Matiyu 28:3 - BAYỊBURU Izii

³ Ụgbugba iya nọdu egbu nwịinwii g'ebemu-igwe. Uwe iya nọdu acha pemu pemu g'aka-mini-sunoo.

Matiyu 28:3 ပူးပေါင်းရင်းမြစ်များ

Ebvu-ọma 104:4

I meru phẹrephere; ọ bụru onye-ozi ngu; bya emee onwu-phuruphuru-ọku; ọ bụru onye iizije ozi.

Danẹlu 7:9

“Mu nọdu elekpọekwapho ẹnya: “A bya eworu aba-eze bvube. Onye ono, bụ O-shi-l'ichee bya asụgaru iya. Uwe iya nọdu acha pemu pemu g'aka-mini-sunoo. Ẹgbushi, nọ iya l'ishi nọdu acha phuuphuu g'ẹ́jí atụru ọchaa. Ọku nọdu enwu phoophoophoo l'aba-eze iya ono. Mbụ ọkpa aba-eze ono bụkotaru ọku, enwu enwunwu.

Matiyu 17:2

Chileke gbanwee ụgbugba iya l'atatiphu phẹ. Iphu iya gbuahaa nwịinwii g'ẹnyanwu. Uwe iya chaahaa kẹ phuuphuu g'anwụ eswe.

Matiyu 28:4

Ndu nche ono tsụhu iya ebvu; phụkota kpaakpaakpaa; dabyichaẹrupho gẹ ndu nwụhuru anwụhu.

Maku 16:5

Ẹphe kwoba l'ime ilu ono; bya ahụma nwokorọbya, nọ phẹ l'ẹkutara, yeru kpowula-kpowula uwe ọchaa. Ọ dụ phẹ biribiri; ndzụ gụahaa phẹ.

Maku 9:3

Uwe iya chaahaa kẹ phuuphuu g'eberugo; k'ọphu ọ dụkpodaa onye asa uwe lẹ mgboko-a, l'asa iya ẹgube ono.

Jiọnu 20:12

bya ahụma ojozi-imigwe labọ, yegbaaru uwe ọchaa nọdu anọo l'ẹka ono, e shi nyebe odzu Jizọsu ono. Onye lanụ nọdu l'ụzo ishi; onye ọphuu nọdu l'ụzo ọkpa.

Ndu-ishi-ozi 1:10

Ẹphe nọdu elekpọekwapho ẹnya l'akpaminigwe l'ẹka ono g'o mihuchaaru. Unwoke labọ, yeru uwe ọchaa bya bya apfụ-kube phẹ;

Ọphulenya 10:1

Tọbudu iya bụ; mu hụma ojozi-imigwe lanụ, e yeru ike, ha shii l'ẹka g'o shi l'igwe alwazeta lẹ mgboko; urwukpu sọ-phee ya mgburugburu. Ẹko-mini gbaa ya l'ishi. Iphu nọdu egbu iya nwịinwii g'ẹnyanwu. Ọkpa iya ẹphenebo dụgbaa g'ọku, kpụru oronmono g'òbvúrú.

Ọphulenya 18:1

E mechaa; mu bya ahụma ojozi-imigwe ọzo, shi l'igwe phezeta. Ọ bụru iya bẹ Chileke yeru ike parụ ẹka l'ẹka. Ogbu-nwịinwii ya tụko mgboko l'ophu ngaa.