Luku 9:47 - BAYỊBURU Izii

⁴⁷ Jizọsu maẹrupho iphe, dụ phẹ l'ọkpoma bya ekuta nwata nshịi pfụ-kube onwiya;

Luku 9:47 ပူးပေါင်းရင်းမြစ်များ

Ebvu-ọma 139:2

Ị maru teke mu nọ anọo; maru teke mu gbẹshiru agbẹshi. Ịinoduje ụzenya maru iphe, mu arị l'obu mu.

Ebvu-ọma 139:23

Vọchanaa ọkpoma mu jiko Chileke; maru iphe, dụ mu l'obu. Hụnaa mu ama maru g'ọriri mu gbaru.

Jieremaya 17:10

Ọo mụbe Chipfu enyoje obu; tẹme mu nọdu eleje egomunggo ule; k'ọphu mu a-pfụ onyemonye ụgwo g'umere iya gbaru; mbụ g'iphe, o meru gbaru.”

Matiyu 12:15

Jizọsu maẹrupho l'onoo iphe, ẹphe eje; o shi l'ẹka ono; ọ bụru iya atụgbu. A dụ igwerigwe tsoru iya. O mekọta iphe, bụ ndu iphe eme; ẹphe wekọrohucha.

Matiyu 9:4

Jizọsu maẹrupho iphe, ẹphe arị bya asụ: “?Dẹnu g'o gude unu nọdu arị ẹjo ọriri l'obu unu?

Luku 5:22

Jizọsu maẹrupho iphe, ẹphe arị bya asụ phẹ: ?Ọ nwụru ịnwagha bẹ unu arị ẹgube iphe ono?

Jiọnu 16:30

Nta-a bẹ anyi maru l'ị makọtaru iphemiphe. Ọ tọ gbahẹduru g'ọ dụru onye abya ajịahaa ngu ajị. Ọwa mewaru; anyi kweta l'i shi-a l'ẹka Chileke nọ bya.”

Jiọnu 2:25

Ọ tọ bụdu kẹ hm g'a bya akọaharu iya gẹ nemadzụ tụkoru gbaa; eshi ọphu yẹbedua l'onwiya makọtawaru iphe, dụ nemadzụ l'ọkpoma.

Jiọnu 21:17

Ọ byakwa eku iya k'ugbo ẹto sụ iya: “Sayịmonu; nwa Jiọnu; ?I yeru mu obu?” Ẹhu rwụhuepho Pyịta arwụhu l'ọ jịru iya ya k'ugbo ẹto sụ iya: “?I yeru mu obu?” Ọ sụ iya: “Nnajịuphu; Ị tụkoru iphemiphe makọtaru; Ị maru lẹ mu yeru ngu obu.” Jizọsu sụ iya: “Nụjekwa atụru mu nri.”

1 Kọrentu 14:20

Ụnwunna mu; unu ta arịjeshinu ọriri g'ụnwegirima nshịi. Unu dụjekwa gẹ nwaswa mẹ a -bya l'eme ẹjo-iphe. Teke a byaru l'egomunggo; unu enweru egomunggo ọgerenya.

Hiburu 4:13

Ọphu ọ dụdu iphe, nọ lẹ mgboko, dụru ọphu Chileke ahụmaduru. Iphemiphe, nọ lẹ mgboko gbakọta ọto dabyiru l'ebederebadara l'iphu Chileke. Ọ bụru Chileke ono bụ onye anyi pfụfutaje l'iphu iya kọkota iphe, anyi meru.

Ọphulenya 2:23

Ụnwu iya g'ẹphe ha bẹ mu e-chigbushikọta echigbushi. Ọo ya bụ g'iphe, bụ Chịochi g'ẹphe ha amakwanụru l'ọo mbẹdua bụ onye ono, l'enyochajẹ uche nemadzụ; nyochaa ọkpoma iya maru iphe dụ iya l'egomunggo ono. Sụ-a; g'unu hakọtakpoo l'onye l'onye bẹ mu a-nụkotachaa aphụ gbaru iya nụ l'ẹhu l'ẹhu. Onyemonye bẹ mu a-nụ aphụ lẹ g'iphe, o meru gbaru.