Matiyu 21:5 - BAYỊBURU Izii

⁵ “Unu karụ Jierúsalẹmu g'o lenu: L'onye bụru iya eze abyapfutaakwaa ya. L'o wozetaru onwiya alị nọdu l'eli nkapfụ-ịgara agba abya; mbụ l'eli nwa nkapfụ-ịgara ọbu.”

Matiyu 21:5 ပူးပေါင်းရင်းမြစ်များ

Mbụlembu 49:10

Jiuda ta abụ-buhuduru eze abụ-buhu; ọphu mgbọro-eze ono abyadụ alụfu iya alụfu lẹ mgbaka ọkpa; gbiriri jasụ teke onye ọ kụru ishi l'ẹka a-bya. Ọ -byaẹpho bẹ ọha l'ophu a-ngabẹru iya nchị.

2 Sámẹlu 16:2

Eze bya ajịa Ziba sụ iya: “?Bụ kẹ gụnu bẹ i vutaru iphe ọwa-a?” Ziba sụ iya: “Nkapfụ-ịgara ono bụ iphe, ndibe eze a-nọ-kojeru agbaphe. Ọphu bụ buredi; yẹe akpụru oshi-ọmi phọ bẹ bụ iphe, unwoke, tso ngu nụ a-nọduje ata. Mẹe phọ bụ ndu ike bvụru l'echiẹgu bẹ a-ngụtaje iya gude rọkota ike.”

1 Ndu eze 1:33

Eze sụ phẹ: “Unu lẹ ndu-ozi mụbe nnajịuphu unu swịru. Gẹ Sólomọnu, bụ nwa mu nwoke nọdu l'eli ịnya-mulu kẹ mbẹdua g'unu duru iya jeshia lẹ nggele Gihọnu.

1 Ndu eze 10:26

Sólomọnu bya akụberu onwiya ụgbo-ịnya; mẹ ndu agba l'ịnya. O nweru ụnu ụgbo-ịnya ẹto l'ụkporo iri; bya enweru ndu agba l'ịnya, dụ ụkporo ụnu l'ụnu iri. O nweru ndu ọphu yẹbe eze doberu lẹ mkpụkpu, eedobeje ụgbo-ịnya; dobe ndu ọphuu lẹ Jierúsalẹmu swibe onwiya.

Ebvu-ọma 9:14

Ọo ya bụ gẹ mu anọdu l'ọnu-abata Nwada Zayọnu ono jaa ngu ajaja; bya etekwaaphọ ẹswa l'ị dzọtaru mu.

Azáya 12:6

Unubẹ ọha, bu l'úbvú Zayọnu; unu tụa ụzu ẹhu-ụtso; kẹle onye ono, nọ l'echilabọ unu ono parụ ẹka; mbụ Onye Nsọ kẹ ndu Ízurẹlu.”

Azáya 40:9

Je apfụru l'eli úbvú, ha shii; gụbe Zayọnu; onye byaru ezi ozi-ọma. Gụbe Jierúsalẹmu, byaru ezi ozi-ọma; wolinaa olu chia mkpu! Wolia olu; gẹ ndzụ ba agụshi ngu! Sụ mkpụkpu, dụgbaa l'alị ndu Jiuda-a: “Wakwa Chileke unu baa!”

Azáya 62:11

Lenu; Chipfu raakwaru iya; o jedzuru mgboko jasụ l'ẹka igwe beru alị beru sụ: “Unu sụ ndu Zayọnu g'ẹphe hụmakwa l'onye ndzọta phẹ abyakwa! O gudekwa obunggo iya; bya egude iphe, oo-gude pfụa ụgwo.”

Ezekẹlu 34:24

“ ‘Mbẹdua, bụ Chipfu bẹ a-bụru Chileke phẹ. Ọ bụru nwozi mu, bụ Dévidi a-bụru onye-ishi phẹ. Mụbe Chipfu pfuakwaru.

Ezekẹlu 37:24

Ọ bụru nwozi mu, bụ Dévidi bẹ a-bụru eze, achị phẹ. Ẹphe e-nweru onye lanụ, a-nọdu eche phẹ g'onye eche atụru. Ẹphe a-nọdu eme ekemu mu; bya eleta ẹnya eme iphe, mu sụru g'e meje.

