Luku 4:7 - BAYỊBURU Izii

⁷ Ị -bakpọwaru mu ẹja; mu ahakọtaru ngu iya.”

Luku 4:7 ပူးပေါင်းရင်းမြစ်များ

Ebvu-ọma 72:11

Ndu bụkotakpoo eze mgburugburu l'e-phozeru iya. Ọhamoha l'ophu e-jekọtaru iya ozi.

Azáya 45:14

Wakwa iphe, Chipfu epfu: “Iphe, e metaru l'alị Ijiputu; mẹkpoo ngwaswa, shi l'alị Kushi; mẹkpoo gwagoro-gwagoro ndu ono, shigba alị Seba ono; g'ọ ha a-lwakọtaru ngu; tụkoru bụkotaru nkengu. Ẹphe a-tụko etso ngu; awụ l'odze awụ-pfuta ngu. Ẹphe abya ephozeta l'iphu ngu rwọahaa ngu arwọrwo epfu sụ: ‘Tororo opfu bụ lẹ Chileke nọkwa swiru ngu eswiru. Ọ tọ dụekwa onye ọzo, dụ nụ; mbụ l'ọ tọ dụekwa onye ọzo, dụ nụ gbahaa yẹbedua.’

Azáya 46:6

O nweru ndu evushije mkpọla-ododo l'ẹkpa phẹ. Ẹphe achịkoo mkpọla-ọchaa tụ̀a àtụ̀tùù l'iphe, aatụ̀je iphe. Ẹphe eje ebuta onye-ụ́zú mkpọla-ododo g'ọ bya egude iya kpụtaru phẹ ntẹkpe. A -kpụchaa ya; ẹphe awata iya abarụ ẹja.

Matiyu 2:11

Ẹphe bya abahụ l'ime ụlo ono; bya ahụma nwata ono yẹle Meri, bụ ne iya. Ẹphe bya egbushi ikpere l'alị; baarụ nwata ono ẹja; bya ekpuhaa ẹda, ẹphe yeru ẹku phẹ bya emeeru nwata ono iphe-ọma. Iphe, ẹphe nụru iya bụ; mkpọla-ododo waa ụ̀nwù furankisẹnsu; waa ụ̀nwù mẹru.

Luku 17:16

Ọ byarwuta bya adaa kpurumu lẹ mgboru ọkpa Jizọsu wata iya ekele ekele. Onye k'ono bụ onye Samériya.

Luku 4:6

bya asụ iya: “Ọo ngu bẹ mu e-me g'ị bụru onye a-bụru ishi iphemiphe-a mẹ iphe, dụ ree, nọ iya nụ; kẹle ọ bụ mu bẹ e yeru iya l'ẹka; tẹme ọ bụru onye dụ mu l'uche bẹ mu a-nụ iya.

Luku 4:8

Jizọsu sụ iya: “Gbẹshi l'ẹka ono Nsetanu. L'ẹkwo-opfu Chileke sụkwaru l'ọo Nnajịuphu, bụ Chileke ngu bụ onye ịi-barụ ẹja; tẹme ọ bụru iya kpụrumu bụ onye ịi-nọdu ejeru ozi!”

Luku 8:28

Ọ hụmaepho Jizọsu; ọ daa kpurumu l'iphu iya; bya echia mkpu sụ: “Jizọsu! Nwa Ọkalibe-kangokọtaru-nụ, bụ Chileke! ?Bụ gụnu bẹ mu lẹ ngu jigba? Mu arwọkwa ngu arwọrwo; ta anụshinu mu aphụ.”

Ọphulenya 22:8

Mụbe Jiọnu gẹdegede bụ onye nụmakotaru iphemiphe-a lẹ nchị mu; bya ahụma iya l'ẹnya. Mu nụmachaa ya ono bya ahụmachaa ya ono; mu daa kpurumu l'iphu ojozi-imigwe ono, goshiru mu iya nụ ono jeshiaru iya abarụ ẹja.

Ọphulenya 4:10

ndu bụ ọgerenya ụkporo l'ẹno ono adakọtaepho kpurumu l'iphu onye ono, nọ l'aba-eze ono baarụ iya ẹja; mbụ onye ono, bụ iya nọ ndzụ ojejoje ono. Ẹphe abya ekpushia okpu-eze phẹ woru wụshi l'iphu aba-eze ono gụa ebvu sụ:

Ọphulenya 5:8

O wotaẹpho ẹkwo ono; iphe ẹno ono, nọgbaa ndzụ ono mẹ ụkporo ndu bụ ọgerenya lẹ ndu bụ ọgerenya ẹno phọ tụko daa kpurumu l'iphu Nwatụru ono baarụ iya ẹja. Ndu bụ ọgerenya ono tụko pagbaarụ eze une l'ẹhu l'ẹhu bya egudegbakwaaphọ eze-ochi, e gude mkpọla wụa. Iphe dụgbaa ya nụ bụ ụ̀nwù-isẹnsu, ẹnwuru-ọku iya anọduje eshi kwẹekweekwee. Ẹnwuru-ọku iya ono nọ-chiru ẹnya epfupfu ono, ndu-nsọ anọduje epfu anụ Chileke ono.