Matiyu 18:13 - BAYỊBURU Izii

¹³ Gẹ mu gbukwaaru iya unu tororo; teke ọ bụ l'ọ hụmaru iya bẹ ọo-kwatakpọkwaa ka eteshi ẹswa atụru lanụ ono ike; e -me l'ụkporo ẹno l'iri lẹ tete phọ, te eshidu tuphahụ nụ phọ.

Matiyu 18:13 ပူးပေါင်းရင်းမြစ်များ

Ebvu-ọma 147:11

Ndu emeje g'ẹhu tsọo Chipfu ụtso bụ ndu atsụ iya ebvu; mbụ ndu bụ ẹka ẹnya phẹ adụje bụ lẹ n-yemobu Chileke.

Azáya 53:11

O -jechaa iphe-ẹhuka ono; l'ọ bya ahụma ìphóró kẹ ndzụ; ono abya eji iya ẹpho. Ọ bụru amaru ono, onye ono, pfụberekoto, ejeru mu ozi a-maru iya ono l'e-me gẹ ndu dụ igwerigwe bụru ndu aa-gụ lẹ ndu pfụberekoto Yẹbedua evutakwanụ ẹjo-ememe, ẹphe meru.

Azáya 62:5

Mbụ l'ọo ẹgube ono, nwokorọbya alụje nwamgbọko ono bụ g'ụnwu ngu a-lụru gụbe Zayọnu. Ọ bụru g'onye eme ekele nwanyị egudeje nyee ya ete ẹswa-a; nokwaphọ gẹ Chileke ngu e-gude ngu ete ẹswa.

Ezekẹlu 34:4

Unu te emejedu g'ike dụ ndu ọphu ike bvụru; ọphu unu te emejedu g'ẹhu dụ ndu ọphu iphe eme ike; ọphu unu ekebejedu ndu ọphu iphe-ẹhuka mekarụ iphe l'ọ́nyá. Unu te eduphutajẹdu ndu ọphu kpaphuhuru nụ azụ; ọphu unu ta achọjedu ndu ọphu tuphashịhuru etuphashịhu. Ọo ẹhuka ẹhuka; yẹe ẹjo obu bẹ unu egudeje eche phẹ.

Mayịka 7:18

?Bụ onye dụbaa gẹ gụbe Chileke, bụ onye agụje nvụ l'iphe-ẹji; tẹme ị nọdu eleghatajẹ emeswe, nwa ndu ono, phọduru nụ ono, mesweru ngu; mbụ ndu ono bụhukwapho okiphe ngu ono? Ẹhu te eghujedu ngu eghu jasụ l'ojejoje. Obenu l'iphe, adụje ngu ree bụ g'ị phụa obu-imemini.

Zefanaya 3:17

Chipfu, bụ Chileke ngu nọkwa swiru ngu eswiru. Ọ bụ onye ike dụ l'ọgu; ọ sụru ngu adzọdzo. Oo-teru ẹswa kpua opfu ẹhu ngu. Oo-gude n-yemobu mee g'ị nọdu nggujingguji. Ọo-gụru ebvu teru ẹswa kpua ngu.”

Matiyu 18:12

“Sụ-a; ?dẹnu g'unu arịkwanu iya? Ọ -bụru lẹ nwoke nweru atụru ụkporo ise; nanụ kpaphuhu; ?tọo hadụ ụkporo ẹno l'iri lẹ tete ọphuu l'úbvú l'ẹka ono; tụgbua je etsoru ghaphee chọo ọphu kpaphuhuru nụ phọ?

Matiyu 18:14

Nokwaphọ g'ọ tọ dụdu teke ọ bụjeru uche Nna unu, bu l'imigwe g'ọ dụru mẹ onye lanụ l'ime ụnwegirima-a, l'a-la l'iswi.”

1 Kọrentu 13:6

O to tejedu ẹswa ekpu iphe, apfụduru nhamụnha. Ọ chia iphe, bụ ire-lanụ bẹ o teje ẹswa ekpu.

Jiemusu 2:13

Kẹle onye ta aphụduru onye ọzo obu-imemini bẹ a taa phụkwarupho obu-imemini mẹ e -kpeje ikpe. Obu-imemini atụjeru okoo kpua ikpe!