Matiyu 1:18 - BAYỊBURU Izii

¹⁸ Waa g'e gude nwụa Jizọsu Kéreshi baa: Jiósẹfu jeru l'ẹka Meri, bụ ne Jizọsu jebua. Ọphu o toko dutakwanu iya; k'ọphu yẹe ya kwajẹwaru. A bya l'amarụ; Meri ọbu dụwanu ime. Ọ bụru Unme-dụ-Nsọ bẹ ime ono shi l'ẹka.

Matiyu 1:18 ပူးပေါင်းရင်းမြစ်များ

Mbụlembu 3:15

Mu e-me g'unu lẹ nwanyị-a bụru ọhogu; awa nkengu yẹe kẹ nwanyị-a a-bụkwarupho ọhogu. Ọo-zọpya ngu ishi; gụbedua emeka iya iphe l'ichirupfu ọkpa.”

Jiobu 14:4

?Bụ onye sụru g'oo-ye ẹka l'iphe, adụebedu ree wofuta iya iphe, dụebe ree? Ọ tọ dụdu!

Jiobu 15:14

?Bụ gụnu bẹ nemadzụ bụ kẹ gẹ ọ bya adụebe ree? Mbụ-a; ?bụ gụnu bẹ nemadzụ ono, bụ nwanyị nwụru iya ono bụ kẹ g'ọ pfụbe-ẹka-ọto?

Matiyu 1:1

Ọwa-a bụ eri Jizọsu Kéreshi, Nwa Dévidi, oshilọkpa Ébirihamu.

Matiyu 12:46

Noo ya; Jizọsu kpụkwaduru-a opfu l'ọnu epfu eyeru ndu ono; ne iya yẹle unwune iya byawaa bya apfụru l'etezi zia sụ g'e kua ya g'ẹphe pfuru yeru iya.

Matiyu 2:11

Ẹphe bya abahụ l'ime ụlo ono; bya ahụma nwata ono yẹle Meri, bụ ne iya. Ẹphe bya egbushi ikpere l'alị; baarụ nwata ono ẹja; bya ekpuhaa ẹda, ẹphe yeru ẹku phẹ bya emeeru nwata ono iphe-ọma. Iphe, ẹphe nụru iya bụ; mkpọla-ododo waa ụ̀nwù furankisẹnsu; waa ụ̀nwù mẹru.

Luku 1:25

Ọ sụ: “Nta-a bẹ Nnajịuphu lecharu mu ẹnya bya eshia ụzo, dụ ẹgube-a nafụ mu iphere l'iphu ndiphe.”

Luku 2:5

Jiósẹfu yẹe nwanyị ono, e kwetawaru l'ọo-lụ ono, bụ Meri swịru jeshia g'e dee ẹpha phẹ. Teke ono bẹ ẹpho bewaru Meri l'ezeda.

Ditoronomi 22:23

“Ọ -bụru lẹ nwamgbọko, yẹle nwoke teke akwaswee; mbụ nwamgbọko, e jebuwaru k'alụlu; bẹ yẹle nwoke ọzo kwarụ l'ime mkpụkpu;

Hiburu 10:5

Ọ bụru iphe ono meru g'o gude; teke Kéreshi abya mgboko ọ sụ Chileke: “I ti ledu ẹnya g'e wota iphe gbua gweeru ngu ẹja; ọzoo g'e gwerụ iphe-ngwẹja nụ ngu. Obenu l'i meru mu bụru nemadzụ, nweru anụ-ẹhu.

Hiburu 7:26

Ọ bụru ẹgube onye-ishi-uke ono bẹ mkpa iya dụru anyi; onye dụ nsọ ọphu ọ dụdu iphe-ẹji, o mejeru. Chileke họfuru iya iche l'echilabọ ndu iphe-ẹji bya ewolia ya doghakọta iphe, bụkpoo eligwe l'ophu.