emejeru onye ọ tsụru iphe-ọma.

Ẹkwo Ẹtu 19:17

Onye emeru ndu ụkpa iphe-ọma bụkwa Chipfu bẹ oojie ụgwo. Tẹme ọ bụru Chipfu e-mechaa bua ya nggo iphe, o meru.

Azáya 57:1

Onye pfụberekoto abụjeru; ọ -nwụhu; ọ tọ dụdu onye oorwu l'ẹhu. Teke a kpụtaru onye obu-imemini je egbua; ọ tọ dụdu onye oodo ẹnya. Iphe, te edojedu ẹnya bụru l'edufu ono, e dufuru onye pfụberekoto ono bụ g'ẹjo-ememe te erwu iya ẹka.

Danẹlu 4:27

Ọo ya bụ lẹ-a; gụbe eze; kwekwa nata idzu-a, mu abya achịru yeru ngu-a! Watakwa eme iphe, pfụru nhamụnha gude haa eme iphe-ẹji; l'ị wata emeru ndu aakpa ẹhu ree gude haa ẹjo-iphe, iimegbabẹ. G'a maru ?ẹhu a-dụ ngu guu dụriberu?’ ”

Hosiya 1:6

Goma byakwa atsụta ime ọzo bya anwụa nwa nwanyị. No iya; Chipfu sụ Hosiya: “Iphe, ịi-gụ iya bụ Loruhama; kẹle mu taa phụeduru ndu Ízurẹlu obu-imemini ọzobaa; ọphu mu abyadụ agụru phẹ nvụ.

Hosiya 2:1

“Unu kua ụnwunna unu k'unwoke ‘ndibe Chipfu’; unu ekua ụnwunna unu k'ụnwanyi ‘ndu Chipfu yeru obu.’

Hosiya 2:23

Ọo mbẹdua l'onwomu e-me phẹ; ẹphe angụru angụru l'alị ono. Mu a-wata phẹ aphụru obu-imemini; mbụ ndu ono, mu shi sụ lẹ mu taa phụheduru obu-imemini ono. Mu a-sụ phẹ l'ẹphe bụwaa ndibe mu; mbụ ndu ono, mu shi sụ l'ẹphe taa bụeduru ndibe mu ono. Ẹphebedua a-sụkwanu lẹ mu bụwaa Chileke phẹ.’ ”

Mayịka 6:8

O goshiakwaru gụbe nemadzụ iphe, dụ ree k'ememe. ?Bụkwanu gụnu bụ iphe, Chipfu ele ẹnya iya l'ẹka ngu, abụdu g'i meje umere, pfụru ọto; l'i yee ẹnya l'aphụ obu-imemini; l'i woze onwongu alị; etso Chileke ngu.

Maku 11:25

Ọle unu -nọdu epfu anụ Chileke; ọ -dụru onye mesweru unu; unu nọdu agbaru iya ẹjo egomunggo; unu vuru ụzo gụaru onye ono nvụ; ọo ya bụ; Nna unu, nọ l'imigwe agụkwanaaru unu nvụ l'ọphu unu mesweru iya.

Luku 6:35

Ọ bụchia g'unu yee ọhogu unu obu; mejeru phẹ ree. Unu jieje ụgwo wofu iya ẹnya g'obunggo unu aha shii; tẹme g'unu abụru ụnwu Ọkalibe-kangokọtaru-nụ, bụ Chileke; kẹle ndu ta amadụ iphe-ọma yẹe ndu ẹjo-iphe bẹ Chileke dụchakwaruro odoo.

Romu 11:30

L'unubẹ ndu abụdu ndu Jiu shi bụru ndu te kwejedu eme iphe, Chileke pfuru; obenu lẹ nta-a bẹ Chileke phụru unu obu-imemini opfu lẹ ndu Jiu te ekwejedu eme iphe, o pfuru.

