Matiyu 26:23 - BAYỊBURU Izii

²³ Ọ sụ phẹ: “Ọo onye mu l'iya eye ẹka l'ochi lanụ-a bụ onye ọbu, e-deru mu ye ọbu.

Matiyu 26:23 ပူးပေါင်းရင်းမြစ်များ

Ebvu-ọma 41:9

Mbụ je akpachaa l'onye mu l'iya eshi ọkpobe eshishi; bya abụru onye mu dakoberu; mbụ l'onye mu l'iya erigbajẹ nri gbẹchaakwa eme iphe, a-tsụru mu nụ.

Ẹkwo Ẹtu 19:24

Onye ẹnyiru abụjeru; o -je etsuta nri; ẹka akwaa ya l'ochi. Ọ tọ dụedu ike apali iya eye l'ọnu.

Matiyu 26:22

Ọ kwata rwua phẹ l'ẹhu; aphụ ji phẹ obu. Ẹphe jịahaa ya nanụ nanụ sụ: “Nnajịuphu; ?bụ mbẹdua tọo mbẹdua?”

Luku 22:21

“Ọle-a; unu lekwa l'onye e-deru mu ye l'ẹka ndiphe bẹ mu l'iya tụkokwaru eri nri l'ẹka-a.

Jiọnu 13:18

“Ọ tọ bụkwa unu g'unu ha bẹ mu epfu opfu-a anụ. Mu makọtakwaru gẹ ndu mu họtaru gbaru. Ọle iphe, e deru l'ẹkwo-opfu Chileke vụfutajenupho g'e deru iya, bụ iya bụ iphe, sụru: ‘Ọ kwa onye ono, mu l'iya rigbaaru nri; mechaarụ bya emeahaa iphe, a-tsụru mu nụ.’