Matiyu 11:25 - BAYỊBURU Izii

²⁵ Lẹ teke ono kwaphọ bẹ Jizọsu yeru ọnu sụ: “Mu ekele ngu ekele Nna, bụ Nnajị igwe yẹe alị; l'i domiru iphe-a gẹ ndu kwarụ ẹnya waa ndu mmamiphe ta amaru iya; i woru iya goshichia ndu bụ ụnwegirima.

Matiyu 11:25 ပူးပေါင်းရင်းမြစ်များ

Mbụlembu 14:19

Ọ bya agọru ọnu-ọma nụ Ebiramu sụ: “Gẹ Chileke, bụ Ọkalibe-kakọta-shii kebe gụbe Ebiramu l'ọma! Mbụ Chileke ọphu bụ iya meru igwe bya emee eliphe.

Mbụlembu 14:22

Ebiramu sụ eze ndu Sọdomu: “Mu paliakwaru ẹka riaru Chipfu angụ; mbụ Chileke ọphu bụ Ọkalibe-kakọta-shii; onye meru igwe bya emee eliphe;

2 Ndu eze 19:15

Hezekáya bya epfuru nụ Chipfu sụ: “Gụbe Chipfu, bụ Chileke kẹ ndu Ízurẹlu; onye sụgaru l'aba-eze iya l'echilabọ chierobu. Ọo ngu kpoloko bụ Chileke, nwekọta alị-eze, dụ lẹ mgboko mgburugburu. Ọo ngu meru igwe bya emee eliphe.

1 Iphe, ndu eze meru 29:13

Nta-a bẹ anyi ekele ngu ekele; gụbe Chileke anyi; anyi nọdu aja ẹpha ngu ono, dụ akpabiri ono ajaja.

Jiobu 37:24

Noo g'o gude ndiphe nọdu atsụ iya ebvu. Ndu arị l'ẹphe maru iphe bẹ tọ gụbeduru iphe.”

Ebvu-ọma 8:2

I mewaru ụnwegirima; waa ndu angụ ẹra; ẹphe wata ngu aja ajaja; m'ọbvu ndu ọhogu ngu; shi nno mee g'ọnu bụru ndu ọhogu ngu ono; waa ndu eme g'ẹphe gwata ngu ụgwo iphe kpụrukudukuu.

Azáya 5:21

Nshịo ndu edobesụje l'ẹphe maru iphe; dobesụkwapho l'ẹphe kwarụ ẹnya.

Azáya 66:1

Wakwa iphe, Chipfu epfu: “Imigwe bụkwa aba-eze mu. Eliphe bụru okposhi, mu tụ-koberu ọkpa. Dẹnu ẹgube ụlo, unu a-kpụru mu? ?Bụ ẹgube awe bẹ mu a-nọduje iya atụta unme ọbu?

Danẹlu 2:23

Ọ bụru gụbe Chileke kẹ nna mu phẹ bẹ mu ekele bya aja ajaja; noo kẹle i meru gẹ mu maru iphe bya emee g'ike dụ mu; bya emee nta-a; gẹ mu maru iphe ono, ẹphe arwọ ngu sụ g'i mee g'ẹphe maru ono; mbụ i meru; a maru iphe, eze rwọru lẹ nrwọ.”

Danẹlu 4:35

Ọ tọ dụdu iphe, ọ gụberu nemadzụ, nọ lẹ mgboko mgburugburu. Ọ bụru iphe, dụ iya ree bẹ oomejeru ụnwu imigwe mẹ ndiphe l'ophu; ọphu ọ dụdu onye alọ-phu iya ẹka azụ; ọphu ọ bụro kẹ jịa ya: ‘?Bụ gụnu meru iphe, i meru ọwa-a?’

Matiyu 16:17

Jizọsu sụ iya: “Ẹhu-ụtso bẹ a gọru nụ gụbe Sayịmonu nwa Jiona! L'ọ tọ bụkwa amadụ meru g'ị maru ọkpobe-opfu ono. Ọ kwa Nna mu, bu l'imigwe.

Matiyu 21:16

Ẹphe sụ iya: “?Ọ kwa l'ịinu-a iphe, ndu ono ara?” Jizọsu sụ phẹ: “Ee! ?Unu teke agụ-rwuswee ẹka ono, e deru l'ẹkwo-opfu Chileke sụ: ‘Ọo l'ọnu ndu bụ ụnwegirima mẹ ndu angụ ẹra bẹ ee-shi aja ngu ọkpobe ajaja.’ ”

Luku 22:42

“Nna; ọ -bụru l'ọ dụ ngu l'uche; nafụnu mu okoro iphe-ẹhuka ọwa-a; ọle ọ kwa g'ọ tọ bụkwa iphe, dụ mu l'uche l'e-me; g'ọ bụkwaru iphe, dụ gụbedua l'uche.”

Luku 23:34

Jizọsu sụ: “Nna; gụaru phẹ nvụ; kẹle ẹphe ta amadụ iphe, ẹphe eme.” Ẹphe tụa ido gude kee uwe iya.

Jiọnu 11:41

Tọbudu iya bụ; ẹphe bya eswifu mkpuma ono. Jizọsu bya apalia ẹnya imeli sụ: “Nna! Mu ekele ngu ekele; l'ị nụmaru olu mu.

Jiọnu 12:27

“Sụ-a; ọ kwa nta-a bẹ obu etsu mu mini. ?Bụ gụnu bẹ mu e-pfu? ?Bụ gẹ mu sụ Nna mu g'ọ dzọo mu lẹ nta-a? Tụswekwa! Ọ kwa iphe, abya eme nta-a bẹ mu byadoru.”

Jiọnu 12:28

“Nna! Menaa g'a hụma ọdu-biribiri dụ l'ẹpha ngu.” Tọbudu iya bụ; ọ dụru olu, shi l'imigwe sụ: “Mu meakwaru a hụma ọdu-biribiri ono; mu jekwaphọ emebaa g'a hụmabaa ya ọzo.”

Ndu-ishi-ozi 17:24

Ọo ya bụ Chileke, bụ iya meru mgboko mee iphemiphe, nọ iya l'ime. Ọo ya bụ Nnajịuphu, nwe igwe nweru alị; tẹme ọphu oobujeduru l'ụlo, nemadzụ gude ẹka kpụa.

1 Kọrentu 2:10

Chileke gbẹwa l'ẹka Unme nkiya goshi anyi iphe ono, o shi domia edomi ono. Lẹ Unme Chileke avọfutajekwa iphemiphe, bụkpoo iphe, e domiru edomi je akpachaa l'ìdzù, Chileke chịruro l'ime obu iya k'ememe dobe.

2 Kọrentu 3:14

Ẹbe ọ bụkwa l'ẹphe ta ahụmaduru iya; Chileke kwechikwaru phẹ phọ ẹnya; kẹle ọobujeru ẹphe -nọdu agụkpoo ẹkwo ọgbandzu k'akahụ ono; mbụkwa jasụ ntanụ-a; ọodu g'e gude ẹgube ẹkwa ono phuchikwaa phẹ phọ iphu g'ẹphe ta amaru iphe, ẹphe agụ. Ọo 'ẹpho atụgba onwonye lẹ Kéreshi kpụrumu l'a-phụfu ẹkwa ono.

1 Sámẹlu 2:18

Sámẹlu bụ nwata nwokoro nshịi, ejeru Chipfu ozi, eyeje akpawuru uwe ọchaa, ndu-uke Chileke eyeje.