Matiyu 26:52 - BAYỊBURU Izii

⁵² Jizọsu sụ iya: “Mị-phu mma ngu azụ l'ọbo iya; kẹle onyemonye, bụ o-gbu-mma l'a-la lẹ mma.

Matiyu 26:52 ပူးပေါင်းရင်းမြစ်များ

Mbụlembu 9:6

“Onye gburu nemadzụ bụkwapho nemadzụ bẹ e-gbu yẹbedua. Noo kẹle Chileke meru nemadzụ; ọ dụ g'ọ dụ.

Ebvu-ọma 55:23

Obenu l'ọo gụbedua, bụ Chileke l'e-duru ndu ẹjo-iphe duba l'ime ilu; ẹka ẹphe a-nọdu rekashịhu. Ndu egbu ọchi waa ndu ntuphu-ire bẹ i tii kwedu g'ẹphe kpọo ụpfu l'eliphe-a. Obenu lẹ mbẹdua bụ ngu bẹ mu dakoberu.

Awụfu 21:12

“Onye chiru nemadzụ iphe chigbua ya; g'ọ lakwaa l'ọchi iya.

Matiyu 5:39

Obenu lẹ mu epfuru unu sụ: onye meru ngu ẹjo-iphe; te ejekwa iya emelata. Onye chiru ngu ẹka l'agbagba-nchị ẹkutara; ghafụaru iya nchị ẹkicha.

Romu 12:19

Ndu mu yeru obu; unu te emelatajẹkwa ụgwo iphe, e meru unu. Unu hajẹkwa gẹ Chileke gude oke-ẹhu-eghu iya melata onye ono. L'e dekwaru l'ẹkwo-opfu Chileke sụ: “Emelata bụkwa mu bẹ ọ dụru; ọ bụru mu l'a-pfụ ụgwo.” Noo iphe, Nnajịuphu eepfu.

1 Tesalonayika 5:15

Unu letajẹ ẹnya g'ọ tọ dụ g'unu ha onye e-gudeje ẹjo-iphe melata nemadzụ iphe-ẹji, o meru iya. Gbahaa iphe, unu a-nọdujeepho achị nta iya bụ g'unu e-shi mejeru nwibe unu ree; mekwaaru iya phọ onyemonye ọzo.

1 Pyịta 3:9

Onye -meru unu ẹji; unu te egudejekwa eme ẹji pfụa ya ụgwo iya. Onye -phuru unu iphu; unu te ephulatajẹkwa. Ọ chikwaa iphe, unu e-mejechia bụ g'unu gọjechiaru ọnu-ọma nụ onye ọbu. L'iphe, Chileke kudoru unu oku iya bụkwa gẹ ya gọru ọnu-ọma nụ unu.

Ọphulenya 13:10

Ọ kwa onyemonye, aa-kpụ lẹ ndzụ bẹ a-kpụ lẹ ndzụ. Onye ee-gbu lẹ mma bẹ e gbufutajẹkwa lẹ mma. Ọ kwa iya bụ lẹ ndu-nsọ gbaru g'ẹphe bụru ndu a-ta nshi nọdu Chileke l'ẹka nọshia ya ike.

Ọphulenya 16:6

Lẹ ndiphe ono, bụ phẹ gbushiru ndu-nsọ bya egbushia ndu mpfuchiru ngu l'echilabọ phẹ ono; mbụ gbushia phẹ ghakaa mee phẹ ono bẹ i cheakwarụpho mee; ẹphe ngụa. Iphe ono, i meru ndiphe ono bụru iphe, gbaru phẹ nụ bụ onoya.”