Matiyu 1:2 - BAYỊBURU Izii

² Ébirihamu bụ nna Áyizaku; Áyizaku bụru nna Jiékọpu; Jiékọpu bụru nna Jiuda yẹe ụnwunna iya.

Matiyu 1:2 ပူးပေါင်းရင်းမြစ်များ

Mbụlembu 25:19

Waa oshilọkpa Áyizaku, nwa Ébirihamu. Ébirihamu bụ nna Áyizaku;

Mbụlembu 25:26

Anwụnwu, aanwụ iya; nwune iya nọdu etso iya; wọru iya ẹka l'ichirupfu ọkpa. Ọo ya bụ; ẹphe gụa ya Jiékọpu. Áyizaku nọwaru ụkporo apha ẹto teke Ribeka nwụtaru iya ụnwegirima ono.

1 Iphe, ndu eze meru 1:28

Ụnwu Ébirihamu bụ Áyizaku waa Ishimẹlu.

1 Iphe, ndu eze meru 1:34

Ébirihamu bụ nna Áyizaku. Ụnwu Áyizaku bụ Ịso waa Ízurẹlu.

Azáya 41:8

A -byakwanụ lẹ gụbe Ízurẹlu, bụ onye-ozi mu; mbụ gụbe Jiékọpu; onye mu gude ẹka mu họta; mbụ gụbe oshilọkpa Ébirihamu, bụ onye mu l'iya eshi ọ̀nyà;

Azáya 51:2

Mbụ-a; g'ẹnya unu dụkwa lẹ Ébirihamu, bụ nna unu! Wafụa lẹ Sera; onye bụ iya tsụru ime unu! Teke mu kuru iya bụkwa onye lanụ bẹ o shi bụru. Mu bya ekebe iya l'ọma bya emee ya; ọ dụ igwerigwe.

Ọ́gú 1:26

Oshilọkpa Jiuda bẹ a gụkotaru iphe, bụ unwoke, nọwaru ụkporo apha kwasẹru, bụ ndu sụwaru eje ọgu; bya edeshia ẹpha phẹ nanụ nanụ l'ẹkwo. E deshiru ẹpha phẹ l'ọnulo l'ọnulo; mẹ l'ẹnya-unuphu l'ẹnya-unuphu.

Matiyu 1:1

Ọwa-a bụ eri Jizọsu Kéreshi, Nwa Dévidi, oshilọkpa Ébirihamu.

Matiyu 1:3

Jiuda bụ nna Pẹ́rezu yẹe Zera. Ne, nwụru ẹphenebo ono bụ Tama. Pẹ́rezu bụru nna Hézerọnu; Hézerọnu bụru nna Arámu.

Ndu-ishi-ozi 7:8

Noo ya; Chileke bya ekweta Ébirihamu ukwe-iphe bya edobe omelalị ebu úbvù g'ọ bụru iphe-ọhubama k'iphe ono, o kweru iya ukwe iya ono. Ọo ya bụ; Ébirihamu nwụta Áyizaku. Áyizaku nọepho abalị ẹsato; e bua ya úbvù. Nokwaphọ gẹ Áyizaku nwụtaru Jiékọpu bụa ya úbvù; Jiékọpu nwụshia ochochoroche anyi phẹ ẹphe n'iri l'ẹbo bushichaa phẹ úbvù.

Hiburu 11:11

Ọ bụru ekweta Sera l'onwiya mechakwarụpho g'o gude ọ bụru nwanyị, nọru; ẹbe ọ tsụjeduru ime jasụ ọ nọghaa atsụta ime bẹ Chileke meẹluru-a g'ọ dụ ike tsụta ime lẹ nka. Iphe, kparụ iya nụ bụru l'o doberu Chileke l'onye apfụshije ike l'iphe, o kweru ukwe iya.

Hiburu 7:14

A makahakwaru lẹ Nnajịuphu anyi shi l'ọkpa-ipfu Jiuda. Ọphu ọ dụdu teke Mósisu photajẹru Jiuda teke o pfuru opfu kẹ ndu-uke Chileke.

Ọphulenya 7:5

Ndu e meru ọhubama ono l'ọkpa-ipfu Jiuda dụ ụkporo ụnu l'ụnu iri; ndu e meru iya l'ọkpa-ipfu Rúbẹnu dụ ụkporo ụnu l'ụnu iri; ndu e meru iya l'ọkpa-ipfu Gadụ dụ ụkporo ụnu l'ụnu iri.