Matiyu 5:6 - BAYỊBURU Izii

⁶ Ẹhu-ụtso bẹ a gọru nụ ndu ono, apfụbekoto agụje g'ẹgu nri mẹ ẹgu mini ono; kẹle Chileke e-mechaa mee g'ẹpho ji phẹ!

Matiyu 5:6 ပူးပေါင်းရင်းမြစ်များ

Ebvu-ọma 107:9

Kẹle onye mini agụ bẹ oochejije iya ẹpho; l'o gude iphe, dụ ree zụ-jia onye ẹgu agụ ẹpho.

Ebvu-ọma 145:19

Ndu atsụ iya ebvu bẹ oomejeru iphe, agụ phẹ nụ; tẹme ọ nọdu anụmaje mkpu, ẹphe echi je adzọta phẹ.

Ebvu-ọma 17:15

Obenu lẹ mbẹdua bẹ e-gude apfụbekoto hụma iphu ngu. Mu -tehuẹpho bẹ ẹhu-ụtso e-ji mu obu; noo kẹle mu a-hụma ụgbugba ngu.

Ebvu-ọma 63:5

Obu mu bẹ ẹpho e-ji g'onye riru nri, e gude ẹba-anụ; waa ụmi ọkpu iya shia. Ọnu mu e-gudekwanụ ebvu ẹhu-ụtso, dụ mu l'ogbogboromọnu tua ngu ẹpha.

Ebvu-ọma 65:4

Ẹhu-ụtso bẹ a gọru nụ onye ono, ị họtaru dokube onwongu Gẹ gụ l'iya nọdu l'ibe ngu. Iphe, dụ ree, nọ l'ibe ngu ejije anyi ẹpho; mbụ iphe, dụ ree, nọ l'eze-ụlo ngu, dụ nsọ.

Ebvu-ọma 84:2

Ọogushi obu mu ike; mbụ lẹ meji atọfuakwa mu atọfu ẹka ọogu mu anọdu l'eze-ụlo Chipfu. Obu mu; m'ogwẹhu mu l'ophu ara araku Chileke ono, dzụ ndzụ ono.

Ẹkwo Ẹtu 10:24

Iphe, onye ẹjo-iphe atsụ ebvu; a -nọnyaa o mee ya; e-mekọta iya kpamu. Iphe, agụkwanu onye pfụberekoto g'e meeru iya bẹ ee-mekọtaru iya.

Ẹkwo Ẹtu 21:21

Onye achị nta apfụbekoto yẹe nta n-yemobu l'achọtaje ndzụ. L'ọokpaa ẹku bya abụru onye akwabẹ ùbvù.

Ebvu Sólomọnu 5:1

Gụbe nwanyị, mu lụru k'ọ̀phúú; bya abụru nwune mu; mu bataakwaru lẹ mgbabu mu ono. Mu hekọakwaru ụ̀nwù mẹru mu; mẹwaro ụ̀nwù ọzo, eshigbaa kwẹekweekwee. Mu riakwaru manụ-ẹnwu mu; yẹe ẹbakala iya. Mẹe mu; yẹe mini ẹra-eswi mu bẹ mu ngụakwaru. Unu ria ngụa; unubẹ ndu ọ̀nyà! Unu ngụa ngụta ike unu; unubẹ ndu yeru onwunu obu!

Azáya 25:6

Ọo l'eli úbvú-a bẹ Chipfu, bụ Ọkalibe-Kakọta-Ike a-nọdu kua ndiphe l'ophu oku iphe-eriri, tsụru ẹba; gaarụ phẹ mẹe ndiche; mbụ shiaru phẹ anụ, bụ anụ, ụmi jiru ejiji; yẹe mẹe, doru ẹrwu.

Azáya 41:17

“Ndu ụkpa mẹ ndu adụdu g'ọ dụ phẹ achọ mini angụngu. Ọphu ọ dụdu ọphu ẹphe hụmaru. Ire nọdu atụ phẹ hẹehee l'ẹka mini agụ phẹ. Ọle ọ bụ-a mbẹdua, bụ Chipfu a-za phẹ ẹnu. Mbụ lẹ mbẹdua, bụ Chileke ndu Ízurẹlu taa hadụ phẹ.

