Matiyu 15:23 - BAYỊBURU Izii

²³ Ọphu Jizọsu epfuduru opfu yeru iya. Ndu etsoje Jizọsu bya arwọahaa ya sụ iya: “Chịfunu nwanyị-a, l'etsophe anyi arachi anyi nchị-a.”

Matiyu 15:23 ပူးပေါင်းရင်းမြစ်များ

Mbụlembu 42:7

Ahụma, Jiósẹfu ahụma ụnwunna iya; ọ hụbe phẹ ama; bya awatarọ eme umere g'ọ tọ madụ ndu ẹphe bụ; bya epfuaharụ phẹ opfu ẹhuka ẹhuka. Sụ phẹ: “?Bụ awe bẹ unu shi?” Ẹphe sụ l'ẹphe shikwa alị Kénanu bya azụta nri.

Ebvu-ọma 28:1

Ọo ngu bẹ mu araku Chipfu, bụ oke mkpuma nkemu. Ba gbakwa mu nkụchi; kẹle ị -nọkirishia bẹ mu lẹ ndu ẹja tarụ a-bụkwaru iphe lanụ.

Ebvu Aphụ 3:8

Teke mu chiru mkpu nta chia imo; raa nta raa imo g'ọ gbaaru mu mkpu; Ọ tọ ngabẹdu nchị l'epfupfu, mu epfu anụ iya.

Matiyu 14:15

O bejeẹpho l'ụzenyashi ndu etsoje iya nụ jepfu iya je asụ iya: “?Ị maru-a l'ẹka-a bụ echiẹgu; tẹme nchi nọdu ejihuwaa? Sụdupho ikpoto ndu-a g'ẹphe laa; g'ẹphe abahụkwanu lẹ mkpụkpu lẹ mkpụkpu-a, nọ-pheru anyi mgburugburu-a je azụtaru onwophẹ nri.”

Matiyu 15:22

A bya l'amarụ; nwanyị Kénanu, bu l'ẹka ono byapfuta iya bya echia mkpu sụ: “Nnajịuphu, bụ Nwa Dévidi! Phụnaaru mu obu-imemini! Lẹ nwatibe mu kẹ nwanyị bẹ ọbvu alọkwa kpurukpuru.”

Matiyu 15:24

Jizọsu sụ: “Ọ tọ dụkwa ẹka ọzo, Chileke ziru gẹ mu je; gbahaa gẹ mu jepfu ndu Ízurẹlu, bụ igwerigwe atụru, tuphashịhuru etuphashịhu.”

Ditoronomi 8:2

Unu nyatakwa gẹ Chipfu, bụ Chileke unu gude dua unu ụkporo apha labọ l'echiẹgu; gude nno gọ-zeta unu; hụkwaapho unu ama; gẹ ya maru iphe, dụ unu l'obu; mbụ gẹ ya maru; ?mẹ unu e-meje-a ekemu iya; tọo unu te emedu?