Matiyu 15:8 - BAYỊBURU Izii

⁸ “Ndu-a bụ l'ogbogboromọnu bẹ ẹphe gude akpịritaru mu ntse. Ọ bụru ire bẹ ẹphe gude aja mu ajaja; obu phẹ nọdugbaa mu ụzenya.

Matiyu 15:8 ပူးပေါင်းရင်းမြစ်များ

Ẹkwo Ẹtu 23:26

Nwa mu; worurọ ọkpoma ngu nụ mu! G'ẹnya dụnu ngu l'iphemiphe, mu eme.

Azáya 29:13

Sụ-a; wakwa iphe, Nnajịuphu epfu baa: “Ndu-a bụepho epfupfu bẹ ẹphe epfujeru mu l'ẹphe nọ mu ntse. Ọ bụru eli ọnu bẹ ẹphe gude akwabẹ mu ùbvù. Obenu l'obu phẹ nọgbaa mu ụzenya. Ebvu, ẹphe atsụ mu bụ iphe, ẹphe gude eme iya bụ ekemu, nemadzụ tụru.

Jieremaya 12:2

Ọo ngu dzarụ phẹ; ẹphe gbaa ọgbarabvu; bya evua mịahaa amịmi. Ẹphe akpụjeru ngu l'ọnu tekenteke. Obenu l'o to rwujedu phẹ l'obu.

Ezekẹlu 33:31

Ndibe mu abyapfutajẹ ngu ẹgube ẹphe abyajẹkpo ono; bya anọdu l'iphu ngu g'ẹphe ngabẹ nchị nụma iphe, iipfu; ọle ẹphe te emejedu iya. Ọo l'ọnu bẹ ẹphe asụje l'ẹphe yeru mu obu; obenu l'obu phẹ anọduje ajị momomo g'ẹphe e-shi ria urwu l'ụzo, apfụduru-ọto.

Matiyu 15:7

Lekwa unubẹ tụko-l'ẹhu-atụko-l'obu-a! Azáya, onye mpfuchiru Chileke pfugbuakwaru k'unu teke o pfuchiru Chileke sụ:

Maku 7:6

Ọ bya asụ phẹ: “Azáya onye mpfuchiru Chileke pfugbuwaru k'unubẹ tụko-l'ẹhu-atụko-l'obu-a sụ: “Ndu-a bụ eli ọnu bẹ ẹphe gude akwabẹ mu ùbvù. Obenu l'obu phẹ nọgbaa mu ụzenya.

Jiọnu 1:47

Jizọsu hụmaepho gẹ Natanẹlu eje abyapfuta iya; ọ sụ: “Onye ọwa-a bụ ọkpobe onye Ízurẹlu, adụdu iphe, aata iya ụta iya.”

Jiọnu 5:23

Ọo ya bụ gẹ ndiphe l'ophu akwabẹje Nwa ùbvù g'ẹphe akwabẹje Nna. Onye ono, ta akwabẹdu Nwa ùbvù ta akwabẹkwa Nna, bụ iya bụ onye ziru iya nụ.

Ndu-ishi-ozi 8:21

Ị tị yịkwa l'ozi-a; kẹle ọkpoma ngu ta adụdu ree l'iphu Chileke.

Hiburu 3:12

Ọo ya bụ; ụnwunna mu; unu kwabẹkwaru onwunu ẹnya g'ọ tọ dụ onye ẹjo ọkpoma a-dụ l'echilabọ unu; ọphu ọ dụ onye a-bụru onye te ekwetajẹdu iphe, Chileke epfu; shi nno haa etsoru Chileke ono, bụ ọphu dzụ ndzụ ono.

1 Pyịta 3:10

“L'iphe, bụ onye ọ dụ g'a sụ lẹ ndzụ iya e-tse ogologo; tẹme ọ dụkwa iya phọ g'a sụ lẹ mbọku-mbọku abụjeru iya k'ọma; g'onye ono te egudehẹkwa ire iya tụ ịkpoki; ọphu onye ọbu adzụjekwa ụka.