Matiyu 5:39 - BAYỊBURU Izii

³⁹ Obenu lẹ mu epfuru unu sụ: onye meru ngu ẹjo-iphe; te ejekwa iya emelata. Onye chiru ngu ẹka l'agbagba-nchị ẹkutara; ghafụaru iya nchị ẹkicha.

Matiyu 5:39 ပူးပေါင်းရင်းမြစ်များ

1 Ndu eze 22:24

Tọbudu iya bụ; Zedekaya nwa Kenana je erepyaa Mayịkaya ẹka l'upfuru nchị; sụ: “?Dẹnu gẹ Unme Chipfu shi lụfu mu l'ẹhu; bya epfuru yeru ngu?”

Jiobu 16:10

Ndiphe anọduje ebvu mu ọnu l'ẹhu. Tẹme ẹphe nọdu anọduje echi mu ẹka lẹ nchị gude eme mu iphe-iphere; mbụ tụgba nanụ g'ẹphe kpọnyia mu ẹnya.

Ẹkwo Ẹtu 20:22

B'asụkwa l'ọo gụbedua l'a-pfụ nemadzụ ụgwo iphe-ẹji, o meru ngu. Nọdu kwabẹru Chipfu; l'ọo ya a-dzọ ngu.

Ẹkwo Ẹtu 24:29

B'asụkwa l'ii-melata iya iphe, o meru ngu; l'ịi-pfụ nwoke ono ụgwo iphe, o meru.

Azáya 50:6

Mu woru okpurukpu mu doberu ndu echi mu iphe; bya eworu agba mu doberu ndu pheshiru mu ẹ́jí-agba. Ọphu mu ewohaduru iphu mu g'a ta chị mu ọchi ọphu a gbụ mu iya ọnu-mini.

Ebvu Aphụ 3:30

G'o dobe upfuru-nchị iya g'onye echi iya ẹka chita ike iya; Ọ haa g'e gude iphe-iphere nụ-jia ya ẹpho.

Ndu Uke 19:18

Te emelatajẹkwa iphe, ụnwu ndibe unu meru ngu; ọphu ọ dụkwa onye ọphu ii-vujeru aphụ l'obu. Ọ chịa g'i yee nemadzụ ibe ngu obu g'i yeru onwongu. Ọ kwa mbẹdua bụ Chipfu.

Mayịka 5:1

“Sụ-a; unu chịkobe onwunu nọo l'ophere l'ophere; unubẹ mkpụkpu ono, ikpoto nemadzụ nọ ono; kẹle ndu ọhogu unu nọ-pheakwaru unu anọ-phe. Onye-ishi Ízurẹlu bẹ ẹphe e-chikwa mgbọro l'asha kẹ kpoo.

Matiyu 5:40

Teke ọ bụ l'o nweru onye jeru je agbaarụ ngu ẹkwo l'ụlo-ikpe gẹ ya nata ngu nggafụ-ẹka, i yeru l'ime ẹhu; haa ya g'ọ natafụa ngu uwe ẹhu ngu.

Luku 22:64

Ẹphe kechia ya ẹkwa l'ẹnya echi iya ẹka lẹ nchị asụje iya: “Pfunaa mpfuchiru ọbu!”

Luku 6:7

Ndu ezije ekemu waa ndu Fárisii geahaa Jizọsu ngge g'a maẹshikwaru: ?l'oo-me g'ẹhu dụ nemadzụ ike l'eswe-atụta-unme; g'ẹphe achọkwanaa ọphu ẹphe a-sụ l'o meru.

Jiọnu 18:23

Jizọsu sụ iya: “Teke ọ bụ l'ọ dụru iphe, dụ ẹji, mu pfuru; pfunaa ya. Teke ọdumeka; ọ -bụru lẹ mu pfuru-a iphe, pfụru ọto; ?ọ nwụru ịnwagha bẹ iichihụnu mu ẹka?”

1 Kọrentu 6:7

Agba ẹkwo ono, unu anọduje agbaru nwibe unu ono bụakwaa iphe, dụ ẹji bẹ unu anọduje emeta ekpu onwunu. O shitachia ono; ?bụ gụnu kparụ iphe, unu ta adụjedu ike taa nshi mẹ e -mee unu ẹji? ?Tọ kachidaa ree g'ọ bụchiaru l'ọo unubẹdua bẹ onye ọzo gbẹchia gude ụgho emekputa?

1 Tesalonayika 5:15

Unu letajẹ ẹnya g'ọ tọ dụ g'unu ha onye e-gudeje ẹjo-iphe melata nemadzụ iphe-ẹji, o meru iya. Gbahaa iphe, unu a-nọdujeepho achị nta iya bụ g'unu e-shi mejeru nwibe unu ree; mekwaaru iya phọ onyemonye ọzo.

Hiburu 12:4

L'ọgu, unu l'iphe-ẹji alwụ bẹ unu teke alwụ-rwukwa k'ọphu unu a-lwụ iya nwụhu.

Jiemusu 5:6

Unu nmarụ ndu pfụberekoto ikpe; gbua phẹ; l'ẹbe abụ l'ọ dụru iphe, ẹphe akpọshijehawaa unu ememe.

1 Pyịta 3:9

Onye -meru unu ẹji; unu te egudejekwa eme ẹji pfụa ya ụgwo iya. Onye -phuru unu iphu; unu te ephulatajẹkwa. Ọ chikwaa iphe, unu e-mejechia bụ g'unu gọjechiaru ọnu-ọma nụ onye ọbu. L'iphe, Chileke kudoru unu oku iya bụkwa gẹ ya gọru ọnu-ọma nụ unu.