1 Kọrentu 7:25

A bya l'ẹhu k'ụnwanyi, ata alụdu ji mẹ unwoke, ata alụdu nwanyị; ọ tọ dụdu ekemu, mu a-sụ lẹ Nnajịuphu tụru doberu unu. Obenu lẹ mu e-ye ọnu, rwuberu mu nụ; eshinu e shiwaa l'obu-imemini ọphu Chileke aphụru mu; mu bụru onye goshiwaru l'ọ gbaru g'unu gude ire mu ẹka.

2 Kọrentu 4:1

Ọo ya bụ; l'eshinu Chileke phụru anyi obu-imemini bya eworu ozi ono ye anyi l'ẹka bẹ ike ta abyakwa abvụ anyi l'ozi ono.

Efesọsu 4:32

Ọ chia g'unu mejeru nwibe unu odoo; phụjeru phẹ obu-imemini. Unu agụjeru nwibe unu nvụ; ẹgube Chileke shi Kéreshi l'ẹka gụaru unu ono.

Kọlosi 3:12

Unu bụ ụnwu Chileke. O yeru unu obu bya ahọta unu g'unu bụru ndu nkiya. Noo g'o gude unu je aphụjeru nemadzụ obu-imemini; nwejeru obu ọmaa; unu wozeje onwunu alị; meje odoo; unu atajẹru iphe nshi. Unu tụko iphe ono g'ọ hakọta chịta yee g'onye yeru uwe.

1 Timoti 1:13

A makwarụ-a lẹ mu shi anọduje epfutọshi Jizọsu Kéreshi lẹ mbụlembu; shi anọduje achị nta iya; shikwaphọ anọduje eme iya iphe-iphere. Ọle Chileke bẹ phụlekwaru mu-a obu-imemini; kẹle iphemiphe ono, mu shi eme ono bẹ mu shi eme l'amagama. Mu te eshidu kwetawaa teke ono l'ọo Jizọsu bụ Nnajịuphu.

1 Timoti 1:16

Noo g'o gude Jizọsu Kéreshi phụaru mbẹdua obu-imemini bya emee g'ọ bụru l'ẹhu mu bẹ ya e-shi goshi ndu ọzo gẹ ya atabeje nshi shii. Ọo ya bụ lẹ Jizọsu Kéreshi bẹ gude ẹhu mu egoshi ndu ọzo lẹ ya a-gbẹnu dzọo phẹ; nụ phẹ ndzụ ojejoje; o betakpọoru iphe-ẹji phẹ dụ ịdagha; mẹ ọ -bụru l'ẹphe kwetarụ nkiya.

Hiburu 4:16

Ọo ya bụ; g'obu shihu anyi ike g'anyi jerwua aba-eze eze-iphe-ọma ono; k'ọphu a-phụru anyi obu-imemini; l'eemeeru anyi eze-iphe-ọma yejeru anyi ẹka lẹ mkpa.

Hiburu 6:10

Lẹ Chileke ta adụkwa onye oomeje iphe, apfụduru-ọto. Ọ tọo zọhakwa ozi, unu jeru; ọphu ọo-zọhakwa g'unu gude yehawaru ụnwunna ẹka mẹ ọphu unu eyekwaphọ nta. Iphe ono tụkoru egoshi l'unu yeru iya obu.

Jiemusu 2:13

Kẹle onye ta aphụduru onye ọzo obu-imemini bẹ a taa phụkwarupho obu-imemini mẹ e -kpeje ikpe. Obu-imemini atụjeru okoo kpua ikpe!

Jiemusu 3:17

Obenu lẹ mmamiphe ọphu shi l'igwe dụebe ree; bya abụru nchi-adụ-doo; bya eme gelee; bya eme ọnu-ụtso; bya aphụ obu-imemini; bya amị ọkpobe mebyi; ọphu ọokpochadu mkpọcha; ọphu ọ bụdu tụko l'ẹhu-atụko-l'obu.

1 Pyịta 2:10

Ọ dụkwaru teke unu eshidu bụru ndu kẹ Chileke; nta-a bẹ unu bụwaa ndu nkiya. Ete shidu phụaru unu obu-imemini; obenu lẹ nta-a bẹ ọ phụwaru unu obu-imemini.