Matiyu 11:29 - BAYỊBURU Izii

²⁹ Unu bya evuta ivu, shi mu l'ẹka; g'unu anwụta mu iphe l'ẹka; kẹle mu eme gelee bya abụru onye wozetaru obu alị. Mu e-mekwa gẹ meji nmapfuru unu.

Matiyu 11:29 ပူးပေါင်းရင်းမြစ်များ

Jieremaya 6:16

Wakwa iphe, Chipfu epfu baa: Unu pfụkpodarupho lẹ mgbakata-ụzo lee ẹnya! Unu jịeshikwa ajị ụzo, shi l'ichee! Unu jịa ajị ẹka ụzo, dụ ree dụ! Unu awata eshi ụzo ono! Noo teke meji a-nmapfuru unu. “Obenu l'ẹphe sụleru-a l'ẹphe te eshidu iya.

1 Jiọnu 2:6

Onye sụru lẹ yẹe Chileke tụgbaru bẹ ọ gbaru kẹ g'ọ nọdu ẹgube ndzụ ono, Jizọsu shi nọdu ono.

Jiọnu 13:15

L'ọ kwa iphe, unu e-letajẹ eme bẹ mu meru goshi unu ono; g'unu eletajẹ iya mee gẹ mu meru unu ono.

Matiyu 7:24

“Ọo ya bụ l'onyemonye, anụ opfu-a, mu epfu-a bya eme iya ememe bẹ a-dụ gẹ nwoke, kwarụ ẹnya bya eworu ụlo iya kpụa l'eli mkpuma.

Hiburu 5:9

Ọ bụru g'ọ tụkoadaru gẹ Chileke tụberu meẹbekota bẹ ọ byaru abụru onye adzọtaje iphe, bụ ndu eme iphe, o pfuru; dobe jasụ l'ojejoje.

2 Kọrentu 10:1

Nta-a bụakwaa mụbe Pọlu gẹdegede arwọ unu arwọrwo ọwa-a. Mu gudeakwaa adụ gelee waa obu-ọma kẹ Kéreshi arwọ unu. Mbẹdua abụjekwaru mu -nọdu ntse mu epfuru unu opfu bẹlebele; teke mu nọ ẹnya; mu epfuahaarụ unu opfu ọkpu-ọnu ọkpu-ọnu.

Matiyu 28:20

Unu zije phẹ g'ẹphe meje iphemiphe, bụ iphe, mu kakọtaru unu g'unu meje. Unu hụma ahụma lẹ mu nọkwa swiru unu mbọku-mbọku jeye teke mgboko a-bvụ.”

Zekaraya 9:9

Gụbe nwada Zayọnu; tekwaa ẹswa teshia ya ike! Gụa ebvu ẹhu-ụtso; gụbe nwada Jierúsalẹmu! Lekwa; onye bụru ngu eze abyapfutaakwa ngu. Ọ bụ onye pfụberekoto; tẹme ọ nọdu adzọje nemadzụ. O wozetaru onwiya alị; nọdu l'eli nkapfụ-ịgara agba abya; mbụ l'eli nwa nkapfụ-ịgara ọbu.

Filipayi 2:5

G'uche unu yẹe kẹ Kéreshi Jizọsu bụjeru iphe lanụ.

Ọ́gú 12:3

Sụ-a; nwoke ono, bụ Mósisu bẹ bụnukaru onye eme odoo. Ọo ya kachakpọo eme odoo l'iphe, bụ ndu mgboko l'ophu.

Matiyu 21:5

“Unu karụ Jierúsalẹmu g'o lenu: L'onye bụru iya eze abyapfutaakwaa ya. L'o wozetaru onwiya alị nọdu l'eli nkapfụ-ịgara agba abya; mbụ l'eli nwa nkapfụ-ịgara ọbu.”

2 Kọrentu 10:5

Ọ bụru ngwọgu ono bẹ anyi gude mebyishikọta eku-onwonye ono, e gude tọ-chia ụzo tọ-buta g'a ta maru Chileke ono. Iphe, bụkpoo ọriri, nemadzụ arị arịri bẹ anyi alwụ-kpeje mee ya g'ọ dụ gẹ Kéreshi sụru g'ọ dụ.

