Matiyu 13:57 - BAYỊBURU Izii

⁵⁷ Iphe ono kpatsu phẹ ẹhu-eghu. Jizọsu sụ phẹ: “Onye mpfuchiru Chileke bẹ aakwabẹjekwa ùbvù l'ẹkameka; agụfuekwapho lẹ mkpụkpu iya waa l'ibe iya.”

Matiyu 13:57 ပူးပေါင်းရင်းမြစ်များ

Azáya 49:7

Wakwaphọ iphe, Chipfu epfu; mbụ onye ono, bụ onye agbafụtaje anyi; bya abụru Onye Nsọ kẹ ndu Ízurẹlu. Oopfu iya anụ onye ono, ọhamoha jịkaru ajịka; akpọ-yiru iya ukuvu ono; mbụ onye ono, bụ onye-ozi kẹ ndu-ishi. Waa iphe oopfu baa: “Ndu eze e-mechakwaa hụma ngu wụ-lihu. Ndu-ishi a-hụma ngu phozeru ngu.” Ọ bụru onye e-me iya nụ bụ Chipfu; onye ono, apfụshije ike l'iphe, o pfuru; mbụ Onye nsọ kẹ ndu Ízurẹlu, bụ onye họtaru ngu nụ.

Azáya 53:3

Ndiphe nmarụ iya phulaphula bya ajịka iya. Ọ bụ nwoke, aphụ tsọru; bya abụru onye eje iphe-ẹhuka kwọwaru ẹhu; onye ndiphe abụjeru: ẹphe -hụma iya; ẹphe aghaa iphu l'ibiya ọzo. Mbụ l'a nmarụ iya phulaphula; ọphu ọ dụdu iphe, anyi gụberu iya.

Azáya 8:14

Tẹme ọ bụru iya a-bụru ẹka e doberu nsọ. Teke a byaru l'ẹka ọnu-ụlo Ízurẹlu ono nọ; ẹphenebo bẹ ọo-bụru mkpuma, ee-vukotajẹ daa iko bya abụkwarupho agbara mkpuma, e-meje g'ẹphe daa iko. A -byakwanụ l'ẹhu kẹ ndu Jierúsalẹmu l'ọ bụru igbudu yẹe ọ́nyà, a gbaberu phẹ.

Matiyu 11:6

Sụ-a; ẹhu-ụtso bẹ a gọru nụ onye ono, mu taa bụduru ụpfu dụ iya l'ọkpa.”

Matiyu 13:58

Ọ bụru iya meru g'o gude ọphu iphe, dụ biribiri, ha shii, Jizọsu meru l'ẹka ono adụdu igwerigwe kẹle ẹphe te ekwetaduru nkiya.

Maku 6:1

Jizọsu shi l'ẹka ono tụgbua lashịa ndu phẹ; yẹle ndu etsoje iya nụ swịru.

Maku 6:14

Eze, bụ Herọdu nụma iphe, Jizọsu eme; kẹle e pfudzuwaru nkiya l'ẹkameka. Ọ dụru ndu asụje l'ọo Jiọnu ọphu shi emeje baputizimu tetaru dzụru ndzụ ọzo; l'ọo iphe ono meru iphe, ọoduje ike eme iphemiphe ono.

Maku 6:3

?Tọ bụnu iya-a bụ nwoke kapyịnta-a; mbụ nwa Meri? ?Tọ bụnu iya bụ nwune Jiemusu yẹle Jiosẹsu; waa Jiudasu; mẹ Sayịmonu? ?Tọ bụnaa unwune iya kẹ nwanyị bẹ anyi l'ẹphe bugbaa l'ẹka-a?” Iphe ono bụru ụpfu dụ phẹ l'ọkpa.

Maku 6:4

Jizọsu sụ phẹ: “Onye mpfuchiru Chileke bẹ aakwabẹjekwa ùbvù l'ẹkameka; a -gụfuekwapho lẹ mkpụkpu iya yẹle ipfu iya; waa l'ibe iya.”

Luku 4:24

Ọ sụ phẹ: “Gẹ mu gbukwaaru iya unu tororo; Onye mpfuchiru Chileke bẹ a ta anatajẹkwa ree l'alị iya.

Luku 7:23

Sụ-a; ẹhu-ụtso bẹ a gọru nụ onye onoya, mu taa bụduru ụpfu adụ l'ọkpa.”

Jiọnu 4:44

Lẹ yẹbedua, bụ Jizọsu l'onwiya pfuhaakwaru sụ l'onye mpfuchiru Chileke bẹ a ta kwabẹjedu ùbvù l'alị iya.

Jiọnu 6:42

Ẹphe wata epfu sụ: “?Tọ bụnu-a nwoke-a bụ Jizọsu, nwa Jiósẹfu; mbụ onye anyi maru nna iya; waa ne iya ree-a? ?Dẹnuhunu g'o shitaru ọ gbẹ nta-a bya asụ lẹ ya shi l'imigwe bya?”

Jiọnu 6:61

Obenu lẹ Jizọsu mawaru l'onwiya iphe, ndu etso iya nụ atanyị-doru k'opfu ono. Ọ sụ phẹ: “?Bụ iphe onoya, mu pfuru ono eghu unu eghu?