Matiyu 4:7 - BAYỊBURU Izii

⁷ Jizọsu sụkwanu iya: “Obenu l'e dekwaru iya phọ l'ẹkwo-opfu Chileke sụ: ‘Ta ahụkwa Nnajịuphu, bụ Chileke ngu ama.’ ”

Matiyu 4:7 ပူးပေါင်းရင်းမြစ်များ

Ebvu-ọma 106:14

Ẹphe rwua l'echiẹgu ono; ẹphe wata eme iphe, agụ phẹ nụ; mbụ ọ bụru l'alị ono, dabyiru mgbegere ono bẹ ẹphe hụru Chileke ama.

Ebvu-ọma 78:18

Ẹphe lekebekpọo ẹnya wata ahụ Chileke ama; mbụ kebekpọepho g'ọ nụ-dzujeru phẹ ụdu nri, agụ phẹ nụ.

Ebvu-ọma 78:41

Tekenteke kpọo bẹ ẹphe shi anọduje ahụ Chileke ama. Ẹphe shi anọduje eme Onye dụ Nsọ kẹ ndu Ízurẹlu iphe ẹhu-eghu.

Ebvu-ọma 78:56

Ọle ẹphe mechaẹleru-a hụa Chileke ama; bya ekwefụru Ọkalibe-kakọta-shii ike; mekọta iphe, bụkpoo iphe, ọ sụru g'ẹphe te emejeshi.

Ebvu-ọma 95:9

mbụ ẹka ono, ndiche unu phẹ nọru hụa yẹbe Chileke ama bya adalekwaa ya phọ adale; l'ẹka ẹphe gudechaa ẹnya phẹ hụma iphe, ya meru.

Awụfu 17:2

Ọo ya bụ; ẹphe baaharụ Mósisu mba sụ: “Nụ anyi mini g'anyi ngụa!” Mósisu sụ: “?Bụ gụnu bẹ unu abarụ mu mba? ?Bụ gụnu kparụ iphe unu ahụ Chipfu ama?”

Awụfu 17:7

Ọ bya agụa ẹka ono “Masa”; gụkwaa ya phọ “Meriba”; noo kẹle ndu Ízurẹlu barụ mba; bya ahụa Chipfu ama; sụ: “?Chipfu nọa l'echilabọ anyi tọo tọ nọdu iya?”

Azáya 8:20

Tụbe nvọ l'ekemu; yẹle iphe, mu karụ g'e meje. Ọ -bụru l'ẹphe te epfudu akụnyabe opfu ono; ọo ya bụ l'ẹphe taa ahụmadu ìphóró nchi-abọhu.

Malakayi 3:15

Lẹ nta-a bụchikwanu ndu anyi kuru ndu iphe kweru bụ ndu eku onwophẹ. Mbụ l'ọ tọ bụledu-a lẹ ndu ẹjo-iphe aba yooyooyoo; obenu l'ọobujeru; ẹphe -hụchaa Chileke ama; ọ tọ dụdu iphe, oo-me phẹ.’ ”

Ọ́gú 14:22

bẹ ndu-a, gudewaa ẹnya phẹ hụma ọdu-biribiri mu-a; mẹ iphe-ọhumalenya ono, mu meshiru l'alị Ijiputu ono; mẹ ọphu mu meshiru l'echiẹgu; mbụ ndu ono, mecharu dale mu adale mgbo iri ono; ọphu ẹphe angaduru mu nchị ono;

Matiyu 21:16

Ẹphe sụ iya: “?Ọ kwa l'ịinu-a iphe, ndu ono ara?” Jizọsu sụ phẹ: “Ee! ?Unu teke agụ-rwuswee ẹka ono, e deru l'ẹkwo-opfu Chileke sụ: ‘Ọo l'ọnu ndu bụ ụnwegirima mẹ ndu angụ ẹra bẹ ee-shi aja ngu ọkpobe ajaja.’ ”

Matiyu 21:42

Jizọsu sụ phẹ: “Unu teke agụ-swee iphe, e deru l'ẹkwo-opfu Chileke sụ: “Mkpuma, ndu akpụ ụlo jịkaru; mechaarụ bya abụru mkpuma, gudeshi ụlo. Ono bụru iphe, Nnajịuphu anyi meru; ọ dụ anyi biribiri l'ẹnya.”

Matiyu 4:10

Tọbudu iya bụ; Jizọsu kweẹpho doo bya asụ iya: “Gbẹshi l'ẹka ono Nsetanu; l'ẹkwo-opfu Chileke sụkwaru: ‘Ọo Nnajịuphu, bụ Chileke ngu bụ onye ịi-barụ ẹja; tẹme ọ bụru iya kpụrumu bụ onye ịi-nọdu ejeru ozi.’ ”

Matiyu 4:4

Jizọsu sụkwanu iya: “Ẹkwo-opfu Chileke sụkwaru: ‘Ọ tọ bụdu nri kpụrumu bẹ amadụ e-gude nọdu ndzụ. Ọ kwa iphe, bụkpoo opfu, shi Chileke l'ọnu.’ ”

Luku 4:12

Jizọsu sụkwanu iya: “Ẹkwo-opfu Chileke sụru-a; g'ị tị hụkwa Nnajịuphu, bụ Chileke ngu ama.”

Ndu-ishi-ozi 15:10

Sụ-a; ?bụ gụnu meru iphe, unu eme g'unu hụa Chileke ama sụ g'ẹphe meje iphe, ekemu pfuru? Eme ẹgube ono bụkwa ivu-ẹrwa bẹ unu ebo phẹ; mbụ ivu-ẹrwa, anyi adụdu ike vua; ọphu nna anyi oche phẹ adụdu ike vua ya.

Ndu-ishi-ozi 5:9

Pyịta sụ iya: “?Bụ gụnu meru g'o gude gụ lẹ ji ngu chịa ìdzù g'unu hụa Unme Chileke ama? Lekwa ndu jeru eli ji ngu alwaphọ. Ọo phẹ a-pafụfukwa ngu phọ.”

1 Kọrentu 10:9

Ọphu anyi ahụkwa Nnajịuphu ama, bụ iya bụ g'ẹphe harụ hụa ya teke ndiche ono; agwọ tagbushia phẹ.

Ditoronomi 6:16

“Unu ta ahụkwa Chipfu, bụ Chileke unu ama; ẹgube ono, unu hụru iya ya lẹ Masa.

Hiburu 3:9

Ọ bụru l'ẹka ono bẹ ndiche unu phẹ nọru hụa mu ama; bya adalekwaa mu phọ adale; l'ẹka ẹphe hụmakwaru-a iphe, mu meru l'ime ụkporo apha labọ.