Matiyu 5:3 - BAYỊBURU Izii

³ “Ẹhu-ụtso bẹ a gọru nụ ndu wozetaru onwophẹ alị l'iphu Chileke; kẹle ẹka Chileke bụ eze bụ nkephẹ!

Matiyu 5:3 ပူးပေါင်းရင်းမြစ်များ

2 Iphe, ndu eze meru 33:12

Iphe ono tsụjee ya phọ l'ẹhu; ọ chọahaa g'oo-shi tụba Chipfu, bụ Chileke iya l'ẹnya; ọ kwata wozeta onwiya alị l'iphu Chileke kẹ nna iya phẹ.

2 Iphe, ndu eze meru 33:19

Epfupfu, o pfuru nụ Chileke; mẹ g'iphe, ọ rwọru gude rwua Chileke l'ẹhu; mẹkpoo iphe-ẹji, o meshiru; je akpaa lẹ ndzụ ghẹlegheleghele, dụ iya l'ẹhu; mẹkpoo ẹka ọ kpụshiru, aagwajẹ iphe; m'ẹka o doberu itso Ashera mẹ ntẹkpe; tẹme o wozetajẹ onwiya alị; bẹ e dekọtaru l'ẹkwo-akọ onye aphụje ọphulenya, bụ Hozayi.

2 Iphe, ndu eze meru 33:23

O to wozeduru onwiya alị l'iphu Chipfu ẹgube nna iya, bụ Manásẹ wozetaru onwiya. Amọnu bụepho ikpe bẹ oomekọ ekpu onwiya.

2 Iphe, ndu eze meru 34:27

bẹ eshi ọphu iphe ono rwuru ngu l'obu; ị bya ewozeta onwongu alị l'iphu Chileke teke ono, ị nụmaru iphe, mu pfuru lẹ k'ẹka-a; mẹ ndu bu iya nụ; mbụ eshi ọphu i gude k'iphe ono wozeta onwongu alị l'iphu mu; bya agbajashịa uwe ngu; raa ẹkwa l'iphu mu; bẹ mu nụmawaru iphe, i pfuru. Noo iphe, Chipfu pfuru bụ ono.

2 Iphe, ndu eze meru 7:14

ọ -bụru lẹ ndibe mu ono, bụ ndu eeku ẹpha ala l'ẹpha mu ono; wozetaru onwophẹ alị; pfuru nụ mu; chọo atatiphu mu; bya adakọbe haa ẹjo-ememe, ẹphe eme; bẹ mu e-shikwa l'imigwe nụma epfupfu, ẹphe epfu anụ mu; gụaru phẹ nvụ l'iphe-ẹji phẹ; mee g'alị phẹ dụ iche.

Jiobu 42:6

Noo g'o gude mu lawarọ onwomu ashị. Izimanụ lwawaru mu azụ. Wakwa mu l'ophu l'ime urwuku yẹle ime ntụ.

Ebvu-ọma 1:1

Ẹhu-ụtso bẹ a gọru nụ onye ono, yẹe ndu ẹjo-iphe ta achịdu idzu lanụ; ọphu ooshiswetajẹdu ụzo ndu iphe-ẹji; ọphu ọ nọdujedu l'ẹka ndu epfubyishi kẹ Chileke nọ;

Ebvu-ọma 112:1

G'ajaja bụru kẹ Chipfu. Ẹhu-ụtso bẹ a gọru nụ onye atsụ Chipfu ebvu; onye ekemu iya atsọshije ụtso ike.

Ebvu-ọma 128:1

Ẹhu-ụtso bẹ a gọru nụ iphe, bụkpoo ndu atsụ Chipfu ebvu; mbụ ndu bụ ụzo iya bẹ ẹphe etso.

