Luku 4:22 - BAYỊBURU Izii

²² Ẹphe zụkota mgbede. Opfu ọma, l'afụshi iya l'ọnu dụ phẹ biribiri. Ẹphe sụ: “?Tọ bụnaa nwa Jiósẹfu-a baa?”

Luku 4:22 ပူးပေါင်းရင်းမြစ်များ

Ebvu-ọma 45:2

Ị kakọta nemadzụ, a nwụkpooru anwụnwu ama mma. Eze-iphe-ọma jiru ngu ọnu ejiji; kẹle Chileke gọru ọnu-ọma ojejoje nụ ngu.

Ebvu-ọma 45:4

Dụnu akpabiri akpabiri nyikoru l'ụgbo-ịnya ngu gbaru kwaakwaakwaa je alwụa lwụ-kpee! See iswi ire-lanụ; yẹe ewoze onwonye alị; yẹe apfụbekoto. G'ẹka-ụtara ngu mekwaa iphe, dụ ebvu.

Ẹkwo Ẹtu 10:32

Ọnu onye pfụberekoto maru iphe, bụ: e -pfua ya l'ọ dụ nhamụnha. Obenu l'ọnu onye ẹjo-iphe bụ iphe, ọ maru kpoloko bụ iphe, dụ nggọdogo nggọdogo.

Ẹkwo Ẹtu 16:21

Ndu maru iphe l'ime obu phẹ bụ ndu eekuje ndu iphe edoje ẹnya ree. Tẹme opfu, atsọ ụtso lẹ nchị nọdu emeje g'a ka anwụta iphe.

Ẹkwo Ẹtu 25:11

Opfu, e pfuru l'o rwuberu iya dụ g'igopoto akpụru ụdara, a garụ ye l'iyagba mkpọla-ọchaa.

Oziphe 10:12

Opfu, shi onye maru iphe l'ọnu emeje g'a kwabẹ iya ùbvù. Obenu l'onye-eswe bụ iphe, o pfutaru l'ọnu egbuje iya.

Ebvu Sólomọnu 5:16

Olu-opfu iya anọduje atsọ gẹ manụ-ẹnwu. Ọ bụepho l'ọoma mma amagharu iya ẹka. Unubẹ ụnwada Jierúsalẹmu; ọ kwa g'ọ gbaru bụ ono; mbụ onye ono, yeru mu obu ono; bya abụru ọ̀nyà mu ono.

Azáya 50:4

Nnajịuphu, bụ Chipfu nụwaru mu ire ndu nwụru ẹkwo gẹ mu maru opfu, mu e-pfuje g'ike dụ ndu ike bvụru. Ookuteje mu l'ụtsu g'ụtsu; l'ọ bya emee mu echilibe nchị ngabẹ g'onye eezi iphe.

Luku 2:47

Ọ dụ-dzukọtaru ndu anụ iphe, oopfu biribiri; mbụ g'iphe edobeje iya ẹnya; waa g'o gude eye ọnu l'opfu ree.

Luku 2:48

Ndu nwụru iya nụ hụma iya; ọ kpọo phẹ opfu. Ne iya sụ: “Nwa mu; ?dẹnu g'o gude i mee ya anyi ẹgube-a? ?Ị maru-a lẹ mu lẹ nna ngu gudekpọwaa ẹnya-mini achọ ngu?”

Luku 21:15

kẹle ọo mbẹdua l'e-ye unu opfu l'ọnu. Mu e-me unu amaru iphe k'ọphu ndu ọhogu unu a-ta amadụru g'ẹphe e-yeje ọnu l'iphe, unu epfu; ọphu ẹphe a-byadu atụ-kpute unu l'ẹgo.

Luku 4:21

O pfuaharu phẹ sụ: “Ntanụ-a bẹ iphe, e deru l'ẹkwo-a, unu nụmaru-a vụru g'e deru iya.”

Jiọnu 1:45

No iya; Filipu kwe iya hm; bya eje elee ẹnya Natanẹlu. Ọ hụma iya bya asụ iya: “Anyi hụmaakwaru onye ọbu, Mósisu deru nkiya l'ẹkwo ekemu; tẹme ndu mpfuchiru Chileke dekwaa ya phọ-a. Onye ọ bụ bụ Jizọsu kẹ Nazaretu, nwa Jiósẹfu.”

Jiọnu 6:42

Ẹphe wata epfu sụ: “?Tọ bụnu-a nwoke-a bụ Jizọsu, nwa Jiósẹfu; mbụ onye anyi maru nna iya; waa ne iya ree-a? ?Dẹnuhunu g'o shitaru ọ gbẹ nta-a bya asụ lẹ ya shi l'imigwe bya?”

Jiọnu 7:46

Ndu nche ono sụ phẹ: “Ha-o! Anyi teke ahumaswekwaa onye asa opfu ẹgube ono.”

Ndu-ishi-ozi 6:10

Ọle Unme Chileke nụru Sutivinu mmamiphe k'ọphu abụjeru teke o yeru ọnu; ọ tọ dụedu onye amakwaduru iphe, oo-pfu.

Tayitọsu 2:8

Pfuje opfu, nweru ishi; mbụ opfu, aata avọdu ẹchi; g'ii-gude ẹgube ono mee ndu epfuru ngu nụ iphe-iphere; eshinu ẹphe taa maẹduru ẹjo-iphe, ẹphe e-gude epfuru anyi.