Luku 23:2 - BAYỊBURU Izii

² Ẹphe rwuẹpho ẹka ono bya awata epfushi iphe, ẹphe sụru l'o meru sụ: “Anyi hụmaru nwoke-a ẹka oodusweshi ndu ndu-anyi. Ọ jịkaru sụ g'anyi ta apfụjeshi akịriko nụ Siza; tẹme ọ sụkwapho l'ọo ya bụ onye eze ono, bụ Kéreshi.”

Luku 23:2 ပူးပေါင်းရင်းမြစ်များ

1 Ndu eze 18:17

Éhabu hụmaepho Elayịjia bya asụ iya: “?Bụ ngu baa; gụbe onye ono, l'akpa ndu Ízurẹlu ẹhu-a?”

Ebvu-ọma 35:11

Ndu ẹjo-ekebe wulihuru ebo mu ibo. Ẹphe chịkoo iphe, mu amadụ kụbe sụ l'ọo mu bẹ o shi l'ẹka.

Ebvu-ọma 62:4

Iphe, unu shiberu ite iya bụ g'unu nwufu iya l'aba-eze iya ono. Adzụ ụka nọdu atsọ unu ntụmatu. Unu nọdu egudeje ogbogboromọnu unu agọru nwibe unu ọnu-ọma. Obenu l'ime obu unu bẹ unu anọduje atụ phẹ ẹjo ọnu.

Jieremaya 20:10

Kẹle mu anụkwa taba taba, ẹphe adzụgbaaru nwibe phẹ sụ: “Nggiri dụkwa l'ụzo l'ẹkameka!” Ẹphe tụkoru epfu sụ: “Unu je edoo iphe ono, oopfu ono! Unu g'anyi je edoo iphe, oome!” Iphe, bụkpoo ndu mu l'ẹphe eshi ọ̀nyà elekọtaepho ẹnya g'ẹphe maru teke ẹturu a-lọ mu. Ẹphe tụko epfu sụ: “?a maru e-dephuu iya. Noo teke ọo-kalẹru anyi. Ọ bụru teke ono bẹ anyi e-melata iya iphe-a, oome nta-a.”

Jieremaya 38:4

Tọbudu iya bụ; ndu-ishi bya asụ eze-a: “G'e gbukwaa nwoke-a. Oomekwa g'ike bvụ ndu ojọgu, bụ nwa ndu ọphu phọduru nụ lẹ mkpụkpu-a; yẹe ndu-a l'ophu; ọ bụru iphe ono, oopfu anụ phẹ ono akpa iya. Nwoke-a ta abụkwa iphe, a-dụru ndu-a ree bẹ ọocho; ọ kwa iphe, e-mebyi phẹ emebyi.”

Émọsu 7:10

Tọbudu iya bụ; Amazaya, bụ onye uke, l'agwa iphe lẹ Bẹtelu bya ezia ozi g'e je ezia onye eze ndu Ízurẹlu, bụ Jierobowamu sụ iya: “Émọsu nọakwa l'echilabọ ọnu-ụlo Ízurẹlu gẹdegede achịru ngu ẹjo-idzu. Alị ta asụekwa akụbe iphe, oopfu.

Zekaraya 11:8

L'ime ọnwa ophu bẹ mu gude chịkashia ụmadzu ẹto eche atụru ono. Ikpoto atụru ono kpọo mu ashị; tẹme echeche phẹ lakwaa mu phọ ẹnyiru.

Matiyu 17:27

Ọle ọ bụekwadupho g'ẹphe ta asụ l'anyi akpatsu phẹ iwe. Ngwa; je je ewota ịkokoro jeshia l'eze-ẹnyimu je awata ese ịkokoro. Ẹma mbụ, vuchakpọo ụzo lọo iphe ngu: nmata iya; vọhaa ya ọnu. Ịi-hụma okpoga, a-sụru atụ akịriko eze-ụlo Chileke ono kẹ mu lẹ ngu. Woru iya je atụa ya.”

Matiyu 22:21

Ẹphe sụ iya: “Ọo kẹ Siza!” Ọ sụ phẹ: “Ọ n'iya-a bụ g'unu woru iphe Siza nụ Siza; unu eworu kẹ Chileke nụ Chileke!”

Matiyu 27:11

Jizọsu bya apfụru l'iphu nnajịoha ọbu. Nnajịoha bya ajịa ya sụ: “?Bụ ngu bụ Eze ndu Jiu?” Jizọsu sụ iya: “Ọoekwa ngu phọ bẹ o shi l'ọnu.”

Maku 12:17

Jizọsu sụ phẹ: “Ọ dụ ree; unu woru iphe Siza nụ Siza; woru kẹ Chileke nụ Chileke.” Ọnu, Jizọsu yeru phẹ dụa phẹ biribiri ẹtu.

Maku 15:2

Payịleti bya ajịa ya sụ: “?Ị bụ Eze ndu Jiu?” Jizọsu sụ iya: “Ọoekwa ngu phọ bẹ o shi l'ọnu.”

Luku 23:14

“Unu dutaru mu nwoke-a sụ l'oodusweshi ndu ndu-unu edusweshi. Mu jịchaa ya ajị l'iphu unu; ọphu ọ dụdu iphemiphe ono, unu sụru l'o meru ono, dụru ọphu mu hụmaru l'ikpe iya nmarụ iya.

Luku 23:5

Ẹphe kabaa ya epfushi ike sụ: “Ọ tụkoru Jiudiya mgburugburu zigbabẹ iphe, egbuka mkpụkpu egbuka. Ọ watarụ iya ezizi lẹ Gálili; zia ya byasụ l'ẹka-a.”

Jiọnu 18:29

Ọo ya bụ; Payịleti bya ejepfu phẹ l'etezi je ajịa phẹ sụ phẹ: “?Bụ iphe-ẹji gụnu bẹ unu sụru lẹ nwoke-a meru?”

Jiọnu 18:30

Ẹphe sụ iya: “Ọ -bụ lẹ nwoke-a ta abụ onye ẹjo-iphe mẹ anyi ta akpụtakwaru ngu iya.”

Jiọnu 19:12

Payịleti nụmachaepho iphe ono; ọ chọkashiahaa g'oo-me haa ya. Obenu lẹ ndu Jiu chishiru sụ: “Ị -haa nwoke-a; l'a maru l'ị nọru eze nnajịoha lẹ njọ; kẹle onye, gude ẹka iya mee onwiya eze bụakwaa ọhogu eze nnajịoha.”

Ndu-ishi-ozi 24:13

Ọzokpoonu g'ẹphe goshi l'ibo ono, ẹphe boshiru mu ono dụru ọphu bụ eviya.

Ndu-ishi-ozi 24:5

Nwoke-a bẹ anyi hụmawaru l'ọ bụ onye shiberu ite ẹjo-iphe. Ọokpaje ùtsú l'ẹka ndu Jiu nọkpoo lẹ mgboko mgburugburu. Tẹme ọ bụru iya bụ ishi ndu ẹjo ọgbo ono, bụ ọgbo ndu Nazaretu.

Romu 13:7

Unu mejeru phẹ iphe, rwuberu phẹ nụ. Onye o rwuberu l'atụru akịriko nụ; unu atụru iya nụ iya; onye o rwuberu l'atụru ụtu nụ; unu atụru ụtu nụ iya; onye ọ gbaru l'eyeru nsọ; unu eyejeru iya nsọ; onye ọ gbaru l'akwabẹ ùbvù; unu akwabẹ iya ùbvù. Unu mejeru onyemonye iphe, rwuberu iya nụ.