Matiyu 3:10 - BAYỊBURU Izii

¹⁰ Mbụ lẹ nta-a bẹ a dabẹakwaru ogbunkụ l'ọgbarabvu iphe, bụkpoo oshi. Oshi ọphu amịduru mebyi, dụ ree; l'ee-gbutsua ya chie l'ọku.

Matiyu 3:10 ပူးပေါင်းရင်းမြစ်များ

2 Sámẹlu 23:7

Onye edenyi ẹka l'obvu ono gudefụtaje iphe-ígwè ọzoo oshi arwa; ọ bụru ọku bẹ aakpọkotaje iya l'ẹka ọ wụshiru.”

Ebvu-ọma 1:3

Onye ono dụ g'oshi, e yeru l'agụga nggele; ọ nọdu amị mebyi l'orwuberu iya; ọphu ẹkwo iya anwụlwashihujedu anwụlwashihu. Iphe, bụkpoo iphemiphe, oome abụjeeru iya phọ ụpete.

Ebvu-ọma 140:10

G'icheku-ọku, ata pfụpfupfu bụkwaru iphe, aa-zụbe phẹ l'ishi. G'a pakwarụ phẹ chie echie l'ọku, enwu phoophoophoo; mbụ l'ime nsụ, ẹphe ta abyadụ afụtaba afụta.

Ebvu-ọma 92:12

Ndu pfụberekoto a-nọdu aja ajaja gẹ mpfụ. Ẹphe a-nọdu evu evuvu g'oshi sida k'úbvú úbvú Lébanọnu,

Azáya 27:11

Teke ẹkali iya ono kpọhuru nkụ l'eegbushia ya. Ụnwanyi abya evuta iya jeye l'ọku; kẹle ndu-a bụ ndu enwedu egomunggo. Ọ bụru iphe ono meru g'o gude ọphu imemini phẹ adụdu onye meru phẹ nụ; mbụ ọphu ọ dụdu iphe-ọma, oo-meru phẹ mẹ ililekpọo.

Azáya 61:3

Tẹme mu eyekwarụpho ndu Zayọnu ẹka; mbụ ndu ọphu aphụ tsọru. Mu eworu ẹguru okpu-eze kpube phẹ l'ishi l'ọzori ntụ, ẹphe shi kpube onwophẹ; wụa phẹ manụ ẹhu-ụtso; l'ọzori agụ aphụ; yee phẹ uwe, bụ aja Chileke ajaja; l'ọzori anọdu yọkoo. Iphe, aa-nọdu eku phẹ abụru “Achị k'apfụbekoto”; Oshi, Chipfu kụru l'onwiya g'e gude hụma g'ọ dụ-be akpabiri.

Jieremaya 17:8

Onye ono a-dụ g'oshi, e yeru l'agụga mini, chịru ọgbarabvu iya ye lẹ nggele. Ọphu ndzụ agụjedu iya mẹ anwụ nọdu echi; ẹkwo iya anọdujeepho eji hirihiri tekenteke. Ọphu ọoyojedu ọshi mẹ ọkpa-nri dụ; ọphu ọ dụdu teke ọ tọ nọdujedu amị mebyi.

Danẹlu 4:14

Ọ raa ya arara rashịa ya ike sụ: “Gbutsua oshi ono egbutsu; kọshia ya ẹkali. Chishia ya ẹkwo; tụkashia akpụru iya nanụnanu. G'anụ, kụru iya lẹ mkpula wụkashihukwa; ẹnu, bugbaa ya l'ime ephekashịhukwapho!

Malakayi 4:1

Chipfu, bụ Ọkalibe-Kakọta-Ike eepfu sụa: “Unu hụmakwa! Ọ dụkwaru eswe mbọku, l'a-bya nụ. Mbọku ono a-ta pfụpfupfu g'ọku-ụzu. Ndu eku onwophẹ yẹle iphe, bụkpoo ndu eme ẹjo-iphe mgburugburu bẹ ọku a-vụ l'ọgbarabvu mbọku ono kee phẹ kee ẹkali phẹ.

Matiyu 21:19

Ọ hụma oshi figu, nọ l'agụga gbororo bya akpọ-kube iya. O rwua l'ẹka ọ nọ; ọphu ọ dụdu mebyi, ọ hụmaru iya ilile; gbahaa ikpuchi. Ọ sụ oshi figu ono: “Ị tị byadu amịbaa mebyi lẹ mgboko-a jasụwaruro ya.” G'e jia epfua; oshi ono nwụkotaanaa lwaa.

Matiyu 7:19

Iphe, bụkpoo oshi, taa mịdu mebyi, dụ ree bẹ ee-gbutsu egbutsu parụ chie l'ọku.

Luku 23:31

Lẹ-a; leanarọ g'e meru oshi-oyii; akakakwanụ oshi, ọkponku.”

Luku 3:9

Mbụ lẹ nta-a bẹ a dabẹakwaru ogbunkụ l'upfu iphe, bụkpoo oshi. Oshi ọphu amịduru mebyi, dụ ree; l'e gbutsua ya chie l'ọku.”

Jiọnu 15:2

Iphe, bụkpoo ẹkali, kapfụru mu l'ẹhu, bụ ndu ọphu ta amịdu mebyi bẹ ọo-kwashikwa. Ẹkali ọphu amịje mebyi bẹ ọonoduje akọcha akọcha ree g'ọokabaa amịmi.

Jiọnu 15:6

Onye bụ onye ta anọpyabeduru mu l'ime bẹ ee-tuphakwa g'ẹkali-oshi, a kọfuru akọfu; l'ọ kpọshihu nkụ; l'a chịru iya ye l'ọku; g'ọku kepyashịa.

Hiburu 12:25

Ọo ya bụ g'unu kwabẹ ẹnya g'unu ta jịka angabẹru onye ono, epfu opfu onoya nchị. L'eshinu ndiche anyi phẹ anahụduru ikpe Chileke; opfu l'ẹphe te eyeduru ọnu l'iphe ono, a lọru phẹ ẹka lẹ nchị lẹ mgboko-a bẹ anyịbedua taa nahụkwa mẹ ọ -bụru l'anyi jịkaru onye ono, nọ l'imigwe alọ anyi ẹka lẹ nchị onoya.

Hiburu 6:8

Obenu l'alị ọphu bụepho ẹwu-óbvú yẹe ọgarambo bẹ efu iya nụ bụ mkpọkoro alị. Alị k'ono phọduru nwanshịi; Chileke atụa ya ọnu. Ee-mechaa; ọoburu ọku, e-tsufu iya.