Matiyu 5:5 - BAYỊBURU Izii

⁵ Ẹhu-ụtso bẹ a gọru nụ ndu dụ àgù; kẹle ọo phẹ l'e-mechaa nweru mgboko.

Matiyu 5:5 ပူးပေါင်းရင်းမြစ်များ

Ebvu-ọma 147:6

Ọo Chipfu gude ndzụ ndu wozeru onwophẹ alị; obenu lẹ ndu ẹjo-iphe bẹ oochitajẹ tụa l'alị.

Ebvu-ọma 149:4

noo kẹle Chipfu bẹ ndibe iya dụ l'obu. Ndu wozeru onwophẹ alị bẹ ookpubeje ndzọta g'okpu-eze.

Ebvu-ọma 22:26

Ndu ụkpa bẹ ẹpho e-ji. Ndu achọ Chipfu ajaa ya ajaja. “Gẹ ndzụ unu bụru ojejoje.”

Ebvu-ọma 25:13

Onye ono bẹ iphe a-nọdu adụru lẹ ree mkpụrumkpuru. Ọ bụru oshilọkpa iya e-nweru alị ono.

Ebvu-ọma 25:9

Ndu wozeru onwophẹ alị l'iphu iya bẹ ọonoduje edu g'ẹphe mee iphe, pfụru nhamụnha. Ọ nọdu anọduje ezi phẹ ụzo iya.

Ebvu-ọma 37:11

Ọo ndu dụ àgù bẹ mgboko-a a-bụru nkephẹ; tẹme ẹphe enweru ẹhu-guu; nweru iya k'etsutsu iya.

Ebvu-ọma 37:22

Ọo ndu Chipfu gọru ọnu-ọma nụ e-nweru mgboko-a; obenu lẹ ndu ọ tụkwanuru ọnu bẹ a-chịhu nụ.

Ebvu-ọma 37:29

Ndu pfụberekoto e-mechaa nweru alị-a; buru iya jasụ lẹ tuutuutuu lẹ mịimiimii.

Ebvu-ọma 37:34

Nọdukpoepho kwabẹru Chipfu; tsoje ụzo iya! Ọo ya e-kutse ngu mee ngu l'i nworu alị-a. Ii-gude ẹnya ngu hụma teke ee-me gẹ ndu ẹjo-iphe chịhu.

Ebvu-ọma 37:9

Kẹle ndu anọduje eme ẹjo-ememe bẹ ee-me g'ẹphe chịhu; obenu l'ọo ndu daru ngabẹru Chipfu bẹ e-nweru mgboko.

Ebvu-ọma 69:32

Ndu wozeru onwophẹ alị hụmae ya phọ; ẹhu atsọo phẹ ụtso. G'obu unubẹ ndu achọ Chileke nọdukwa ndzụ!

Azáya 11:4

Ọ chia iphe, meru nụ bụ l'oo-kpeje ndu adụdu g'ọ dụ phẹ ikpe, pfụru ọto. Ọ bụru ikpe, pfụru nhamụnha bẹ oo-gudeje kpebua ikpe ndu ụkpa l'eliphe-a. Eliphe l'ophu bẹ oo-gude mgbọro, dụ iya l'ọnu chia gbaagbaa. Ọ bụru unme, ọ tụru atụtu bẹ oo-gude phụa ndu ẹjo-iphe tẹerii.

Azáya 29:19

Ndu wozeru onwophẹ alị bẹ a-nọdu l'ẹka Chipfu ẹhu atsọ phẹ ụtso. Mbụ lẹ ndu adụdu g'ọ dụ phẹ a-nọdu l'ime Onye Nsọ kẹ ndu Ízurẹlu ete ẹswa.

Azáya 60:21

Noo teke ndibe ngu l'ophu a-bụkotaru ndu pfụberekoto. Ẹphe enweru alị ono jasụ l'ojejoje. Mbụ-a; ọ kwa ẹphebedua bụ irwu oshi ono, mu dzabẹru ono; mbụ ozi, mu gude ẹka mu jee; g'e gude hụma gẹ mu dụ-be akpabiri.

Azáya 61:1

Unme Nnajịuphu, bụ Chipfu dụ mu l'ẹhu; kẹle ọ họtaru mu gẹ mu je ezia ndu wozeru onwophẹ alị ozi-ọma. Ndu meji tọfuru bẹ o ziru mu gẹ mu je emee gẹ meji nmapfuru phẹ; gẹ mu je ezia ndu a kpụtaru lẹ ndzụ l'ẹphe e-nweru onwophẹ. Mu epfukwarụpho ndu nọ l'ọka-mkpọro l'aa-ha phẹ.

Zefanaya 2:3

Unu chọo Chipfu; iphe, bụ unubẹ ndu wozeru onwunu alị l'alị-a; mbụ unubẹ ndu emeje iphe, ọ tụru ekemu sụ g'e meje; unu chọkwaa apfụbekoto; unu ewoze onwunu alị; ?a maru; Chipfu e-domi unu; m'o -rwua mbọku ono, ẹhu e-ghu iya eghu ono.