Ebvu-ọma 146:5

Ẹhu-ụtso bẹ a gọru nụ onye bụ Chileke kẹ Jiékọpu bẹ eyejerụ iya ẹka; mbụ onye bụ ẹka obu iya adụje bụ lẹ Chipfu, bụ Chileke iya;

Ebvu-ọma 2:12

Unu phozeta tsutsua Nwa iya ọbu ọnu l'ọkpa. A nọnyaa ẹhu wata iya eghu eghu; o mee g'unu bụru mkpurupyata lẹ gbororo; kẹle ọ kwa nwiphe, ha nwanshịi bẹ akpatsuje iya ẹhu-eghu. Ẹhu-ụtso bẹ a gọru nụ ndu gbapfuru iya nụ; je anọdu iya l'ẹka zee ndzụ.

Ebvu-ọma 34:18

Chipfu anọ-kubeje ndu mee ala l'opfuru. Ndu eswe bụ ẹnyashi bẹ ọodzofutaje.

Ebvu-ọma 41:1

Ẹhu-ụtso bẹ a gọru nụ onye anọduje eyeru ndu ụkpa ẹka; kẹle Chipfu a-dzọta iya mẹ ọ -nọdu eje iphe-ẹhuka.

Ebvu-ọma 51:17

Kẹle ngwẹja ọphu Chileke anatajẹ bụ aphụ-eji-obu. Onye aphụ jiru obu l'iphe o meru; izimanụ lwa iya azụ bẹ gụbe Chileke ta anmajẹkwa phulaphula.

Ebvu-ọma 84:12

Gụbe Chipfu, bụ Ọkalibe-Kakọta-Ike; ẹhu-ụtso bẹ a gọru nụ onye dakoberu ngu nụ.

Ẹkwo Ẹtu 16:19

Ọ kakwa mma l'ị bụ onye wozeru onwiya alị; ị yịru lẹ ndu dụ àgù; eme l'unu lẹ ndu eku onwophẹ swị tụko eke iphe, unu kwatarụ l'ọkwata.

Ẹkwo Ẹtu 29:23

Amadụ -kuahaa onwiya; l'o woze iya alị. Obenu l'onye wozeru onwiya alị bẹ aakwabẹje ùbvù shii.

Ẹkwo Ẹtu 8:32

Ọo ya bụ; unubẹ ụnwu mu; unu ngabẹnuru mụbe mmamiphe nchị. Ẹhu-ụtso bẹ a gọru nụ onye etso ụzo mu.

Azáya 30:18

Ọle ọo-nọdulekwa-a agụ Chipfu g'o meeru unu eze-iphe-ọma. Ọo-gbalihulẹ-a phụaru unu obu-imemini; kẹle Chipfu bụ Chileke, ekpeje ikpe, pfụru nhamụnha. Ẹhu-ụtso bẹ a gọru nụ iphe, bụkpoo ndu pfụru echeru iya nụ.

Azáya 57:15

Kẹle-a; wakwa iphe, onye ono epfu; mbụ onye ono, ha shii; tẹme e kutsee ya ephekerephe; mbụ onye ono, nọ ndzụ ojejoje; onye ẹpha iya dụ nsọ: “Ẹka mu bu bụkwa ẹka dụ l'eli bya abụru ẹka dụ nsọ. Tẹme mu bukwarụpho l'ẹka o bu; mbụ onye izimanụ iphe-ẹji iya lwarụ azụ; bya ewoze onwiya alị; gẹ mu mee g'obu gụ-zeta onye wozeru onwiya alị; mu emekwaphọ g'obu gụ-zeta onye izimanụ iphe-ẹji iya lwarụ azụ.

Azáya 61:1

Unme Nnajịuphu, bụ Chipfu dụ mu l'ẹhu; kẹle ọ họtaru mu gẹ mu je ezia ndu wozeru onwophẹ alị ozi-ọma. Ndu meji tọfuru bẹ o ziru mu gẹ mu je emee gẹ meji nmapfuru phẹ; gẹ mu je ezia ndu a kpụtaru lẹ ndzụ l'ẹphe e-nweru onwophẹ. Mu epfukwarụpho ndu nọ l'ọka-mkpọro l'aa-ha phẹ.