1 Tesalonayika 4:2

Noo l'unu mawaru-a l'anyi shi l'ẹka Nnajịuphu, bụ Jizọsu tụaru unu ekemu.

Jiọnu 13:17

Unu makọtawaru iphemiphe ono. Ọ -bụru l'unu tụkoru iya eme ememe bẹ Chileke a-gọkwaru ẹhu-ụtso nụ unu.

Matiyu 17:5

Ọ kpụkwaduru-a iphe ono l'ọnu epfu; urwukpu, chagburu ụcha bya asọ-kputa phẹ. Olu-opfu shi l'urwukpu ono dafụta sụ: “Onye ọwa-a bụ nwa mu nwoke. Mu yeru iya obu. O jiru mu ẹpho. Unu nụmajekwa iphe, oopfu!”

2 Tesalonayika 1:8

Ọo bya agwaa ndu amadụ Chileke ọchi; waa ndu te emedu iphe, ozi-ọma ẹhu Nnajịuphu anyi, bụ Jizọsu Kéreshi epfu ono.

1 Kọrentu 9:21

Mu lẹ ndu ete pfudu k'ekemu nọdu; mu ahaẹkwapho k'ekemu; egudekpọoro l'a ta hadụru mu gẹ mu b'e mee iphe, ekemu Chileke pfuru; obenu lẹ mu gude ekemu Kéreshi buru; g'eeshi gẹ mu pfubuta ndu ete epfudu k'ekemu.

Ndu-ishi-ozi 7:37

Ọo ya bụ Mósisu ono, sụru ndu Ízurẹlu: ‘Chileke e-mechakwaa shi l'echilabọ unu zia onye mpfuchiru iya; g'o ziru mbẹdua. Ọ bụru yẹbedua bẹ unu a-nụmajeru olu’

Luku 8:35

Ọo ya bụ; a wụru jeshinaa ahụma iphe, meru nụ. Ẹphe byapfuta Jizọsu; ẹphe bya ahụma onye ọbu, ọbvu shi l'ẹhu wụfu ọbu g'ọ nọ-kube Jizọsu. Ọ dụwanu iche; yewanụ uwe l'ẹhu; ndzụ gụahaa phẹ.

Ebvu-ọma 131:1

Mu te egudedu obu mu eku onwomu; jiko Chipfu; ọphu mu aradu ẹnya k'etsetse. Mu ta ayọjedu ọshi l'iphe, parụ ẹka; ọphu mu ejejedu ekobe ẹka l'iphe, mu asụdu.

Ebvu-ọma 116:7

Obu mu; jiko kabẹkwa dzutabaa ike ọzo; kẹle Chipfu nwụbenukaru ngu ẹnya.

Ẹkwo Ẹtu 3:17

Etso ụzo iya bụ ẹhu-ụtso; tẹme gbororo iya bụkotaru ẹhu-guu.

Azáya 28:12

mbụ ndu ono, ọ sụru: “Ẹka-a bụ ọkpoku atụta unme; gẹ ndu ike bvụru nọdukwa iya tụta unme. Tẹme ẹka-a bụru ẹka atụta unme.” Ọphu ẹphe angadụruro nchị.

Azáya 29:19

Ndu wozeru onwophẹ alị bẹ a-nọdu l'ẹka Chipfu ẹhu atsọ phẹ ụtso. Mbụ lẹ ndu adụdu g'ọ dụ phẹ a-nọdu l'ime Onye Nsọ kẹ ndu Ízurẹlu ete ẹswa.

2 Iphe, ndu eze meru 10:11

L'eshi ọphu nna ngu boru phẹ ivu, anyị ẹrwa bẹ ii-me g'ọ kaba anyị ẹrwa. Eshi ọphu ọ bụ ẹchachi bẹ nna ngu shi echije phẹ bẹ ịi-gbaahaa phẹ akpị.”