Azáya 44:3

Mu a-gba mini l'alị, ẹgu mini agụ. Mbụ lẹ mu e-woru ọ-sọ-gborogboro mini wụa l'alị, kpọhuru jegiri-jegiri. Awa ngu bẹ mu a-wụ Unme nkemu. Mu abya awụa iphe-ọma, shi mu l'ẹka l'ẹhu ndu bụ oshilọkpa ngu.

Azáya 65:13

Ọo ya bụ lẹ-a; wakwa iphe, Nnajịuphu, bụ Chipfu epfu baa: “Ndu ejeru mu ozi e-rikwa nri; unubẹdua aswịru ẹgu. Ndu ejeru mu ozi angụa iphe-angụngu; unubẹdua akpọhu ọnu nkụ. Ndu ejeru mu ozi e-tekwa ẹswa; unubẹdua abụru ndu e meru iphe-iphere kpua.

Azáya 66:11

kẹle unu a-ngu ẹra ngu-jia ẹpho l'ẹra iya ono, bụ ẹra ndumobu ono. Unu a-ngụkpoo ya mịa ya pyọpyopyo l'ọ tsọo unu ụtso; kẹle ọo-nọdu agbọ kẹ jọjojo.

Jieremaya 31:25

Kẹle onye ike bvụru bẹ ee-me-a g'ẹpho ji; mu emee iphe, bụkpoo onye rwụhuru arwụhu g'ọ rọkota ike.”

Luku 1:53

Ndu ẹgu agụ bẹ oogudeje iphe, dụ ree zụ-jia ẹpho; l'ọ sụ ndu nweru iphe g'ẹphe gbaru ẹka laa.

Luku 6:21

Ẹhu-ụtso bẹ a gọru nụ unubẹ ndu ẹgu agụ nta; kẹle ẹpho e-ji unu. Ẹhu-ụtso bẹ a gọru nụ unubẹ ndu akwa ẹkwa nta; kẹle unu a-chịa ọchi.

Luku 6:25

Nshịo unubẹ ndu ẹpho jiru nta-a; kẹle ẹgu a-gụ unu. Nshịo unubẹ ndu achị ọchi nta; kẹle unu a-kwa ẹkwa gụa aphụ.

Jiọnu 4:14

Obenu l'onye ngụru mini ọphu mbẹdua nụru iya bẹ mini ta ayịdu gụbaa jasụ lẹ tuutuutuu lẹ mịimiimii. Noo lẹ mini ọphu mu a-nụ onye ono a-dụwa iya rọ l'ẹhu bụru iya ishi nggele, a-nọduje anwụshi mini, anụje ndzụ ojejoje.”

Jiọnu 6:27

Sụ-a; ọphu g'unu te segbushihẹ onwunu l'akanya nri ọphu bụ ọla-l'iswi. Unu sejechia akanya nri ọphu a-nọdu anụje unu ndzụ ojejoje, bụ iya bụ nri ọphu Abụbu-Ndiphe a-nụ unu; kẹle ọ kwa yẹbedua bẹ Chileke, bụ Nna meru g'e shije l'ẹka iya hụma ike, egoshi l'onoo iphe, yẹbe Nna gude sụ gẹ ya bya.”

Jiọnu 7:37

O beẹpho lẹ mbọku agba l'upfu ọha, bụ iya bụ mbọku, kachaa mkpa l'ọbo-iphe ọbu; Jizọsu gbalihu pfụru apfụru raa ya arara sụ: “Onye mini agụ g'onye ono byapfuta mu gẹ mu kee ya mini g'ọ ngụa.

Ọphulenya 7:16

Ẹgu taa gụbaedu phẹ; ọphu mini agụbaedu phẹ. Anwụ te echihẹdu phẹ; ọphu okpomọku adụedu phẹ.