Azáya 66:2

?Tọbudu mbẹdua gude ẹka mu mee iphemiphe ono g'ọ ha meru g'o gude ẹphe dụ?” Nokwa iphe, Chipfu eepfu. “Wakwa ẹgube onye mu a-gụbe iphe baa: onye wozeru onwiya alị; yẹle onye obu iya dụ àgù; onye anụmaje opfu mu; ndzụ erwuta iya.

Mayịka 6:8

O goshiakwaru gụbe nemadzụ iphe, dụ ree k'ememe. ?Bụkwanu gụnu bụ iphe, Chipfu ele ẹnya iya l'ẹka ngu, abụdu g'i meje umere, pfụru ọto; l'i yee ẹnya l'aphụ obu-imemini; l'i woze onwongu alị; etso Chileke ngu.

Matiyu 11:25

Lẹ teke ono kwaphọ bẹ Jizọsu yeru ọnu sụ: “Mu ekele ngu ekele Nna, bụ Nnajị igwe yẹe alị; l'i domiru iphe-a gẹ ndu kwarụ ẹnya waa ndu mmamiphe ta amaru iya; i woru iya goshichia ndu bụ ụnwegirima.

Matiyu 11:6

Sụ-a; ẹhu-ụtso bẹ a gọru nụ onye ono, mu taa bụduru ụpfu dụ iya l'ọkpa.”

Matiyu 13:16

“Sụ-a; ẹhu-ụtso bẹ a gọru nụ unu; opfu l'unu dụru ike gude ẹnya unu hụma ụzo; gude nchị unu nụma iphe.

Matiyu 19:14

Jizọsu sụ phẹ: “Unu hakwaa ụnwegirima g'ẹphe byapfuta mu. Unu ta akpọshishi phẹ abyabya; kẹle ọ bụ ndu dụ nno bẹ ẹka Chileke bụ eze bụ nkephẹ.”

Matiyu 24:46

Ẹhu-ụtso bẹ a gọru nụ nwozi ono mẹ ọ -bụru lẹ nnajịuphu iya a-lwa bya ahụma l'oome iphe ono, e ziru iya ono.

Matiyu 25:34

Noo teke eze ono a-sụ ndu k'ono, nọ iya l'ụzo ẹkutara ono: ‘Unu bya; unubẹ ndu Nna mu gọru ọnu-ọma nụ. Unu bya enweru mgboko ọ̀phúú ono, Chileke kwakọbehawaruro unu e -shi teke o meru mgboko ono.

Matiyu 3:2

“G'izimanụ iphe-ẹji unu lwa unu azụ g'unu ghaa umere lwapfuta Chileke lẹ Chileke abyaakwaa egoshi lẹ ya bụ eze.”

Matiyu 8:11

Iphe, mu epfuru unu bụ l'aa-dụ igwe shi l'ụzo ẹnyanwu-awawa mẹ l'ụzo ẹnyanwu-arịba bya; ẹphe lẹ Ébirihamu; waa Áyizaku; waa Jiékọpu anọdu ria nri l'ẹka Chileke bụ eze.

Maku 10:14

Jizọsu hụma iya; ẹhu ghuahaa ya eghu. Ọ sụ phẹ: “Unu hakwaa ụnwegirima g'ẹphe byapfuta mu. Unu ta akpọshikwa phẹ abyabya; kẹle ọ bụ ndu dụ nno bẹ ẹka Chileke bụ eze bụ nkephẹ.

Luku 11:28

Ọ sụ iya: “Ẹhu-ụtso bẹ gọchiaru nụ ndu anụmaje opfu Chileke bya eme iya ememe!”

Luku 18:14

Sụ-a; gẹ mu kakwaru unu; onye ana akịriko ono byakwaru ala ibe iya; Chileke gụwa iya l'onye pfụberekoto; haa onye ọphuu; kẹle onyemonye, l'ekuli onwiya eli bẹ ee-kuzeta alị; onye kuzetakwanụru onwiya alị bẹ ee-kuli eli.”