Ọ́gú 12:3

Sụ-a; nwoke ono, bụ Mósisu bẹ bụnukaru onye eme odoo. Ọo ya kachakpọo eme odoo l'iphe, bụ ndu mgboko l'ophu.

Matiyu 11:29

Unu bya evuta ivu, shi mu l'ẹka; g'unu anwụta mu iphe l'ẹka; kẹle mu eme gelee bya abụru onye wozetaru obu alị. Mu e-mekwa gẹ meji nmapfuru unu.

Matiyu 21:5

“Unu karụ Jierúsalẹmu g'o lenu: L'onye bụru iya eze abyapfutaakwaa ya. L'o wozetaru onwiya alị nọdu l'eli nkapfụ-ịgara agba abya; mbụ l'eli nwa nkapfụ-ịgara ọbu.”

Romu 4:13

Chileke kweru Ébirihamu yẹe awa iya ukwe-iphe sụ phẹ: l'ọo phẹ e-nweru mgboko. Ọ tọ bụkwa lẹ Ébirihamu meru iphe, ekemu pfuru meru iphe, o gude kwe iya ukwe-iphe ono. Ọ kwa l'o kweru kẹ Chileke meru iphe, Chileke gụru iya ya l'apfụbekoto.

Galeshiya 5:23

eme gelee; mẹ esede onwonye. Ọ tọ dụdu ekemu, a tụru swibe ndu k'ono.

Efesọsu 4:2

Unu wozejekwa onwunu alị; unu emeje gelee bya abụru ndu atajẹru iphe nshi; ndu atagbuje iphe nwibe unu meru unu lẹ nshi; gude ẹgube ono goshi l'unu yeru nwibe unu obu.

Kọlosi 3:12

Unu bụ ụnwu Chileke. O yeru unu obu bya ahọta unu g'unu bụru ndu nkiya. Noo g'o gude unu je aphụjeru nemadzụ obu-imemini; nwejeru obu ọmaa; unu wozeje onwunu alị; meje odoo; unu atajẹru iphe nshi. Unu tụko iphe ono g'ọ hakọta chịta yee g'onye yeru uwe.

1 Timoti 6:11

Ọle-a; gụbedua, bụ onye kẹ Chileke-a; gbalakwaaru ẹgube iphe ono g'ọ ha; kukebe ẹhu bụru onye pfụberekoto; akwabẹ Chileke ùbvù; nweru ekweta; yẹe n-yemobu; mẹ nshirima; yẹe eme odoo.

2 Timoti 2:25

Ọ bụfutaje onye ewozeje onwiya alị; akpọ-ziru ndu agbajẹ iya opfu agbagba ụzo. Kẹle o nweru g'oo-me Chileke agbẹ yeru phẹ ẹka; izimanụ ẹjo-iphe ono alwa phẹ azụ; ẹphe alwapfuta Chileke; ẹphe abya amakọtaru ọkpobe-opfu onoya.

Tayitọsu 3:2

G'ọ tọ dụkwa onye ẹphe e-pfujeru ẹjo opfu; g'ẹphe ta aswọjekwa ụswo; g'ẹphe bụchiaru ndu dụ àgù; ẹphe emejeru onyemonye odoo.

Jiemusu 1:21

Ọo ya bụ; unu tọfu onwunu iphe, bụkpoo umere, l'eshi ishi; waa iphe, bụkpoo iphe-ashị; jia obu oyi; nata opfu ono, a kụru l'ime ọkpoma unu ono, bụ iya l'a-dụ ike dzọo unu ono.

Jiemusu 3:13

?Ọ dụru onye arị lẹ ya maru iphe; nweru uche g'unu ha? Onye ono goshiẹshikwa iya l'eme umere ọma; waa l'eme gelee ọphu shi lẹ mmamiphe.

1 Pyịta 3:15

Iphe, unu e-mejechia bụ g'unu gudeje obu unu g'ọ ha kwabẹje Kéreshi, bụ Nnajịuphu unu ùbvù; gude goshi iya l'ọo ya bụ Nnajịuphu unu. Unu kwagebejẹpho akwagebe tekenteke k'ọphu bụ l'ọ -dụru onye jịru unu k'iphe ono, unu ele ẹnya iya ono; unu eyeeru iya ọkpobe ọnu; goshi iya iphe, meru g'o gude unu nọdu ele ẹnya iphe ono, unu ele ẹnya iya ono.

1 Pyịta 3:4

G'ọ bụjechiaru g'unu e-me dozirwee ime ọkpoma unu g'ọ tọ bụru ẹka retọshihuru eretọshihu; g'ọ bụru omemma k'eme odoo yẹe eji obu oyi. Iphemiphe ono bẹ tụkokwaru bụkotaru iphe, aswa parụ ẹka l'ẹnya kẹ Chileke.