Hosiya 1:7

Obenu lẹ mu a-phụru ndu Jiuda obu-imemini; mu adzọta phẹ. Ọphu ọ bụkwa apfụ; ọzoo ogu-echi; ọzoo alwụ ọgu bẹ mu e-gude mee ya; ọphu ọ bụdu ịnya-ọgu; ọzoo ndu agba l'ịnya; ọo onye e-me iya nụ bụ Chipfu ono, bụ Chileke phẹ ono.”

Mayịka 5:2

“Obenu lẹ gụbedua, bụ Bẹtulehemu, nọ l'ọnu-ẹgu Ifurata; mbụkpokwaa g'ị bụ nwa mkpụkpu, ha nwanshịi l'ime mkpụkpu nọ l'ipfu Jiuda l'ophu-a; bụkwa l'ime ngu bẹ onye a-bụru ishi ndu Ízurẹlu l'ophu e-mechaa shi fụtaru mu; mbụ onye shirọ teke ndiche nọduhawaa; onye shi l'edenwede nọduta ndzụ.

Ọ́gú 24:19

Onye-ishi bẹ e-shi l'ọnulo Jiékọpu fụta; bya emebyishia ndu ọphu phọduru nụ lẹ mkpụkpu ono.”

Matiyu 11:29

Unu bya evuta ivu, shi mu l'ẹka; g'unu anwụta mu iphe l'ẹka; kẹle mu eme gelee bya abụru onye wozetaru obu alị. Mu e-mekwa gẹ meji nmapfuru unu.

Matiyu 2:2

“?Dẹnu nwata ọbu, a nwụru-a, bụ Eze ndu Jiu-a? Anyi hụmaru kpokpode iya l'ụzo ẹnyanwu-awawa. Anyi byatashia g'anyi baarụ iya ẹja.”

Matiyu 2:6

“Gụbe Bẹtulehemu, nọ l'alị Jiudiya; Ọ tọ dụdu g'e meru, ọ bụkwadu gụbedua bẹ ẹnya kachaa alwalwa l'iphe, bụ mkpụkpu, nweru ẹnya l'alị Jiudiya. Ọo l'ime ngu bẹ onye-ishi e-shi lụfuta, bụ iya bụ onye-ishi, a-nọdu eleta ndibe mu ẹnya; mbụ ndibe mu, bụ Ízurẹlu.

Matiyu 21:6

No iya; e mechaa; ndu etsoje iya nụ ono jeshia je emeẹpho gẹ Jizọsu ziru phẹ.

Luku 24:27

Jizọsu bya eshikpọepho l'iphe, bụkota ẹkwo Mósisu mẹ ẹkwo ndu mpfuchiru Chileke; tọwashiaru phẹ iphe, e deru l'ẹkwo-opfu Chileke k'ẹhu iya ono nanụ nanụ.

Jiọnu 1:49

Natanẹlu sụ iya: “Ọnyibe! Ọo ngu bụ Nwa Chileke ọbu. Ọo gụbedua bụ Eze ndu Ízurẹlu ọbu.”

2 Kọrentu 10:1

Nta-a bụakwaa mụbe Pọlu gẹdegede arwọ unu arwọrwo ọwa-a. Mu gudeakwaa adụ gelee waa obu-ọma kẹ Kéreshi arwọ unu. Mbẹdua abụjekwaru mu -nọdu ntse mu epfuru unu opfu bẹlebele; teke mu nọ ẹnya; mu epfuahaarụ unu opfu ọkpu-ọnu ọkpu-ọnu.

Ditoronomi 17:16

G'onye ọbu ta abụkwaru onye a-nọdu achịko ịnya akụberu onwiya; ọphu o mekwa gẹ ndu Ízurẹlu laphu azụ lẹ Ijiputu; ọ bụru g'ee-shi gẹ ya nmakọbaa ịnya doberu onwiya. Noo kẹle Chipfu pfuwaru iya unu sụ: ‘Unu ta alaphubaẹkwa azụ l'ẹka ono ọzobaa.’

Ikpe 12:14

Ọ nwụtaru ụkporo unwoke labọ; bya enweru ụnwu nwanwa, dụ ụkporo unwoke l'unwoke iri. Ẹphe nweru ụkporo nkapfụ-ịgara ẹto lẹ nkapfụ-ịgara iri. Abụdonu bụru onye-ikpe ndu Ízurẹlu apha ẹsato.

Ikpe 5:10

Unubẹ ndu ono agba l'eli nkapfụ-ịgara ọchaa; mbụ unubẹ ndu ono, nọ l'eli ukpo, a wukoberu l'eli nkapfụ-ịgara; mẹ unubẹ ndu eje l'ọkpa;