Luku 22:29

k'ọphu bụ l'ọ bụepho gẹ Nna mu meru mu eze bụ gẹ mu eme unu eze;

Luku 22:30

gẹ mu l'unu eria ngụa; l'ẹka mu bụ eze; unu anọdugbaa l'aba-eze; kpee ọkpa-ipfu Ízurẹlu iri l'ẹbo ono ikpe.”

Luku 4:18

“Unme Nnajịuphu dụ mu l'ẹhu; kẹle ọ họtaru mu gẹ mu je ezia ndu ụkpa ozi-ọma. O ziru mu gẹ mu je ezia ndu a kpụtaru lẹ ndzụ l'aa-ha phẹ; Mu eje emee ndu atsụ ishi g'ẹphe phụahaa ụzo. Mu eje emee ndu aakpa ẹhu g'ẹphe nweru onwophẹ.

Jiọnu 20:29

Jizọsu sụ iya: “Bụna-a l'ọo l'ị hụmaru mu meru iphe, i kwetarụ. Ẹhu-ụtso bẹ a gọru nụ ndu ahụmaduru l'ẹnya bya ekwetaẹla-a.”

Ditoronomi 8:2

Unu nyatakwa gẹ Chipfu, bụ Chileke unu gude dua unu ụkporo apha labọ l'echiẹgu; gude nno gọ-zeta unu; hụkwaapho unu ama; gẹ ya maru iphe, dụ unu l'obu; mbụ gẹ ya maru; ?mẹ unu e-meje-a ekemu iya; tọo unu te emedu?

Jiemusu 1:10

Nokwaphọ g'onye ọphu nweru iphe e-tu onwiya ẹpha l'ẹnya lwarụ iya; kẹle oo-mechaa rifu g'okoko ẹswa;

Jiemusu 1:12

Ẹhu-ụtso bẹ a gọru nụ onye tarụ nshi l'ọhutama; kẹle teke a hụcharu iya ama ọbu; ọphu ọ daduru bẹ ee-kpube iya okpu-eze, bụ iya bụ ndzụ; bụru obunggo, Chileke sụru lẹ ya e-bu ndu yeru iya obu.

Jiemusu 2:5

Unu ngabẹkpodapho nchị; ụnwunna mu, mu yeru obu. ?Tọ bụdu ndu ụkpa lẹ mgboko-a bẹ Chileke họtaru g'ẹphe bụru ndu shi l'ekweta, ẹphe kwetarụ nweru iphe l'iphu Chileke; bụkwarupho ndu e-nweru ẹka ọ bụ eze, bụ iphe, ọ sụru lẹ ya a-nụ ndu yeru iya obu-a.

Ọphulenya 19:9

Tọbudu iya bụ; ojozi-imigwe ono sụ mu: “Dee iphe-a l'ẹkwo: ‘Ẹhu-ụtso bẹ a gọru nụ ndu ono, e kuru g'ẹphe yịru lẹ ndu e-ri nri, e gude eme ẹswa nwanyị ono, Nwatụru Chileke ono eje alụlu onoya.’ ” O pfuchaa nno bya asụ mu: “Opfu ono bụkwa Chileke gude ọnu iya pfua ya.”

Ọphulenya 22:14

Ẹhu-ụtso, bẹ a gọru nụ ndu asajẹ awurukpata uwe phẹ l'ọocha kẹ pemu pemu; kẹle ọo phẹ bẹ ee-kwe g'ẹphe wọtaje akpụru, oshi ono, anụje ndzụ ojejoje ono mịtaru; rije. Ọ bụru phẹ bẹ ee-kwe g'ẹphe shi l'ọnu-ụzo bahụ l'ime mkpụkpu ono, Chileke nọ ono.

Ọphulenya 3:17

L'unu anọduje aba abaa enweru iphe; l'iphe akabẹ kweru unu; l'ọ tọ dụkpodaa iphe ụko iya dụru unu. Nshịo unu; unu ta amadurọ l'unu dụ k'ayọru ọshi; l'unu akpa nri; unu nọdu atsụ ishi bya agbakwarụ phọ ọto.