Luku 7:38 - BAYỊBURU Izii

³⁸ gude bya apfụru iya lẹ mgboru ọkpa; wata akwashị ẹnya-mini. Ọ nọdu akwashị Jizọsu ẹnya-mini l'ọkpa bya egude ẹgbushi, nọ iya l'ishi gude ehucha iya ya; etsutsu iya ọnu l'ọkpa bya eworu manụ ono, eshi mkpọ ono wụa ya ya.

Luku 7:38 ပူးပေါင်းရင်းမြစ်များ

Mbụlembu 18:4

G'e kutanụ nwa mini g'unu kwọo ọkpa tụta unme lẹ mkpula oshi-a.

Ẹzura 10:1

Gẹ Ẹzura epfu anụ Chileke; akọshiru Chileke iphe, dụ ẹji, ẹphe megbabẹru; ara ẹkwa; echi onwiya gbaagbaa l'alị l'atatiphu ụlo Chileke; ndu Ízurẹlu zefụta igwerigwe wụ-pfuta iya; unwoke; mẹ ụnwanyi; mẹ ụnwegirima; ẹphebedua nọdu arakwaphọ ẹkwa nkephẹ arashị iya ike.

Ebvu-ọma 38:18

Mu e-pfushi ẹjo-iphe, mu meshiru ngu. Iphe-ẹji, mu meru erwukwa mu phọ l'ẹhu.

Ebvu-ọma 51:17

Kẹle ngwẹja ọphu Chileke anatajẹ bụ aphụ-eji-obu. Onye aphụ jiru obu l'iphe o meru; izimanụ lwa iya azụ bẹ gụbe Chileke ta anmajẹkwa phulaphula.

Oziphe 9:8

Yejekwa uwe, acha phuuphuu tekenteke; ọphu manụ, eshi mkpọ abvụjekwa ngu abvụbvu l'ishi.

Ebvu Sólomọnu 1:3

Manụ, ị nyịru eshikwa mkpọ shii. Ẹpha ngu tụko ẹkameka ngaa g'ẹka manụ, eshi mkpọ wụshihuru. Ọ bụru iphe ono kparụ iphe, ụnwumgboko yeru ngu obu.

Azáya 57:9

G'unu jịru manụ, eshi kwẹekweekwee bya egude manụ olivu jee l'agwa, bụ Molẹku; bya ezia ndu nọ-chiru unu; ẹphe jee l'ọbvu l'ẹka dụ ẹnya ẹnya; mbụ jerwuchaa alị-maa l'onwiya.

Azáya 61:3

Tẹme mu eyekwarụpho ndu Zayọnu ẹka; mbụ ndu ọphu aphụ tsọru. Mu eworu ẹguru okpu-eze kpube phẹ l'ishi l'ọzori ntụ, ẹphe shi kpube onwophẹ; wụa phẹ manụ ẹhu-ụtso; l'ọzori agụ aphụ; yee phẹ uwe, bụ aja Chileke ajaja; l'ọzori anọdu yọkoo. Iphe, aa-nọdu eku phẹ abụru “Achị k'apfụbekoto”; Oshi, Chipfu kụru l'onwiya g'e gude hụma g'ọ dụ-be akpabiri.

Jieremaya 31:9

Ẹphe a-nọdu ara ẹkwa abya. Mbụ l'ẹphe a-nọdu arwọ mu arwọrwo; mu edu phẹ alwa. Mu e-du phẹ dughaa nggele nggele; dua phẹ shia ụzo, dụ baswaa k'ọphu ụpfu ata akpọdu phẹ l'ọkpa. Ọ bụru iphe, kparụ iya nụ bụ lẹ mu bụ nna Ízurẹlu; tẹme Ifuremu bụru ọkpara mu.

Jiowẹlu 2:12

Wakwa iphe, Chipfu epfu baa: Ntaakpọnu; unu gudenụ ọkpoma unu g'ọ ha lwapfuta mu! Unu gude aswi ẹgu; mẹ ara ẹkwa; mẹ agụ aphụ gude lwa!

Zekaraya 12:10

“Ọzo bụ lẹ mu e-woru unme k'eze-iphe-ọma; yẹle unme k'arwọ arwọ; wụa l'ọnu-ụlo Dévidi; mu awụa ya l'ẹhu ndu bu lẹ Jierúsalẹmu. Ọ bụru mụbe onye ono, ẹphe bvukashịru ọ́nyá ono bẹ ẹphe a-nọdu ele ẹnya l'ẹka; tẹme ẹphe araa ẹkwa mu g'onye ara ẹkwa nwa, bụ iya nwa lanụ; l'oorwua phẹ l'ẹhu shingushingu g'oorwuje onye ara ẹkwa nwa, bụ ọkpara iya.

Matiyu 5:4

Ẹhu-ụtso bẹ a gọru nụ ndu aphụ byaru; Kẹle Chileke e-mechakwaa dụa phẹ obu!

Luku 22:62

Ọ kwofu etezi je atụkpoo ẹkwa too!

Luku 6:21

Ẹhu-ụtso bẹ a gọru nụ unubẹ ndu ẹgu agụ nta; kẹle ẹpho e-ji unu. Ẹhu-ụtso bẹ a gọru nụ unubẹ ndu akwa ẹkwa nta; kẹle unu a-chịa ọchi.

Luku 7:37

Nwanyị ovuọba, shi l'ime mkpụkpu nụmaepho l'ọ nọ lẹ nri l'ụlo onye Fárisii; o gude mgbere manụ, eshi mkpọ tẹme ọ nọdu ere ire shii

Luku 7:39

Onye Fárisii ono, shiru iya ite ẹbyaa ono hụmae ya phọ; ọ rịa sụ: “Ọme nwoke-a bụ onye mpfuchiru Chileke eviya; mẹ ọ manụrua onye nwanyị-a, l'edenyi iya ẹka-a bụ; maru g'oomebe iphe-ẹji kparụ.”

Jiọnu 11:2

Meri ono bụ nwanyị ono, mecharu wota manụ, eshi mkpọ bya etee Nnajịuphu l'ọkpa labọ; gude ẹgbushi iya huchaa ya ya-a. Ọ bụru nwune iya kẹ nwoke bụ Lazarọsu ono, bẹ iphe eme ọbu.

Jiemusu 4:9

G'o rwua unu l'ẹhu; g'aphụ ji unu obu; unu kwashịa ẹnya-mini. G'achị ọchi bụru unu aphụ; g'ẹmereme bụru unu iphere.