Matiyu 10:26 - BAYỊBURU Izii

²⁶ “Ọo ya bụ lẹ-a; unu ta atsụjekwa phẹ ebvu. L'ọ tọ dụkwa iphe, e kpuchiru ekpuchi g'e te mechaa kpuhaa ya; ọphu ọ dụkwa iphe, e meru l'edomi g'e te mechaa madzuru iya.

Matiyu 10:26 ပူးပေါင်းရင်းမြစ်များ

Ẹkwo Ẹtu 10:9

Onye ụta adụdu lẹ ndzụ iya bẹ obu shihuru ike. Obenu l'onye eshi ụzo, dụ nggọdogo nggọdogo bẹ ee-mechanụ-a hụma.

Ẹkwo Ẹtu 28:1

Onye ẹjo-iphe anọduje agba ọso l'ẹbe adụ onye achị iya nụ. Obenu l'onye pfụberekoto eshihuje obu ike g'oduma.

Ẹkwo Ẹtu 29:25

Atsụ nemadzụ ebvu bụ ọ́nyà bẹ ọogbabeje. Obenu l'onye bụ onye kpọru obu yeru Chipfu ta adụdu iphe, byaru eme iya nụ.

Oziphe 12:14

Kẹle iphemiphe, nemadzụ eme bẹ Chileke e-mechakwaa kpee ya ikpe iya; mẹkpoo iphemiphe, nemadzụ mekọtaru l'edomi; mẹ ndu ọphu dụ ree; mẹ ndu ọphu dụ ẹji.

Azáya 41:10

Ọo ya bụ; ba atsụkwa ebvu; kẹle mu nọkwa swiru ngu. Gẹ meji ba tọfukwa ngu; kẹle ọ kwa mu bụ Chileke ngu. Mu e-me g'ike dụ ngu; mu e-yeru ngu ẹka. Mu e-gude ẹkutara mu ono, bụ ẹka mu egudeje mee iphe, pfụru ọto ono gudeshia ngu.

Azáya 41:14

“Ba atsụkwa ebvu; gụbe nworishi ono, bụ Jiékọpu; mbụ gụbe nwata-une, bụ Ízurẹlu; kẹle ọo mbẹdua l'onwomu e-yeru ngu ẹka.” Noo iphe, Chipfu epfu; mbụ onye ono, gbafụtaru ngu nụ ono; bya abụru Onye nsọ kẹ ndu Ízurẹlu.

Jieremaya 1:8

Ta tsụjekwa phẹ ebvu; kẹle mu nọkwa swiru ngu eswiru; tẹme mu je l'anafụtaje ngu l'ẹka phẹ. Nokwa iphe, mụbe Chipfu epfu bụ ono.”

Ezekẹlu 2:6

“Gụbe nwa ndiphe; gẹ ndzụ phẹ ta agụkwa ngu; ọphu ndzụ iphe, ẹphe epfu agụkwa ngu. Gẹ ndzụ ta agụkwa ngu; e -gudekpọoro l'ọgarambo yẹe obvu bẹ gbaru ngu mgburugburu; tẹme i buru l'ẹka akpị jiru ejiji. Gẹ ndzụ iphe, ẹphe epfu ta agụkwa ngu; ọphu ẹhu arwụshihukwa ngu; e -gudekpọoro l'ẹphe bụ ndu ta anụdu anụnu mẹ ililekpọo.

Matiyu 10:28

Unu ta atsụjekwa ndu egbu ogwẹhu nemadzụ ebvu; ẹphe -gbuchaa ogwẹhu; ẹphe taa dụhedu ike egbu maa onye ọbu. Onye unu a-tsụjechia ebvu bụ onye ono bụ: o -gbuchaa egbugbu l'o nwekwarụpho ike, oo-gude nwuru ogwẹhu onye ọbu yẹe maa ya je echie l'ọku-alị-maa.

Maku 4:22

Kẹle iphemiphe, e domiru edomi bẹ ee-mechaa mee g'a hụma; tẹme iphemiphe, e meru lẹ mpya bẹ ee-mechaa mee g'o fuhu.

Luku 24:47

Bya asụ l'ee-gude ẹpha iya raa lẹ Chileke a-gụru nemadzụ nvụ l'iphe-ẹji; mẹ izimanụ -lwa onye ọbu azụ. Ee-shi lẹ Jierúsalẹmu gude ẹpha iya ono radzuru l'ọhamoha lẹ mgboko mgburugburu.

Luku 8:17

Kẹle ọ tọ dụdu iphe, e domiru edomi, e tee mechadaa mee g'a madzuru; ọphu ọ dụdu iphe, eeme lẹ mpya, e tee mechadaa mee g'a madzuru.

Ndu-ishi-ozi 1:8

Ọle Unme-dụ-Nsọ a-bya unu l'ẹhu; l'o mee unu; unu eshihu ike; k'ọphu unu a-nọdu epfu iphe, unu hụmaru kẹ nkemu. Unu e-pfu iya lẹ Jierúsalẹmu; mẹ alị Jiudiya; mẹkpoo alị Samériya jasụwaruroya l'ẹkameka, nọ lẹ mgboko mgburugburu.”

Ndu-ishi-ozi 4:13

Ẹphe nụmachaa gẹ Pyịta yẹe Jiọnu asa kpaa kpaa; l'ẹka ẹphe bụ nemadzụ mmanụ, abụdu l'ẹphe nwụru ẹkwo; o ji phẹ ẹnya. Ẹnya gbarwua phẹ lẹ Pyịta phẹ bụ ndu ẹphe lẹ Jizọsu shi aswịje.

Ndu-ishi-ozi 4:19

Pyịta yẹe Jiọnu bya eyeeru phẹ ọnu sụ: “Unu ghanaa ya hata. ?Bụ ole ka ree l'iphu Chileke? ?Bụ g'anyi nụjeru Chileke opfu tọo g'anyi nụjeru unu opfu?

1 Kọrentu 4:5

Ọo ya bụ g'unu ta adụshi onye unu a-nọdu anmawa ikpe l'ẹbe 'oko rwu teke aa-nma ikpe; ikpe bụ teke Nnajịuphu a-bya; l'o kpee ya. Noo teke oo-wofuta iphe, e shi domia l'ọchii bya edobe l'ìphóró; l'ọ bya eworu iphe, amadụ chịru k'ememe, bụ iphe, dụ iya l'ọkpoma; woru tụa jala. Noo teke Chileke a-ja onyemonye ajaja, rwuberu iya nụ.

1 Pyịta 3:14

Ọ -bụkpooru nụ l'unu a-nọdu eje iphe-ẹhuka; opfu l'unu eme iphe, pfụru-ọto; g'ẹhu tsọjekwa unu. Gẹ ndzụ ta agụjekwa unu m'ẹphe -nọdu eye unu ebvu; ọphu ọ dụkwa iphe, unu ejejekpọo ayọ ọshi iya.