Luku 6:7 - BAYỊBURU Izii

⁷ Ndu ezije ekemu waa ndu Fárisii geahaa Jizọsu ngge g'a maẹshikwaru: ?l'oo-me g'ẹhu dụ nemadzụ ike l'eswe-atụta-unme; g'ẹphe achọkwanaa ọphu ẹphe a-sụ l'o meru.

Luku 6:7 ပူးပေါင်းရင်းမြစ်များ

Ebvu-ọma 38:12

Ndu achọ ụzo, ẹphe e-shi gbua mu woru ọ́nyà gbakarụ mu. Ndu tụberu g'ẹphe meka mu iphe nọdu anmarụ mu ọnwu. Ọo ẹpho idzu g'ẹphe e-shi ghọoru mu ụgho bẹ ẹphe anọduje achị eswe l'ẹnyashi.

Azáya 29:21

mbụ ndu egudeje ọnu mee g'ikpe nmaa nemadzụ l'iphe, iswi dụ iya mma; woru ọ́nyà gbaaru onye agbaru nemadzụ ọdzori l'ụlo-ikpe; gbaa ekebe ụgho jasụ l'e woru ikpe nma onye iswi dụ mma.

Jieremaya 20:10

Kẹle mu anụkwa taba taba, ẹphe adzụgbaaru nwibe phẹ sụ: “Nggiri dụkwa l'ụzo l'ẹkameka!” Ẹphe tụkoru epfu sụ: “Unu je edoo iphe ono, oopfu ono! Unu g'anyi je edoo iphe, oome!” Iphe, bụkpoo ndu mu l'ẹphe eshi ọ̀nyà elekọtaepho ẹnya g'ẹphe maru teke ẹturu a-lọ mu. Ẹphe tụko epfu sụ: “?a maru e-dephuu iya. Noo teke ọo-kalẹru anyi. Ọ bụru teke ono bẹ anyi e-melata iya iphe-a, oome nta-a.”

Matiyu 5:39

Obenu lẹ mu epfuru unu sụ: onye meru ngu ẹjo-iphe; te ejekwa iya emelata. Onye chiru ngu ẹka l'agbagba-nchị ẹkutara; ghafụaru iya nchị ẹkicha.

Maku 3:2

Ẹphe geahaa Jizọsu g'ẹphe maẹshikwaru: ?oo-me g'ẹka nwoke ono teta iya gẹ mbọku ono bụ eswe-atụta-unme-a; g'ẹphe asụ l'o noo iphe, o meru.

Luku 13:14

Ẹhu ghuahaa onye-ishi ụlo-ndzukọ eghu lẹ Jizọsu meru g'onye iphe eme wekọrohu l'eswe-atụta-unme. Ọ sụ ndu ono: “Abalị ishii bẹ e doberu k'ejeje ozi; unu byajẹ g'e mee g'unu wekọrohu teke ono; unu ta abyajẹshi l'eswe-atụta-unme.”

Luku 20:20

Ẹphe wata iya anwụ ngge; bya ezia ndu ngge g'ẹphe je emetakpọepho g'ẹphe bụ ndu ọkpobe-opfu; g'ẹphe a-tụta nvọ l'iphe, o pfuru gude kpụta iya ye l'ẹka onye nwe ike, bụ iya bụ nnajịoha, shi Romu.

Jiọnu 9:16

Ndu Fárisii ono harụ sụ: “Nwoke ono te eshikwa l'ẹka Chileke; ọ -bụru 'abụ ?dẹnu g'o gude ọphu o dobejedu nsọ, dụ l'eswe-atụta-unme?” Ndu ọphu asụ: “?Dẹnukwanu g'onye eme iphe-ẹji e-me emekọta iphe-ọhumalenya, dụgbaa ẹgube ono.” Ẹphe bọo onwophẹ ẹbo.