Luku 7:22 - BAYỊBURU Izii

²² Ọ sụ ndu ono, Jiọnu ziru ozi ono: “Unu je akaru Jiọnu iphe, unu hụmaru; waa iphe, unu nụmaru. Unu sụ iya lẹ ndu atsụ ishi l'aphụwaa ụzo; ndu ẹniyeni nọdu ejewaa ije; ndu ekpenta wekọrohuwaa; ndu ada nkụchi nọdu anụwaa iphe lẹ nchị; ndu nwụhuru anwụhu bẹ e mewaru; ẹphe teta dzụru ndzụ; a nọdu asàru ndu ụkpa ozi-ọma ono àsàsà.

Luku 7:22 ပူးပေါင်းရင်းမြစ်များ

Jiobu 29:15

Mu shi bụru ẹnya, ndu atsụ ishi gude aphụ ụzo; bya abụru ọkpa, ndu ẹniyeni gude eje ije.

Ebvu-ọma 146:8

Chipfu emeje gẹ ndu atsụ ishi wata aphụ ụzo. Ookulije ndu e wozeru alị; tẹme ọ nọdu eyeje ndu pfụberekoto obu.

Azáya 42:16

Mu e-duru ndu atsụ ishi shia ụzo, ẹphe amahaada. Gbororo, ẹphe te eshijehaada bẹ mu a-kpọ-ziru phẹ ụzo iya. Mu e-me g'ọchii bụru ìphóró l'iphu phẹ; bya emee g'ụzo, dụ kpọkoro kpọkoro kpọkoro kwọru phẹ akwọkwo. Iphemiphe ono bụkota iphe, mu e-me; ọphu mu abyadụ aha phẹ.

Azáya 43:8

Dufụtanu ndu ono, nweru ẹnya; obenu l'ẹphe atsụ ishi onoya; mẹ ndu ọphu nweru nchị; ẹphe nọdu ada nkụchi.

Jieremaya 31:8

Lekwa; mu e-shi l'alị ndu isheli chị-phuta phẹ azụ. Mu e-jerwuchaa ẹka igwe beru alị beru je erwukọo phẹ. Mu a-chịtachaa mẹ ndu atsụ ishi; mẹ ndu ẹniyeni; mẹ ndu dụ ime; mẹ ndu ọphu ime emewaa ememe. Ọ bụepho l'ikpoto ndu a-lwa nụ a-pa ẹka.

Zefanaya 3:12

Ọ bụchia lẹ mu a-harụ unu ndu dụ àgù bya ewoze onwophẹ alị; mbụ ndu kpọru obu yeru ẹpha Chipfu.

Matiyu 11:5

Ndu atsụ ishi bẹ e meru ẹphe nọdu aphụwaa ụzo; ndu ẹniyeni nọdu ejewaa ije; e mee ndu ekpenta; ẹphe wekọrohuchaa; ndu ada nkụchi nọdu anụwaa iphe lẹ nchị. Ndu nwụhuru anwụhu bẹ e mewaru ẹphe teta; a saarụ ndu ụkpa ozi-ọma ono asasa; ẹphe nụma.

Matiyu 21:14

E mechaa; ndu atsụ ishi mẹ ndu nọ ẹniyeni wụ-pfuta iya l'eze-ụlo Chileke l'ẹka ono; o mee phẹ ẹphe wekọrohu.

Luku 4:18

“Unme Nnajịuphu dụ mu l'ẹhu; kẹle ọ họtaru mu gẹ mu je ezia ndu ụkpa ozi-ọma. O ziru mu gẹ mu je ezia ndu a kpụtaru lẹ ndzụ l'aa-ha phẹ; Mu eje emee ndu atsụ ishi g'ẹphe phụahaa ụzo. Mu eje emee ndu aakpa ẹhu g'ẹphe nweru onwophẹ.

Luku 7:21

Teke ono bẹ Jizọsu eme g'igwerigwe ndu iphe eme wekọrohu; mẹkpoo ndu ẹjo iphe-ememe eme; mẹ ndu ọbvu eme; mẹwaro igwerigwe ndu ọphu atsụ ishi, o mekwarụpho; ẹphe phụahaa ụzo.

Luku 7:23

Sụ-a; ẹhu-ụtso bẹ a gọru nụ onye onoya, mu taa bụduru ụpfu adụ l'ọkpa.”

Jiọnu 1:46

Natanẹlu sụ iya: “?Ọ dụkporu-a iphe, dụ ree, e-shi lẹ Nazaretu?” Filipu sụ iya: “Byanụ bya egude ẹnya ngu hụma.”

Ndu-ishi-ozi 26:18

‘Ii-je emee g'ẹphe saa ẹnya k'ọphu ẹphe e-shi l'ọchii fụta bata l'ìphóró; waa k'ọphu ẹphe e-shi l'ẹka Nsetanu fụta lwapfuta Chileke. Ọo ya bụ; mu agụaru phẹ nvụ l'iphe-ẹji phẹ gụru phẹ ye lẹ ndu mu họtawaru g'ẹphe bụru ndibe mu.’

Ndu-ishi-ozi 8:7

Ẹphe hụma lẹ ndu ọbvu eme dụ igwerigwe; ọ nọdu echigbaa mkpu agbafụtagbaa l'ẹhu ndu ono. Ẹphe hụmakwapho lẹ ndu ibe ẹhu phẹ nwụhuru anwụhu; mẹ ndu ẹniyeni dụ igwerigwe; o mekọtachaa phẹ; ẹphe wekọrohu.

Jiemusu 2:5

Unu ngabẹkpodapho nchị; ụnwunna mu, mu yeru obu. ?Tọ bụdu ndu ụkpa lẹ mgboko-a bẹ Chileke họtaru g'ẹphe bụru ndu shi l'ekweta, ẹphe kwetarụ nweru iphe l'iphu Chileke; bụkwarupho ndu e-nweru ẹka ọ bụ eze, bụ iphe, ọ sụru lẹ ya a-nụ ndu yeru iya obu-a.