Matiyu 13:44 - BAYỊBURU Izii

⁴⁴ “Ẹka Chileke bụ eze dụ g'iphe, vu oke aswa, e woru domia edomi l'ẹgu. Onye lanụ je ahụma iya woru iphe kpuchia ya; teru ẹswa lashịa. Ọ laa je atụko iphemiphe, o nweru reshia je azụa alị ono.”

Matiyu 13:44 ပူးပေါင်းရင်းမြစ်များ

Jiobu 28:13

Nemadzụ ta adụjedu ike makọtaru gẹ mmamiphe erebe ire; mbụ l'ọ tọ dụdu onye maru iya nụ l'eliphe-a, e bu ebubu-a l'ophu l'ophu.

Ẹkwo Ẹtu 16:16

Hụmawaro g'ọ kabe ree enweru mmamiphe eme l'enweru mkpọla-ododo. Mbụ ahọta nkwamẹnya haa mkpọla-ọchaa.

Ẹkwo Ẹtu 17:16

?Bụ urwu gụnu bẹ okpoga barụ l'ẹka onye bụ ọmata; eshinu mmamiphe ta agụdu iya agụgu?

Ẹkwo Ẹtu 18:1

Onye akpa nkịnyi iya bụepho iphe, ọonoduje achọ bụ iphe, a-dụru iya lẹ ree. Tẹme ọkpobe mmamiphe nọdu eghuje iya eghu.

Ẹkwo Ẹtu 23:23

Zụta ire-lanụ! Be rephukwa iya azụ! Maru iphe! Bụru onye a hụ̀ru àhụ̀hù; yẹe onye iphe edoje ẹnya.

Azáya 55:1

Unu gebekwa-o! G'iphe, bụkpoo onye mini agụ byakwa angụta mini! G'onye enwedu okpoga byakwa azụa nri ria! G'ọ byakwa agata mẹe; zụta ẹra-eswi, e gudedu okpoga azụ; ọphu ọ dụdu aswa.

Matiyu 13:24

Noo ya; a nọnyakwaa Jizọsu byakwa anmaaru phẹ ẹtu ọzo sụ phẹ: “Gẹ Chileke e-shi goshi lẹ ya bụ eze a-dụepho gẹ nwoke, chịtaru mebyi iphe, dụ ree je aghaa l'alị.

Matiyu 13:46

Ọ chọnyaa ya; bya ahụma ọphu ere ntụmatu. Ọ laa je atụko iphe, o nweru reshia gude je azụa ya.

Matiyu 13:47

“Sụ-a; Ẹka Chileke bụ eze dụkwa g'ẹgube eewojeru ụgbu-ịkokoro tụa l'eze-ẹnyimu-a; l'ọ nwụkoo ẹma, dụ iche iche.

Matiyu 19:21

Jizọsu sụ iya: “Ọ -dụ ngu g'ị dụebe ree; laa je erekọta iphemiphe, i nweru; woru aswa iya je anụ ndu akpa nri. Ọo ya bụ; l'ii-nweru ọkpobe iphe l'imigwe. I -mechaa nno; bya etsoru mu.”

Matiyu 19:27

Tọbudu iya bụ; Pyịta sụ iya: “Anyịbedua, harụ iphemiphe, anyi nweru bya etsoru ngu-a ?bụ gụnu bẹ anyi e-nweru?”

Matiyu 19:29

Ọzo bụ l'onyemonye, gude opfu ẹhu mu haa ụlo, o nwegbaarụ; ọzoo unwune iya nwoke; ọzoo unwune iya nwanyị; ọzoo nna iya; ọzoo ne iya; ọzoo ụnwu iya; ọzoo alị iya; bẹ Chileke a-pfụ ụgwo iphe, ha g'iphe, ọ harụ mgbo ụkporo ise; tẹme e -mechakwaphọ Chileke anụ iya ndzụ ojejoje.

Matiyu 6:21

L'ọ kwa ẹka ẹku ngu, kachaa ngu mkpa nọ bẹ obu ngu nọkwapho.”

Luku 14:33

Ọo ya bụ; g'unu ha ta adụkwa onye byaru a-bụru onye etsoje mu nụ; gbahaa l'onye ono wofuru ẹnya l'ẹku iya.”

Jiọnu 6:35

Jizọsu sụ phẹ: “Ọ kwa mbẹdua l'onwomu bụ nri ono, anụje ndzụ ono. Onye byapfutaru mu nụ bẹ ẹgu ta ayịkwa gụbaa ọzo; ọphu ẹgu mini abyakwa agụbaa onye kwetarụ nkemu.

Romu 15:4

L'iphemiphe, e dekọtaru teke ndiche bẹ e dekwaru g'o zia anyi iphe. Ọoduje anyi obu g'anyi adụje ike taa nshi nọdu ele ẹnya iphe, Chileke kweru anyi ukwe iya.

Kọlosi 2:3

Ọo l'ime Kéreshi ono bẹ Chileke domiru iphe, bụkpoo ẹku, dụ lẹ mmamiphe yẹle nkwamẹnya l'ophu.

Kọlosi 3:16

Unu kwe g'opfu kẹ Kéreshi ono bya eburu l'ime obu unu dzua ya oke lẹ mmamiphe; ezi iphe; yẹle adụ nwibe unu obu. Unu egudekwa iya phọ alọru phẹ ẹka lẹ nchị. Unu gụje ebvu-ọma nụ Chileke; mẹ ebvu ekele; mẹ ebvu ọzo, shikọta Unme-dụ-Nsọ l'ẹka. Unu gude obu unu g'ọ ha meje iphemiphe ono; gude nno ekele Chileke ekele.

Hiburu 10:34

Unu aphụ-tabejewaru ndu ọphu nọ lẹ mkpọro g'ọ bụ unu, nọ lẹ mkpọro ọbu. Aanakọtaje unu iphe, unu nweru enweru lẹ mgboko; unu egudeẹlaa ẹhu-ụtso tagbua ya lẹ nshi; opfu l'unu maru l'unu nwerurọ iphe ọzo, kabaa ree, bụ ọphu a-nọwaro ojejoje.

Ọphulenya 3:18

Ọo ya bụ l'ìdzù, mu a-chịru unu nta-a bụ g'unu bya azụta mu mkpọla-ododo mbụ ọphu a kpụru l'ọku-ụzu; k'ọphu adụedu mkpaba dụ iya nụ; g'oo-mee unu g'unu bụru ndu nweru iphe; unu abyakwaphọ bya azụta mu uwe ọchaa g'unu yeje g'unu ta agbahẹru ọto; ọo ya bụ g'iphere adụ-buhu unu. Unu azụtakwa mu phọ ọbvu ẹnya tee l'ẹnya ono g'unu awata aphụ ụzo.