Matiyu 5:4 - BAYỊBURU Izii

⁴ Ẹhu-ụtso bẹ a gọru nụ ndu aphụ byaru; Kẹle Chileke e-mechakwaa dụa phẹ obu!

Matiyu 5:4 ပူးပေါင်းရင်းမြစ်များ

Azáya 12:1

Sụ-a; mbọku ono bẹ ịi-sụ: “Mu e-kele ngu ekele gụbe Chipfu; kẹle mu shi mee; ẹhu nọdu eghu ngu eghu. Ọle nta-a bẹ ẹhu-eghu ngu jizetawaru; ị bya awata mu adụ obu.

Azáya 25:8

L'o mebyia ọnwu lwụa ya ree jasụ l'ojejoje. Mbụ lẹ Nnajịuphu, bụ Chipfu l'e-hushi onyemonye ẹnya-mini l'ẹnya. Iphe-iphere ono, e shi eme ndibe iya ono bẹ oo-me g'ọ bvụkota l'eliphe mgburugburu; kẹle ọo iphe ono bẹ Chipfu pfuru.

Azáya 30:19

Sụ-a; unubẹ ndu Zayọnu; mbụ unubẹ ndu bu lẹ Jierúsalẹmu; unu a-kwata ẹkwa gberuma. Oo-mekwarụ unu eze-iphe-ọma; mẹ unu raa ẹkwa raku iya! Ọo ẹpho anụma, ọonuma iya; l'ọ za unu ẹnu.

Azáya 35:10

Mbụ lẹ ndu ono, Chipfu pfụru aswa phẹ ono a-lwa. Ẹphe agụru ebvu lwatashịa Zayọnu. Ẹphe ekpuru ẹhu-ụtso ojejoje g'onye kpu okpu eze. Ete ẹswa yẹe ẹhu-ụtso atụko phẹ ẹhu sweta. Aphụ yẹe atsụ ude agbaa ọso gbalaa.

Azáya 57:18

“Mu hụmaakwaru iphe, ẹphe emeje. Ọle mu e-me g'ẹphe wekọrohu. Mu e-du phẹ l'onwomu mee g'obu nmapfuru phẹ.

Azáya 66:10

G'ẹhu tụko unu lẹ Jierúsalẹmu tsọo ụtso! G'unu gude Jierúsalẹmu tee ẹswa; iphe, bụkpoo unubẹ ndu yeru iya obu! G'ẹhu tsọshikpoo unu l'iya ike; mbụ unubẹ ndu rarụ iya ẹkwa;

Azáya 66:2

?Tọbudu mbẹdua gude ẹka mu mee iphemiphe ono g'ọ ha meru g'o gude ẹphe dụ?” Nokwa iphe, Chipfu eepfu. “Wakwa ẹgube onye mu a-gụbe iphe baa: onye wozeru onwiya alị; yẹle onye obu iya dụ àgù; onye anụmaje opfu mu; ndzụ erwuta iya.

Ezekẹlu 7:16

Ndu phọduru nụ bẹ a-gbaru lachaa l'úbvú je anọdugbaa kpọyoo gẹ ndo, nọ lẹ nsụda; onyenọnu a-nọdu l'ẹka ono ara ẹkwa ẹjo-iphe, o mekọtaru.

Ezekẹlu 9:4

sụ iya: “Je etsoru mkpụkpu Jierúsalẹmu l'ophu jegbabẹ. Ndu agụ aphụ bya ara ẹkwa k'ẹbyi ono, emegbabẹ l'ime mkpụkpu ono bẹ ii-me iphe-ọhubama l'egedegee ọnu-iphu.”

Zekaraya 12:10

“Ọzo bụ lẹ mu e-woru unme k'eze-iphe-ọma; yẹle unme k'arwọ arwọ; wụa l'ọnu-ụlo Dévidi; mu awụa ya l'ẹhu ndu bu lẹ Jierúsalẹmu. Ọ bụru mụbe onye ono, ẹphe bvukashịru ọ́nyá ono bẹ ẹphe a-nọdu ele ẹnya l'ẹka; tẹme ẹphe araa ẹkwa mu g'onye ara ẹkwa nwa, bụ iya nwa lanụ; l'oorwua phẹ l'ẹhu shingushingu g'oorwuje onye ara ẹkwa nwa, bụ ọkpara iya.

Luku 16:25

Ébirihamu sụ iya: ‘Nwa mu; nyatakwa lẹ gụbedua teke ị nọ ndzụ bẹ ị natakọtaru iphe, dụ ree nkengu; nokwaphọ gẹ Lazarọsu natakọtaru ẹjo-iphe teke ono. Nta-a bẹ ẹhu dụwaa iya guu; gụbedua nọdukwanu lẹ mkpamẹhu.

Luku 6:21

Ẹhu-ụtso bẹ a gọru nụ unubẹ ndu ẹgu agụ nta; kẹle ẹpho e-ji unu. Ẹhu-ụtso bẹ a gọru nụ unubẹ ndu akwa ẹkwa nta; kẹle unu a-chịa ọchi.

Luku 6:25

Nshịo unubẹ ndu ẹpho jiru nta-a; kẹle ẹgu a-gụ unu. Nshịo unubẹ ndu achị ọchi nta; kẹle unu a-kwa ẹkwa gụa aphụ.

Luku 7:38

gude bya apfụru iya lẹ mgboru ọkpa; wata akwashị ẹnya-mini. Ọ nọdu akwashị Jizọsu ẹnya-mini l'ọkpa bya egude ẹgbushi, nọ iya l'ishi gude ehucha iya ya; etsutsu iya ọnu l'ọkpa bya eworu manụ ono, eshi mkpọ ono wụa ya ya.

Luku 7:50

Ọ sụ nwanyị ono: “Ekweta, i kwetarụ nkemu dzọwaru ngu. Laa l'ẹhu-guu.”

Jiemusu 1:12

Ẹhu-ụtso bẹ a gọru nụ onye tarụ nshi l'ọhutama; kẹle teke a hụcharu iya ama ọbu; ọphu ọ daduru bẹ ee-kpube iya okpu-eze, bụ iya bụ ndzụ; bụru obunggo, Chileke sụru lẹ ya e-bu ndu yeru iya obu.

Ọphulenya 21:4

Oo-hushichaa phẹ ẹnya-mini ẹkwa phẹ. Anwụhu ta adụbaedu; ọphu atsụ aphụ a-dụhedu; ọphu aarahẹdu ẹkwa; ọphu ọ dụedu iphe emebaa nemadzụ ẹhuka; kẹle iphe ono, shi dụkota nụ ono bvụwaru.”