Matiyu 5:25 - BAYỊBURU Izii

²⁵ “Teke onye gbaru ngu ẹkwo kpụ ngu eje l'ụlo-ikpe; kukebe ẹhu mee gẹ gụ l'iya doshia ya ẹgwegwa teke unu nọkwadu l'etsuzọ; g'ọ tọ bụ: unu -rwua l'ọ kpụru ngu nụ onye-ikpe; onye-ikpe akpụru ngu nụ ọgbogu; ọgbogu eje eworu ngu tụa mkpọro.

Matiyu 5:25 ပူးပေါင်းရင်းမြစ်များ

Jiobu 22:21

Sụ-a; woduruphọ onwongu sẹe asẹe l'ẹka Chileke; k'ọphu gụ l'iya a-dụ lẹ ree. Ọo ya bụ g'oojehuru ngu.

Ebvu-ọma 32:6

Ọo ya bụ; g'iphe, bụkpoo ndu eme iphe, dụ gụbe Chileke ree pfujeru nụ ngu teke ẹphe nọ lẹ mkpa; g'ọo-bụru teke Eze Ẹnyimu iphe-ẹhuka ono byaẹrupho g'utso; o too rwudu phẹ l'ẹhu.

Ẹkwo Ẹtu 25:8

B'egudekwa k'iphe, ị hụmaru l'ẹnya keta ọso jeshia l'ụlo-ikpe. Lẹ-a; ?ii-mekwanụ iya ime-agha l'ikpazụ iya; mẹ e -mechaa; nemadzụ ibe ngu pfuru iphe-iphere kpua ngu?

Matiyu 26:58

Pyịta gbẹ ụzenya etso iya azụ azụ jasụ ẹphe bahụ ibe onye-ishi ndu-ishi uke Chileke ono. Ọ bya abahụ bya eje anọ-kube ndu nche; chịru ẹnya ye gẹ ya hụmakpoo iphe, a-bụru ishi iya.

Luku 18:3

Ọ dụkwarupho nwanyị, ji iya anọedu ndzụ, bukwaphọ l'ime mkpụkpu ono. Nwanyị ono nọdu ejepfuje onye-ikpe ono tekenteke je anọdu arwọ iya sụ iya jiko g'o kpefuta iya l'ẹka onye opfu iya.

2 Kọrentu 6:2

L'ọ sụkwaru: “Teke ọ gbaru l'angabẹ nchị bẹ mu ngabẹru ngu nchị. O rwua l'eswe ndzọta; mu dzọo ngu.” Gẹ mu kakwaru unu; ọ kwa nta bụ eswe eze-iphe-ọma kẹ Chileke. Ọ kwa ntanụ bụ eswe ndzọta.

Hiburu 12:17

L'unu maanarụ-a l'e mechaarụ; ọ chọahaa gẹ nna iya gọoru iya ọnu-ọma. A sụ iya l'ọ gbawaru iya l'azụ; kẹle ọ tọ dụedu g'ooshikwadu emezi iphe, o mebyihawaru. Tọbudu iya bụ; o gude ẹnya-mini ẹkwa chọo ọnu-ọma nna iya onoya; ọphu ọ dụdu.

Hiburu 3:13

Ọ chia iphe, unu a-nọdu eme bụ g'unu pfushijeru nwibe unu opfu ike mbọku-mbọku, a gbẹshikpowaru kua “Ntanụa” g'ẹphe haa iphe-ẹji g'ọ tọ dụ onye iphe-ẹji e-dephu.

Hiburu 3:7

Unme-dụ-Nsọ pfukwaru sụ: “Teke unu nụmaru olu iya ntanụ-a;