Matiyu 22:7 - BAYỊBURU Izii

⁷ Eze ono nụmaepho iphe, meru nụ; ẹhu ghua ya ntụmatu. Ọ bya ezia ndu ojọgu iya; ẹphe je emegbushia ndu ono egbuje nemadzụ ono bya atụa ọku lẹ mkpụkpu phẹ; ọku tsufu iya.

Matiyu 22:7 ပူးပေါင်းရင်းမြစ်များ

Danẹlu 9:26

Teke ugbo ẹsaa ẹsaa ugbo ụkporo ẹto l'ẹbo ono bvụerupho; l'e gbua Onye ono, a wụru manụ l'ishi ono; ọ tọo dụedu iphe, oo-nwekwadụru. Ndibe onye-ishi ono, a-bya nụ ono; abya emebyishia mkpụkpu ono; yẹe ụlo ono, dụ nsọ ono. Ọ bụru teke ono bẹ mbọku ikpazụ ono a-bya g'utso. Aa-lwụepho ọgu jasụ l'ikpazụ; mbụ l'ọla-l'iswi bẹ a tụ-buwaru dobe l'ọo-dụ.

Jiowẹlu 2:11

Chipfu nọdu l'iphu ndu ojọgu iya ede ririri. Ndu alwụru iya ọgu bụ agụta agụta. Tẹme ndu ono, emeje iphe, ọ sụru g'e mee ono paa ọkpehu. Mbọku kẹ Chipfu pakwarụ ẹka bya adụ ebvu. ?Bụ onye a-dụ ike tapyabẹ iya lẹ nshi?”

Jiowẹlu 2:25

Mu a-pfụ unu ụgwo iya k'apha g'apha phọ, igube tapyashịru iphe unu phọ; mbụ ụnwu ọgbolanu igube; mẹ mgbagbaramatsụ iya; mẹkpoo otsu-gbiigbiigbi iya; mbụ ojọgu mu, ike dụ ono, mu yeru unu ono.

Jiowẹlu 3:2

bẹ mu a-chịkobe ọhamoha tụko g'ẹphe ha chịta jeshia lẹ nsụda Jiehoshafatu. Noo ẹka mu a-nọdu kpee phẹ ikpe; ikpe ẹhu ndu ono, bụ okiphe mu ono; mbụ ndibe mu, bụ ndu Ízurẹlu; kẹle ẹphe chịkaru ndibe mu; ẹphe dzuru ọhamoha; bya eworu alị mu kekashịa.

Matiyu 22:6

Tẹme ndu ọphuu tsụkobeekwapho gude ndu ono, onye eze ziru ozi ono mee phẹ iphe-iphere woru phẹ gbushia.

Matiyu 22:8

Tẹme ọ gbẹ teke ono bya asụ ndu-ozi iya: ‘Nta bẹ e shiẹbechaaru nri ekele nwanyị; ọphu ndu e ziru lẹ nri ọbu agbadụru k'eriri iya.

Luku 19:27

Sụ phẹ: ‘A bya lẹ ndu opfu mu-a, bụ ndu ete ekwedu l'ọo mu a-bụru eze phẹ-a; unu chịta phẹ bya egbushia l'atatiphu mu l'ẹka-a.’ ”

Luku 21:21

O -be teke ono; gẹ ndu nọ lẹ Jiudiya gbalakwaa laa l'úbvú; gẹ ndu kụru l'ime mkpụkpu wụfu; gẹ ndu lụfuru je l'ẹgu te jeẹkwa alaphu azụ l'ime mkpụkpu onoya.

Luku 21:24

Ee-gbu phẹ lẹ mma; kpụa phẹ lẹ ndzụ laa l'iphe, bụkpoo ọhamoha. Ndu abụdu ndu Jiu e-tee Jierúsalẹmu pyakapyaka jasụ oo-rwube ẹphebedua.”

1 Tesalonayika 2:16

Ẹphe kpọshiru anyi ezi ndu abụdu ndu Jiu ozi-ọma, l'adzọ phẹ nụ ono. Ọ tọ dụkpodaa teke ẹphe te emetajẹdu iphe-ẹji jasụ l'oobe phẹ l'ẹkpiri. Ọle oke-ẹhu-eghu kẹ Chileke bẹ mechakwanaarụ dapfuta phẹ.