Matiyu 12:7 - BAYỊBURU Izii

⁷ Ọme unu maru iphe, Chileke epfu l'ẹka ono, ọ sụru: ‘Iphe, agụ mu nụ ta abụkwa g'unu gwajẹ mu agwagwa; ọ kwa g'unu phụjeru nemadzụ obu-imemini;’ mẹ unu tege ewokwaru ikpe nmaa ndu iswi dụ mma.

Matiyu 12:7 ပူးပေါင်းရင်းမြစ်များ

Jiobu 32:3

Ọ̀nyà iya phọ ẹphe n'ẹto mekwaphọ; ẹhu nọdu eghu iya eghu; kẹle ẹphe ta adụdu ike pfukpee Jiobu; ọle ẹphe nmakwaru iya nụ ikpe.

Ebvu-ọma 109:31

kẹle ọopfujeru l'ẹkutara onye adụdu g'ọ dụ iya; g'ọ dzọta ndzụ iya l'ẹka ndu ekpe iya mpfugbu.

Ebvu-ọma 94:21

Ẹphe edzukobeje g'ẹphe kpapyaa ndu pfụberekoto ishi. Ẹphe woru onye adụdu iphe, o meru kpee mpfugbu.

Ẹkwo Ẹtu 17:15

Aharụ onye ẹjo-iphe enge; yẹe anma onye pfụberekoto ikpe tụkokwaru bụru eme ẹbyi l'iphu Chipfu.

Hosiya 6:6

kẹle iphe, agụ mu g'unu mee bụ aphụ obu-imemini. Ọ tọ bụdu g'a gwajẹ mu agwagwa; mbụ l'iphe, dụ mu ree bụ g'a maru mụbe Chileke. Ọ tọ bụdu g'e gwee ngwẹja-akpọ-ọku nụ mu.

Matiyu 22:29

Tọbudu iya bụ; Jizọsu sụ phẹ: “Unu eshisweje iya; kẹle ẹkwo-opfu Chileke te edoduru unu ẹnya; ọphu ọ bụro kẹ g'ike Chileke habe shii.

Matiyu 9:13

Sụ-a; unu je anwụa iphe, opfu ọwa-a, mu abya epfupfu-a bụ; lẹ Chileke pfuru sụ: ‘Iphe, agụ mu nụ ta abụkwa g'unu gwajẹ mu agwagwa; ọ kwa g'unu phụjeru nemadzụ obu-imemini.’ Noo kẹle mu ta abyakwaru eku ndu pfụberekoto; ọ kwa ndu eme iphe-ẹji bẹ mu byaru ekuku; g'izimanụ lwa phẹ azụ.”

Maku 12:33

Ọo ya bụ gẹ nemadzụ yee ya obu iya g'ọ ha; mẹkpoo uche iya g'ọ ha; mẹ ike iya g'ọ ha; yekwaaphọ nemadzụ ibiya obu iya g'o yeru onwiya. Eme g'ekemu labọ ono pfuru tụkoru kakọta adụ mkpa; eme lẹ ngwẹja anụ, a kpọru ọku nụ Chileke mẹ ngwẹja ọzo, eegwejeru nụ iya g'ọ hakọta.”

Ndu-ishi-ozi 13:27

Ndu bu lẹ Jierúsalẹmu waa ndu-ishi phẹ ta amakpọkwaanu l'ọo Jizọsu bụ Onye-Ndzọta ọbu. Ọphu o dokpọdaaru phẹ nụ ẹnya; mbụ opfu ndu mpfuchiru Chileke, aagụru phẹ l'eswe-atụta-unme, anwụta anwụta. E mechaa; ẹphe gbẹnu mee g'iphe, ndu mpfuchiru Chileke ono pfuru vụa g'e pfuru iya teke ẹphe nmarụ Jizọsu ikpe ọnwu.

Jiemusu 5:6

Unu nmarụ ndu pfụberekoto ikpe; gbua phẹ; l'ẹbe abụ l'ọ dụru iphe, ẹphe akpọshijehawaa unu ememe.

Jioshuwa 5:5

Iphe, bụkota ndu ono g'ẹphe ha bẹ bushikọtaru úbvù. Obenu l'ụnwegirima, a nwụru l'echiẹgu teke ẹphe shiwaa l'alị Ijiputu lụfuta bẹ e te buduru úbvù.

1 Sámẹlu 15:22

Sámẹlu sụ: “?I dobesu lẹ ngwẹja akpọkotaru ọku mẹ ngwẹja mmanụ ọzowaro bẹ ka adụ Chipfu ree; karia eme opfu iya g'ọ sụru g'e mee ya tọo? Lekwa-a! Eme iphe, a sụru g'e mee kakwa ree karia egwe ngwẹja; mbụa; anụma iphe lẹ nchị kakwa ree karia egude anụ tsụru ẹba gwee ngwẹja.